0
3
1
8-min walk from Exit F, Tai Wai MTR Station
continue reading
Payment Methods
Above information is for reference only. Please check details with the restaurant.
第一次由網上外賣平台叫外賣,諗住試吓幫襯呢啲屋村小店,呢個決定完全係錯!佢可以個外賣要我等咗2個鐘,網上外賣平台速遞話佢唔肯煮,唔肯煮就唔好接單啦!痴線不斷更改送餐時間,去到6分鐘又變24分鐘,變咗幾次,結果我等咗2個鐘!3個人叫咗400幾蚊唔係平到不合理啦下話?唔恨做就唔好開啦直頭!咁叻就以後唔好做街坊生意!完全不知所謂!食咁多年大圍小店都未試過離譜得咁緊要!以後一定唔會再幫襯!!!
continue reading
見餐廳門口有小炒餐牌仲要包白飯同湯價錢合理唔貴,叫左二款小菜(辣子雞$70 . 小炒王$80)(外賣加$1)點知收銀丫姐收我$81同$81總$162 之後問收銀姐姐唔係70+$80? 佢話個外賣係$76+$81.找返$5比我. 等左一陣收銀姐姐叫我又話係$71再找返$5比我(所各位比錢時要留意有冇收多錢)辣子雞份量都算多有成大半隻雞, 味道唔會太辣而且夠入味, 雞肉仲有炸過下小炒王出面食開都係比蝦干同魷魚, 依間都幾好仲有埋急凍蝦肉, 隻蝦仲要唔細隻而且有6-7隻到味道都夠,送飯一流
continue reading
今日天氣很熱,亞媽都不想煮飯,所以就叫我和公公一齊出去食晚餐,公公又不想去太遠,就在附近的餐廳食我們的晚餐,去左大圍裕發打冷小廚。叫左涼瓜炆魚腩$73,涼瓜不太苦,我都喜歡食,有一些蒜頭和紅辣椒炒得好有獲氣,但可惜魚腩太多骨,食得要非常小心,下次一定不要叫魚。豆腐火腩飯$47,這個火腩即是燒肉太咸皮又硬,豆腐就幾好,滑滑腍腍公公很喜歡,飯都是一粒粒。乾炒豬扒意粉$50,豬扒炒得好香有獲氣,而且仲腍不鞋,意粉用豉油炒爽滑不錯,內有洋蔥、葱很香。每人還送一碗例湯,今晚的例湯是:黃瓜、紅蘿蔔、豬骨、南北杏,味道剛好不會太咸,而且仲好大碗,環境就不太乾淨,而冷氣要叫亞姐開大些,如果不叫會得熱,3人食左$170都平,可惜食物就不是太好。
continue reading
飯團君簡評:今天主要於大圍區覓食,本來想去一間泰式餐廳大吃一餐。可見顧客人數眾多,職員的無禮態度也無奈發洩在我身上(只是想詢問等候的桌子還有多少,她反映沒有耐性就不要等,去下一間)。此刻我認為沒必要的爭吵,態度影響食慾,故此著重服務員態度的我也馬上轉往第二間的餐廳。走前來看到這間餐廳<裕發打冷小廚>,剛巧今天也有位置讓我們一班人進食,馬上決定「就這間吧」! PS. 竟然是我第一個於OPENRICE發現這餐廳!!! 哈哈哈哈進去後,服務員態度相比另一間的餐廳,顯然態度友善,而且可見餐廳的職員也用心寫上菜單。亦難得一見的好字,一邊填寫菜式名稱,一邊填寫價錢,實屬有趣的做法。整體服務員態度良好,包括在加飯時候,他們會直率告訴我們沒有碗子,請稍等。欣賞他們的真誠與禮貌,於非連鎖式打冷餐廳進餐,人情味也是值得加分的地方。內在環境可見餐廳也高朋滿座!我們點了六道菜式,八珍豆腐、雜菜煲,京都肉排、沙薑雞、蝦醬菜心、薯仔牛柳。在開始前也詢問我們要否例湯,以及在點菜後加多一碗飯時,店員也友善提醒我們有六個飯,相當貼心。**但食評最重要的都還是味道(5分最高),飯團君混了這麼多年,也知道重點在此!**八珍豆腐(3.5分):滿滿的豆腐煲,與其他餐廳的味道類近,味道不會太濃烈,-而且份量也充足,可以接受。雜菜煲(3.5分):少量海鮮的配搭,加上大量的蔬菜,味道相當為平和,亦可以淺喝幾口作湯飲用。京都肉排(3分):大量的洋蔥,肉排偏瘦難以咀嚼,味道尚可接受,若肉排能半肥瘦,口感能夠提升更高的層次。沙薑雞(4分):最貴的菜式,雞味足夠,顯然是活雞! 而且份量也足夠4-5人進食,值得推介。蝦醬魷魚菜心(2.5分):菜心與魷魚相隔兩河,菜心亦沒有蝦醬的味道,淡而無味,也算是需要進步的地方。薯仔牛柳(3.5分):薯仔有鑊氣且脆口,是在整桌菜式最快被吃完的一道菜(本來值4分),牛柳粒較為硬,有點像任食燒烤的牛柳粒質感,認為促使減分。雖然味道不算特別出眾,但小店店員態度良好與適時回應顧客需求。菜式與味道尚可,但人情味也許能夠促使我下次光臨。若想試試濃厚人情味也值得一試。--------------( 5★最佳)用餐日期 :2019/02/10(日)地點位置:★ ★ (從大圍站步行示少15分鐘)環境氣氛:★★★★店員態度:★★★★★食物外貌:★★★ 味道質素:★★★價錢合理:★★ 飽或不飽:男生們表示飽! 每人清費:約每人$70最推薦食物:沙薑雞、八珍豆腐煲(。ì _ í。) 從不借相/偷相,食過先敢講!
continue reading