286
22
10
Telephone
94131131
Introduction
This pet-friendly cafe is designed with an industrial style in grey color. It is very stylish and IGable. It serves Western style dishes such as all day breakfast, burger and pasta.
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
About Reward Scheme
Recommended Dishes
RELATED ARTICLES
⚛️熊妹難得放星期六,今日就同阿豬媽走咗入元朗行吓。行街前梗係食咗嘢先有力氣啦,聽元朗友講有間Cafe《Proton》好受街坊歡迎👏🏻,價錢又🈴理,阿豬媽又鍾意食西餐,一於去食個靚brunch!📌原來係一間🐶Pet Friendly嘅Cafe,中間張吧枱位隔開兩邊,餐廳入邊就有好多二至四人枱,而吧枱外面就有兩大張沙發枱🛋,地方好闊落,可以帶埋毛孩過嚟坐係門口位chill下,飲杯咖啡,食個tea。📌下午兩點嚟到,成間Cafe都坐滿人,連梳化位都full埋,見有人走,又有人即刻入嚟,原來佢地好醒目預先打咗嚟book咗枱☎️,熊妹下次都識做啦!好彩啱啱好仲有兩個吧枱位,咁就帶埋阿豬媽坐吓chill下啦。📌餐牌都有好多款式選擇,有漢堡包🍔、酸種麵包🍞、沙律🥗、小食🍢、意粉🍝同甜品🍩,連All Day Menu都有五款🍱,飲品就當然唔少得沖調咖啡,仲有酒精類飲品🍸!📌另外,仲發現有下午茶Menu📋,星期一至五有得供應,價錢都超抵食,$68起,仲要唔使加一。煙三文魚、龍蝦沙律、水煮蛋、酸種包配薯條,$98一片酸種麵包上面剛剛好放左兩隻水煮蛋🥚,水煮蛋上面就鋪左啲龍蝦沙律,然後由兩片煙三文魚蓋上,所有食材同菜式的名稱齊晒!中間切開一分為二,可以share食都得。切開水煮蛋,流心嘅蛋黃流落酸種麵包入面,充滿濃烈蛋黃嘅味道,龍蝦沙律撈入咗啲蟹籽同沙律醬不嬲都好夾,食落去啖啖龍蝦肉,再加埋煙三文魚鹹鹹地,食落無渣,唔係便宜貨,所有食材都咁豐富,又高營養價值,輕食得來又飽肚。伴碟仲有啲撈上黑醋汁嘅沙律菜🥗,同埋一堆粗薯條🍟,有纖維又有carbs,以一份輕營的brunch嚟講,絕對係超晒班。👍🏻Ribeye Steak Brrakfast,$148阿豬媽好鍾意鋸扒,見到All Day Menu有牛排當然心心眼啦😍!本身係澳洲肉眼扒,不過餐廳話今日轉左係西冷,無所謂啦!總之係牛扒就啱食㗎啦!西冷扒要咗五成熟,好大一塊,真係比手掌還要大,整整齊齊咁切到8至10舊,西冷排本身灑上粗鹽同黑椒粒來煎香,已經好出牛嘅味道,五成熟都煎得幾出色,一啲血水都冇,內裏仲要唔係粉紅色的生肉,食落口超級軟腍,唔韌又有咬口,無咩脂肪位又無根,想要啲醬汁嘅味道就可以點埋碟上面嘅燒汁,味道就再濃郁啲!呢份牛對鍾情牛的阿豬媽嚟講真係讚口不絕,仲慨歎好耐冇食過咁好味嘅牛!係真唔係呀?😆好少可 All Day 可以有牛扒食,仲要有齊本身All Day的材料:大啡菇🍄、沙律菜🥗、烤茄🍅、薯餅🥔同煎蛋🍳,呢份All Day Steak Breakfast 確實係好抵食!綠茶提拉米蘇,$80食完鹹食就梗係食甜食啦!Tiramisu 就聽得多,綠茶提拉米蘇就未食過!成款甜品都幾大一份,有整整四條原條手指餅,上下夾雜着軟滑的綠茶味忌廉,手指餅軟綿綿,食落去好似蛋糕嘅質感,面頭仲插咗幾支綠茶味百力滋,增加脆卜卜的口感,成款甜品都充滿着綠茶味!作為綠茶熊的熊妹表示非常🈵意呢款綠茶作品。Cappuccino,$35嚟到cafe梗係要嘆杯沖調咖啡啦!典型嘅心形拉花💗就係典型嘅沖調咖啡象徵,厚實的奶泡層就可以保持住呢個心形不被變形,淡淡嘅牛奶味又會滲透咖啡香味,而Cappuccino就多一層空氣感的奶泡🍼。Earl Grey Latte,$38唔飲咖啡嘅阿豬媽梗係揀返杯非咖啡類嘅沖調飲品啦。拉花好得意咁畫咗隻兔仔🐰,有別於心型拉花。伯爵茶拿鐵真係好重伯爵茶味,溝落牛奶到非常之夾,咁獨特嘅茶味喺口腔入邊會停留耐啲,可以慢慢嘆一個下午。📌《Proton》,一間小小的cafe,無論食物賣相、擺設、味道都不遜於大型西餐廳,而且價錢非常親民,仲可以帶狗仔過嚟聚一下,難怪咁受元朗人歡迎,記得下次都係book定枱📞先唔會摸門釘!
continue reading
入元朗揾朋友,佢推介有間工業風Cafe都幾Chill,有主食又有甜品有咖啡,於是就去試試。同朋友各點咗一份主食,+$58就可以升級有埋頭盤、甜品同飲品,真係抵過單點太多!頭盤揀咗法式干邑龍蝦湯同煙三文魚牛油果田園沙律🥗真係超抵加。西班牙麻辣海鮮, 魷魚筒意大利飯 $188————————————海鮮嘅份量都多,有魷魚筒、蝦同埋青口,好豐富。意大利飯煮得剛好,外軟內韌,裏面仲有一點點生嘅口感。充滿蕃茄嘅香氣,好掛住西班牙呀🇪🇸香煎美國龍蝦(半邊), 虎蝦, 蟹子蝦子龍蝦汁手工意大利麵 $198————————————好大隻半邊龍蝦,煎咗嘅好香,啖啖肉🦞依款手工意大利麵粗粗地又好掛汁,粒粒蟹子蝦子令口感更加豐富。仲有虎蝦同菇👍🏼污糟提拉米蘇 +$48————————————升級Proton甜品都好抵,$48就可以食到原價$80嘅Dirty Tiramisu🍫濃濃嘅朱古力醬好邪惡呀😋Golden Beach Yuzu Lemon Pineapple Soda ————————————好清爽嘅梳打,夠晒解渴,好Fresh嘅感覺🍹Rose Strawberry Latte (Iced)————————————奶香比較重嘅Latte☕️玫瑰花瓣加上甜甜嘅士多啤梨味🍓夠晒少女心🌹
continue reading
位於元朗國的咖啡店,以型格工業風設計和高質素菜色吸引到一眾街坊的喜愛。在周末,是需要等位的。近門口的位置是寵物友善區,方便街坊都帶同毛孩來一齊食飯。行過吧抬後面,就見到左右2排枱,坐得都幾寬敞、舒適的。不得不讚係店員的友善和禮貌嘅服務,很好👍🏼🥩🥗 M7和牛烤肉、柚子胡麻汁粟米野菜沙律 (HK$88).牛肉有好多件,肉質好嫩好軟,調味很好味.沙律菜爽甜清脆,柚子胡麻汁酸得嚟好醒胃🥃 Pineapple Espresso Tonic (HK$50).這是其中一款coffee signature,也是坊間比較少見嘅飲品.微酸偏甜的菠蘿汁配果香味嘅咖啡豆,攪拌,我覺得味道調得幾好飲喎!🧀🍟 三色芝士焗脆薯條 (HK$60).原來不是一般的三款醬汁配薯條,而係三款芝士與啤酒炸粉嘅薯條一齊焗,好特別,好正.三款芝士似乎係車打芝士、金文拔芝士、瑞士芝士,焗到軟身半溶,黐住薯條食好好味.食焗薯條係比較健康之外,用啤酒炸粉包住薯條令口感比較豐富,調味也很好,不知不覺就食晒啦😄📌 提提你:餐廳下午5點至6點會休息一下
continue reading
𝐂𝐚𝐟𝐞以水泥灰色為主調,行工業風夠晒型格😎野食抵食又大份,有𝐀𝐃𝐁🍽 • 𝐁𝐮𝐫𝐠𝐞𝐫🍔 • 意粉 🍝• 咖啡☕️...難怪平日𝐋𝐮𝐧𝐜𝐡☀️都咁爆場(門口梳化位🛋)仲係𝐏𝐞𝐭𝐬 𝐅𝐫𝐢𝐞𝐧𝐝𝐥𝐲🐶🐱帶埋毛孩都可以坐得舒舒服服咁一齊食🫶🏻~•~•~•~•~•~•~•~•~•~•~•~•~•~•~•~•~•~•~• ☀️ PROTON LUNCH SET ☀️(𝐌𝐨𝐧 - 𝐅𝐫𝐢 𝟏𝟏:𝟑𝟎 - 𝟏𝟒:𝟑𝟎)(送新鮮烘脆麵包🍞 & 油醋汁沙律🥗 或 餐湯🥣).▪ 安格斯牛柳粒 • 煙鴨胸 泰式咖喱汁手工意大利麵 ($92)自家製手工意大利麵🍝比較粗身,唔會好淋,有少少煙韌,口感好好🤓醬汁比較稠身,甜甜中帶微微辣🌶牛柳粒𝐒𝐢𝐳𝐞唔"粒",幾大舊💕.▪ 蒜烤澳洲西冷扒 • 有機生菜 • 薯餅 • 煎蛋 ($148)超大塊西冷扒🥩,揀左𝟓成熟,食落好淋💗旁邊既有機生菜🥬加左香甜士多啤梨味🍓黑醋汁🖤. ▪ 炸蝦 • 炸雞 • 炸單骨雞翼 • 脆香軟殼蟹 • 薯條 ($108)依個拼盤真係不得了,份量足到爆🤩野食有𝟓種,每樣都有好多件🤗全部都係脆卜卜,軟殼蟹🦀仲係原隻上,超好食😋配左𝟑種醬汁 : 蜜糖芥末💛 • 茄汁🍅 • 沙律醬🤍.午市時段☀️野飲跟𝐋𝐮𝐧𝐜𝐡 𝐒𝐞𝐭可以有半價優惠🈹我地除左飲咖啡☕️,仲飲左𝐅𝐫𝐞𝐬𝐡𝐅𝐫𝐞𝐬𝐡果汁🍹(*冇加糖)▪DIRTY ($32)啡味偏𝐍𝐮𝐭𝐭𝐲🤎▪Apple Pineapple Guava & Kale ($60)蘋果 • 菠蘿 • 石榴 • 羽衣甘藍▪Apple Beet Lemon Grapefruit ($60)蘋果 • 紅菜頭 • 西柚 • 檸檬.~•~•~•~•~•~•~•~•~•~•~•~•~•~•~•~•~•~•~• 🔺午市免收加𝟏𝟎%服務費🙆🏻♀️ ~•~•~•~•~•~•~•~•~•~•~•~•~•~•~•~•~•~•~•
continue reading
喺元朗教育路發現咗間超高質cafe 😍裝修風格以工業風為主,用餐時餐廳播住輕鬆愉快嘅音樂,食住all day breakfast,用餐體驗一流!估唔到元朗都有間咁正嘅Cafe!西冷牛扒、煎蛋、薯餅、烤串茄大啡菇、沙律 $210 餐廳晚餐時段都有提供all day breakfast,配料有基本嘅煎蛋、薯餅、烤串茄、大啡菇、沙律,薯餅炸得十分香脆好惹味;沙律菜新鮮夠fresh;西冷牛扒叫咗五成熟,煎得啱啱好質地嫩滑無筋,充滿豐富嘅肉汁!必點!意大利黑松露三色芝士卡邦尼手工意大利麵 $148餐廳全部意大利麵都係homemade手工製,誠意度滿分💯卡邦尼意粉結合咗黑松露引人入勝嘅香氣、三種芝士的奶香及鹹香,與手工麵嘅獨特質地,能夠完美吸附醬汁,每一啖都口感非常豐富有層次,好驚喜!係一個好高分嘅卡邦尼意粉!頭盤+甜品+飲品 $58另外,正餐可以加$58有齊頭盤+甜品+飲品,好抵食!頭盤: 黑松露惹菌忌廉湯黑松露惹菌忌廉湯濃郁香滑,黑松露的香氣與菌類的鮮味完美結合,啖啖蘑菇夠濃郁,讚👍🏼飲品: Love potion Rose Lemon Soda 充滿玫瑰嘅香味,加上檸檬同soda水嘅酸酸甜甜,高顏值得嚟又好飲,打卡一流!甜品: 藍莓芝士蛋糕藍莓芝士蛋糕結合咗柔滑芝士同新鮮藍莓的自然甜味,為今晚的晚餐劃上完美句號🫶🏻餐廳環境裝修、背景音樂令人感到輕鬆、舒服,食物質素高,服務周到,感覺到餐廳好用心製作食物,好開心係元朗搵到呢一間Cafe,希望搵日可以晏晝再嚟chill吓💯
continue reading