2
1
0
12-min walk from Exit A, Tai Wo MTR Station
continue reading
Telephone
24488803
Opening Hours
Today
09:00 - 17:00
Mon - Tue
09:00 - 17:00
Wed
Closed
Thu - Sun
09:00 - 17:00
Above information is for reference only. Please check details with the restaurant.
Signature Dishes
【大埔區】【綠洲餐廳】冇幾耐之前寫過呢個位就近大埔運動場，觀賞香港超級聯賽嘅前後可以喺呢個位食吓嘢。上一手嗰間係食越南嘢嘅，我都食咗兩次先寫佢，點知我再經過佢就執咗，變咗今次我寫嘅呢間「綠洲餐廳」，好熟，有啲印象咁。我唔係太熟大埔，唔知係咪再之前呢個位其實就係綠洲餐廳。不過唔理啦，活在當下，呢一刻係你就係你啦。入到去本身諗住都係食啲咩常餐特餐下午茶呀咁，點知見佢有「點心套餐」，係中式點心喎，梗係食啦，我啱呀。個餐 $46，我揀咗「雞肉燒賣」同「魚肚滑雞扎」，飲「熱奶茶」，個餐就係咁樣兩款點心加個嘢飲咁。我都好似真係第一次食雞肉燒賣，感覺幾特別，口感同之前食開嘅豬肉燒賣唔同。而個雞扎就冇咁標青，但真係有魚肚。而杯奶茶就保持到茶記水準，奶嘅比例幾好，個味幾出。而喺點心唔錯嘅情況下我散叫多碟 $20 嘅「鮮竹蠔油卷」，咁先知道原來所有點心都係師傅自製，唔怪得特別得嚟又幾好食啦。咁樣食法埋單先至 $66，我好想再食多次。。。（地址：大埔翠怡街3號翠怡花園地下9A號舖）#1amfoodie #foodie #hkfoodie #hkfood #food #foodporn #instafood #foodphotography #foodstagram #foodblogger #yummy #foodlover #delicious #foodgasm #instagood #foodies #tasty #tastyfood #dinner #foodpics #foodiesofinstagram #love #dessert #restaurant #foodblog #eat #1am大埔區 #大埔 #太和 #綠洲餐廳 #雞肉燒賣 #魚肚滑雞扎 #熱奶茶 #鮮竹蠔油卷 #1am1309 #1ambackup
continue reading
重開的餐廳除了繼續維持有舊客支持外，在食物上比之前進步，例湯飲完無口乾家庭式經營，對客人尤其熱誠及親切今日食乾炒牛河，味道剛好，牛肉嫩滑，有鑊氣。茶走不會太甜，茶味濃些更好朋友食肉餅飯也不錯因為近學校，午餐時間會較多學生餐廳以往有送餐服務，故鄰近地方會受惠
continue reading
搬了來大埔，要四處搵食，經過裝修師傅的介紹，來了綠洲餐廳。這家庭式餐廳主要是做外賣的，店裏的枱很少。一般見到的都是裝修師傅幫襯。但是你們知不知道，一般中年的裝修師傅都好識食，請教他們都不會錯。記得頭嗰幾次叫咗小炒套餐外賣午餐，我們都十分之喜歡。沒有太多的味精，很用心的煮，份量也不少。對於我們很少在屋企煮食的人，但又嘴尖，真是喜訊👏🏻👏🏻但之後分量減少了，跟住啲小菜好似變晒質，懷疑主廚走了或者放假了。唔知幾時先會回復返之前的質素。遲啲會再俾機會他們的。
continue reading
間鋪係太和巴士站隔離 近近地又見入面都有人心諗就算伏應該都唔伏得去邊嘅 所以就去咗嗌外賣食 點知返到打開就中曬伏 差唔多全部都係皮 冇肉食 大約皮8成 肉2成 二黎啲醬太多 將唯一嗰小小雞味都cum過曬 完全係撈醬食飯 勁難食 你話撈麵都還好 比48蚊食狗飯真係不了 早知去隔離齊柏林食熱狗🥲
continue reading
平日比較少行來翠怡花園這邊吃東西，這天看到很多食店都沒有開😯旁邊竟然有一個牌寫着「綠洲餐廳」，名字好像很耳熟🤔，但忘記在哪兒看過。行到去翠怡花園食肆的集中地，再轉個彎，發現原來旁邊開了這間新餐廳。內裏亦都有不少中年男子，或是工程人員在吃午飯，看到餐牌，選擇眾多，而且也不算求其隨便，結果還是內進一試。看見餐牌，有些煎封魚或是荷葉蒸籠上的班頭腩，名字挺為誇張，像是挺為架勢堂的。因為友人已經立即點了個沙薑去骨雞腿米粉，我就不用在想應該要口水雞定還是蔥油雞，於是就點了個咖喱雞球，除了飯之外，竟然可以選擇撈公仔麵，這個選擇當然比起米粉靈活得多，因為大大碗飯，其實平日在家中自己都識煮。🤷🏿♂️撈公仔麵，因為本身咖喱雞球已經有很多汁醬，因此不用再另加什麼醬油去撈公仔麵，公仔麵的份量極之大，應該有兩個公仔麵，夾夾一夾不完的狀態。而且，剛剛端來的公仔麵，份量多之外，亦都夠煙韌不算煮到完全軟林林，沒有彈力那種質感。雞球的份量相對較少，可能只有四五件，而且不算是相當大團那些雞球而是平底漿雞腿肉起肉的；反而薯仔的份量比較多，幾粒正方形的薯仔，外皮就比較厚身，而且比較乾，要將少許咖喱汁放上薯仔，才能把外皮軟化。這間綠州餐廳都算是貨真價實，因為有時候，例如你叫雙拼，它就可能兩種餸都減少兩件給你，變相其實雙拼加了錢，但是餸料的份量只多了兩件。綠洲就不同，因為它給你兩個公仔麵，吃起上來，就好像在吃大胃王比賽一般。友人的去骨雞腿就相對吸引得多，雞腿大大碟，又厚又多肉，而且煮得內裏蘊含豐富肉汁底下又有濃郁的沙薑汁浸着，但味道又不會太過鹹。雞肉還嫩，雞皮也不太肥膩，配合香濃的沙薑咸香，味道一絕。我杯駌走，未攪之前，竟然都喝到少許煉奶甜味，相信可能是因為原來落得比較多，攪拌完之後，咖啡味道亦不算太濃，反而茶味感覺挺為香濃，味道還是不錯。兩名中年夫婦在廚房裏辛勤工作，一個小妮子下單以收銀到另一名小伙子有時送外賣，有時幫忙端餐，如果是一家人的話，實在是多麼和諧的光景。
continue reading