252
44
13
4-min walk from Exit A, Tai Wai MTR Station
continue reading
Introduction
The shop features purple sweet potato and matcha desserts with stunning presentations, such as purple sweet potato waffle, matcha affogato, and parfait.
continue reading
Opening Hours
*最後落單為營業時間結束前1小時
Mon - Thu
11:00 - 19:00
Fri - Sat
11:00 - 23:00
Sun
11:00 - 19:00
Public Holiday
11:00 - 23:00
Above information is for reference only. Please check details with the restaurant.
大圍市中心內街有好幾間Cafe小店 頗適合週末同姐妹👭Chill一Chill 傾下計打下卡 今次選擇左一間有樓上角樓的Summer Ice 可以享受一下鬧市中的片刻寧靜 基本上點餐和自助餐具🍴/斟水水區都係地下 可以一次落單拎齊野先上一層 我地點左兩個窩夫🧇和一杯茶飲🧋士多啤梨乳酪藍莓夾心窩夫由多種生果 （香蕉🍌莓果 士多啤梨醬）組合的窩夫配搭 窩夫亦甚有驚喜 內裡有芝士乳酪 口感豐富 而且配上水果輕盈清新 加上雪糕甚為滿足😆京都小山園抹茶咖央麻糬窩夫咖央麻糬窩夫比較少見 但入口毫無違和感 麻糬放入窩夫之中 煙煙韌韌 甚有口感 而選用京都抹茶雪糕 茶味香濃幽香 係抹茶控不二之選🤣Hojicha latte焙茶味香濃 口感嫩滑 感覺清爽 凍飲都係一款夏日消熱之選✅今次的Cafe 小店係窩夫整法上別有特色 而且消費都係百元以下 價錢親民相宜💕
continue reading
用左open rice多年，從來，從來,都冇花時間寫過食評，今次真係唔開心，唔開心，唔開心，不吐不快。年輕男店員服務態度差，黑面，不友善，唔想再去食物質素係幾好，但入cafe 食，除咗食物之外，想enjoy氣氛，慢慢食，開開心心咁食餐飯，講真，去茶餐廳d呀姐仲nice, 所以唔會再去既然大圍有好多其他cafe，寧願去食其他冇下次
continue reading
夏 Summer。苦樂由心雪 Ice。炎涼在我！「問世間「煩惱」是何物， 煩惱都是自製出來的？」要夏天落雪， 是否真的一「雪」難求呢？ 其實也未必。。。今天我和朋友，來到大圍的這家「夏雪 」甜品屋，一試它有名的雪糕窩夫， 夏天吃雪糕，就是對自己好些啊！！京都小山園抹茶咖央麻糬窩夫 $75京都，一個很能給人一種「寂靜」感覺的地方。 能在今天超級炎熱的星期六下午，吃一吃它有名的抹茶甜品， 真的是一個週末小確幸。這個窩夫裏面加了麻糬餡，真的很特別，我第一次吃！窩夫烤焗得很脆，在京都紅豆、小丸子、綠茶粉的加持下， 甜度剛剛好，是我吃過其中一款最好吃的甜窩夫。牛油果、三文魚忌廉芝士兩格窩夫配沙律 $80天堂與地獄的差別，只在一念之間， 正所謂「一念天堂、一念地獄」。 就好像窩夫，其實也可以鹹食一樣道理。 來到窩夫專門店，沒有理由不試一下它的招牌兩格鹹窩夫！餡料則選了我最喜歡的牛油果 、還有充滿omega-3的煙三文魚片。 有研究指出，多吃一些有益的油份， 可以讓你更有力氣地去做一些你喜歡做的事，增加開心、滿足感和安多酚的釋放！Hojicha Latte $45從今天起，就試試從不同角度看同一件事物 ，調節好自己的心境。今天我也暫且放下自己一直最愛的綠茶latte，試一下店家推介的Hojicha 焙茶 latte， 為平淡的生活帶來一些小轉變。。。 其實這杯手調培茶飲品的囗感也不錯， 而且奶香味很濃， 是一個不錯的嘗試。人們常常說：苦樂由心轉念間， 看來真的有其道理！ 看來，能夠偶爾放下對生活習慣的執著， 換一個角度，其實可以為生活帶來很多新樂趣。共勉之。#福福郎的日常#有福#preciousmemories#苦樂由心轉念間#kuro福福郎 #大圍美食 #teabreak #summerice #夏雪 #甜品屋 #Kyoto #waffle 。。。。。。。。。🦉。福福郎staycation食評系列， 有全港十八區的特色餐廳介紹 ，你今日睇曬未？！ 請按左上角的「福福郎貓頭鷹頭像」，參閱我的其他文章。
continue reading
星期六日想搵個地方輕鬆同朋友傾吓計，見最近喺IG好多人推薦嘅呢一間就決定專程去大圍度試吓🙆🏻♀️因為去到下層已經坐滿晒人，所以我哋最後上咗上層～有條樓梯上去個閣樓咁樣好有feel🥰我哋叫咗個小山園抹茶麻糬窩夫，跟人嘅果然冇錯，個麻糬窩夫好煙韌！ 抹茶雪糕同個窩夫勁夾，超好味，不過因為份量比較細，好快就食完左🤣🤣我哋仲叫咗兩杯嘢飲，一杯係雜莓smoothie 、同埋一杯coffee latte 好精緻可愛，打卡啱晒～如果同朋友過嚟輕鬆渡過一個下午都係好正，下次會再嚟食😻❤️❤️
continue reading
之前小朋友食完好鍾意，成日叫住話要encore，所以今日同佢學完嘢就再嚟食。自己都好鍾意呢間餐廳，一嚟方便泊車，二來裝修係小清新，彩光度又夠高，坐落好舒服。而且佢有鹹點、甜點同各式各樣嘅飲品，滿足到唔同人嘅需要。之前想食麻糬窩夫，但賣晒，今次終於可以叫個伯爵茶窩夫加麻糬，都只係$73！性價比極高。佢連雪糕都係伯爵茶味，出面好少有。跟住就係小朋友對佢念念不忘嘅雜莓smoothie，所以我又跟住嗌咗杯Peach，但個人感覺偏甜，啱小朋友多啲。始終覺得佢嘅咖啡出，呢杯coffee latte，咖啡味夠濃郁夠香，所以覺得佢嘅咖啡豆都值得入手。
continue reading