4
2
7
13-min walk from Exit E, Chai Wan MTR Station
continue reading
Opening Hours
Mon - Sat
18:30 - 02:30
Sun
18:30 - 01:00
Above information is for reference only. Please check details with the restaurant.
一定一定唔好幫襯！呢間野真係極品，廚房得一條友，都夠膽又做堂食又接外賣仲要接熊貓單，每次落單你要預喺條街熱住企成半粒鐘，落單收銀又唔會講要等咁耐架喎，又熱又攰冇哂胃口。睇到既人唔好再去食！食評叫左個炒飯同拉麵，先講炒飯。我以為自己食緊糯米飯，啲飯黐埋一舊，啲油又多，啲蔥花仲多過啲肉。難食到不得了。個拉麵仲勁，外賣，但係湯同面冇分開，啲叉燒係我有史以來食過最難食嘅，咬落去好似有啲沙質咁，唔知係擺咗幾耐嘅殭屍肉。
continue reading
我係柴灣人，今次算係第二次同男朋友黎食串燒，之前就覺得依間麻麻地好食、隔左成年就諗住再試下。一試，野食味道的確唔差，嗌左金菇肥牛，雞肉串個類，等左大概20分鐘。之後再另外叫多次野食，牛舌，牛肉串，雞扒同翠玉瓜等等，都係再等左20分鐘。重點就係，唔知佢個雞扒係發生咩事，究竟係由剝毛開始燒定點，足足等左45分鐘都見唔到塊扒。連遲過我地入嘅人都已經埋單走晒，到最後坐到1點真係等唔落，直接走左。一餐8條串燒食左個幾鐘，今次真係冇下次，勁燥底。
continue reading
柴灣係一個美食沙漠，好食嘅日本嘢更加沒有。可能好少少嘅可以去小西灣，崗燒算係唔錯。通常會識佢嘅三文魚烏冬，之前佢有一個套餐10分底，但而家應該冇咗。唔可以用出邊嘅標準衡量，柴灣地區來講可以一試～
continue reading
放工買外賣見到隔離啲舖頭門庭若市，而呢間就門可羅雀，咁我就本住啲美食節目成日去啲冇人嘅小舖覓食嘅心態，去呢間崗燒睇下。一去到見到個餐牌，嘩嘩嘩 30蚊一個餐，有拉麵又有串燒真係好抵 咁見佢咁平就決定買嚟試吓。等咗五五二十五分鐘後，終於攞到個外賣，返到屋企一打開真係異香撲鼻，濃郁嘅拉麵湯底，夾雜著隱隱約約嘅冰凍牛肉味真係令我食指大動。一夾起啲麵就知道執到寶，仲淰過X風堂嘅「超軟」拉麵，望住個麵，我就諗到啲老人家就算冇咗排牙，都可以開開心心咁食，我就為老闆嘅別出心裁而感動落淚最後含淚食咗兩啖就食唔落，實在太感動!推薦大家經過可以試試!
continue reading
我係柴灣人 每次買糖水都會經過咁我呢次就買咗個飯嚟試吓啦 難食到爆 啲飯好似脆片 一嚿嚿仲要好似係未熟 啲肉好柴 我買嘅係豬軟骨飯 我喺美食平台嗰度買 我見賣相都好似唔差我就落咗點知啲汁係酸嘅 啲肉簡直唔食得
continue reading