40
17
8
Opening Hours
Today
07:00 - 21:00
Mon - Sun
07:00 - 21:00
Public Holiday
07:00 - 21:00
Public Holiday Eve
07:00 - 21:00
Above information is for reference only. Please check details with the restaurant.
Recommended Dishes
開左南港島線都未撘過，是日放假就去鴨脷洲行下。聽講有間好出名嘅艇仔粉叫漁港艇仔粉，撘到利東站出站一出就見到，但店面寫住內部裝修，好彩有位熱心市民告知搬左去新舖😊店門口好多人等位又好多等外賣，熱鬧非常，大概等左十分鐘左右就有位了，難得來一次叫多啲嘢試下先😋⭐招牌艇仔河粉哈哈，唔使諗一定要試招牌粉，有魚皮、魚片、魚蛋、叉燒、燒鴨、紅腸同生菜，好豐富好多餸，湯頭鮮味，河粉好滑，真係幾好味噃😋⭐招牌艇仔湯飯朋友都係諗住食招牌粉，但又廢事一樣，就轉左要湯飯，餸是一樣的，飯感覺更大碗，朋友話好好味，連湯都飲晒😆⭐炸魚柳烚蛋沙律見呢樣都多人叫，我地都唔執輸叫番份先，炸魚柳即炸的，又香又脆又大塊，沙律係雜果沙律，甜甜地幾好味，烚蛋就無咩特別啦。⭐粒粒西多士雞翼薯角仲有叫左西多士，附上一碟花生醬同煉奶🤤多醬正呀！西多、雞翼同薯角同樣係即炸的，香噴噴～⭐凍檸茶 & 熱利賓納招牌粉飲品要加錢，但另外兩個常餐就有飲品送，咁樣夾埋叫感覺抵左🤣熱利賓納好大杯又沖得濃，凍檸茶有四片檸檬仲要厚切，檸味十足，正！一點黎食咁多人等位唔出奇，點知後來三點幾四點經過都仲係企滿人，呢檔漁港艇仔粉真係好受歡迎呀😆
continue reading
又要嚟鴨脷洲呢個美食沙漠上堂🙈上次食咗泰國嘢，今次同朋友試艇仔粉午市時段好旺場，要等位除咗艇仔粉、仲有多款魚蛋雲吞湯粉，另外有常餐、飯類、招牌炸物等▶️ 麻辣雞扒烏冬 ($51)唯一一款烏冬選擇，如果叫湯粉轉烏冬要加$6，同埋唔包飲品本人唔食麻辣，所以叫咗走辣🙈賣相係平平無奇一碗湯烏冬雞扒連皮，肉質滑嫩，味道新鮮，偏多油脂🐔烏冬並非日式烏冬，唔夠煙韌彈牙，比較實身似上海湯粗麵好在唔易斷，食落算滑身反而湯底出色👍🏻用上不含味精魚湯，鹹中帶魚鮮味，仲有大量青蔥，只係因為雞髀而油咗少少成為呢碗普通烏冬嘅精髓▶️ 雪山粒粒西多士 ($41)上枱「嘩」咗聲😂比預期中大份唔係一口西多士，而係兩口每粒size好平均，正正方方好厚身西多士口感唔錯🍞麵包為主，食落鬆軟棉密外面不算香脆 ，未必啱鍾意脆口人士，但我幾like呢個，感覺冇咁熱氣蛋味香，灑上少許糖霜，味道似高力豆沙👅花生醬同煉奶分開上嘅，可能係唔想整淋啱啱炸起嘅西多士，同埋可以俾客人自己控制甜味花生醬比較流質🥜有花生味但唔算香濃，煉奶夠甜雖然唔係佢哋招牌菜，但個人覺得有驚喜同幾值得試 (好食過上次陳新記)▶️ No.1招牌艇仔粉 ($48)大部份人嚟都叫呢個超多配料：叉燒、魚蛋、魚片、紅腸、炸魚皮、燒鵝朋友話叉燒同魚蛋最好食，聽到隔離客人話鍾意魚片😆河粉底質感唔錯，滑捋捋唔會太腍湯底同樣用上不含味精鮮魚湯，朋友大讚之餘仲飲晒，一滴不留🍲▶️ 凍奶茶 (+$4)唔記得叫少甜，飲落有台式珍珠奶茶甜度🫣完全品嚐唔出茶味不過食完鹹嘅湯烏冬飲番幾啖都幾啱嘅，口渴之下都會飲晒-最出色當然係佢個鮮魚湯底🐟令佢嘅湯麵河粉與眾不同其次係西多士有驚喜！不過有個朋友叫咗生炸雲吞配沙律，份量好細，俾朋友取笑係佢嘅減肥餐🤣環境狹窄啲，坐得比較迫，有機會要同人搭枱因為長期有人等位，都唔好意思食太耐，費事阻住佢哋做生意服務幾好，姐姐同叔叔有人情味性價比高，平均$50/人有埋飲品可以話係鴨脷洲嘅「特產」
continue reading
這間漁港艇仔粉係舊舖對面新開了分店，新店環境比舊店光猛舒服，星期六兩點後仍然爆場，好彩等位都算快。招牌漁港艇仔粉是每枱必點，使用無味精的魚湯作為湯底，十分鮮甜，多飲都沒有口渴感，一碗艇仔粉有魚片、紅腸、燒鴨、叉燒、魚蛋、魚皮及生菜，十分豐富，麵底可自選。四寶粉的湯底一樣是鮮魚湯，內邊有魚扎、魚餃、墨丸及肉丸，丸類都是彈牙的。炸物拼盤有魚蛋、片頭、墨丸、雲吞各2粒$49, 炸得金黃香脆，特別是雲吞，好香口。沾上甜酸醬更美味。
continue reading
鴨脷洲洪聖爺文化節今年又搞，去湊熱鬧，感受一下氣氛。節目非常豐富，玩到夜晚，在附近找一間當地非常有名氣的艇仔粉專門店品嚐後才回家。招牌艇仔粉燒鵝，义燒，紅腸，魚蛋，炸魚皮，魚片，生菜湯頭鮮甜，採用了大地魚，經過烘焙後放入湯內熬製，不但味道鮮美，營養價值很高。炸魚皮脆卜卜，難不得係人氣之選。燒鵝皮薄肉嫰。魚蛋，魚片勁有彈力。食材多多，可一次過品嚐多種，最啱貪食嘅我。青檸柑桔話梅蜜酸，甜，鹹…濃稠好飲，飲後喉嚨好舒服。
continue reading
好耐無去鴨脷洲啦，今日經過一間艇仔粉好多人排隊就去試下鋪頭裝修得好有心機門口個碗艇仔粉好過癮舖頭入邊都有介紹以前鴨脷洲漁村係點樣嘅，我哋兩個人嗌咗好多嘢一碗燒鵝瀨粉、招牌艇仔粉、淨四寶、炸物拼盤、雪山粒粒西多士，要讚吓佢個招牌好足料燒鵝好嫩滑，奶白色魚湯冇味精好有心超鍾意佢個炸魚片頭好彈牙見個個都有嗌西多士我都有嗌下唔使自己切真係好方便！配埋煉奶同花生醬，一啖咬落去好滿足平時過去鴨脷洲行吓，都可以試吓呢間！
continue reading