Video
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
RELATED ARTICLES
想留喺香港都嘆到特色新加坡菜式，今晚收工就去咗大圍圍方 Chatterbox Café🌟好鍾意餐廳裝潢充滿東南亞風，座位之間有一定距離，空間感十足，侍應收碟速度快🤟🏻🔹二人滋味套餐🔹有齊小食、主菜、蔬菜仲有飲品，三百幾蚊性價比超高！👉🏻黑醬油炒蘿蔔蘿蔔糕口感綿密柔軟，加入黑醬油同炒，帶點焦香，相當惹味～👉🏻文華海南雞飯嫩滑可口嘅海南雞皮薄雞味濃，去骨啖啖肉方便享用～雞油飯以上湯、雞油、乾蔥等製作，粒粒味香而不油膩。👉🏻 招牌大蝦喇沙啡黃色湯頭帶點紅油，味道香濃順喉偏稠身，椰奶味相當突出～大蝦彈牙好有口感，配料仲有魚片、豆卜、雞蛋，大大碗超豐富～👉🏻蠔油小棠菜套餐包埋菜就更加健康，小棠菜份量都幾多下，淋上蠔油增加香甜味～👉🏻鮮磨咖啡香滑濃郁嘅即磨咖啡醇厚唔苦澀，唔錯～食飽飽想食甜品，除咗刨冰仲有椰子雪糕、斑蘭蛋糕，都幾多選擇😆🔹斑蘭蛋糕伴椰子雪糕斑蘭蛋糕口感鬆軟細緻，散發斑蘭葉特殊清香～椰子雪糕夠哂冰凍綿滑，入口啖啖香濃椰子味🥥Chatterbox Café✨📍大圍車公廟路18號圍方3樓304號舖
continue reading
今日我同媽咪喺尖沙咀行街, 行到肚仔有啲餓, 就諗起呢間位於K11 Musea嘅新加坡餐廳。 我哋以前嚟過一次, 覺得味道唔錯, 就決定再嚟食過。一坐低, 我就叫咗白胡椒肉骨茶配麵。湯頭入面嘅胡椒味好濃郁, 聞落已經覺得好appetizing。肉骨煮到好鬆化, 輕輕一啜就即刻溶入口。加埋麵一齊食, 真係好滿足。媽咪就叫咗鹹蛋黃雞翼。雞翼炸得脆卜卜 , 外脆內嫩。一咬落去 , 鹹蛋黃嘅味道就爆晒出嚟 , 好香濃。成隻雞翼都裹上咗一層黃澄澄嘅蛋黃, 睇落勁吸引。最後仲叫多份醬油生菜, 嚟中和吓兩個比較重口味嘅菜式。青綠色嘅生菜, 淋上醬油汁, 好開胃。成餐食落, 都幾有新加坡風味。雖然價錢比一般茶餐廳貴少少, 但係食材新鮮, 味道正宗, 值得一試。下次有機會嘅話, 都想再嚟食返轉。
continue reading
之前食過位於太古嘅Chatterbox Express原來圍方都開左Chatterbox Cafe一於睇下有咩唔同餐廳裝修設計相對下比較開揚亦好有南洋感覺 今次要左個二人套餐馬來特式炸豆腐 - 本身望到個醬汁。好似望落麻麻地喎🌝唔好意思！點知佢先係靈魂所在😲食落甜甜地好香沙嗲味。我對面個位直情想用黎撈飯食咁制🙈😂文華海南雞飯 - 招牌菜。油飯食得出好香蒜頭味同斑蘭味。但雞肉方面同太古比..呢間分店好似冇咁嫩滑。雞湯相對比太古濃味，幾好飲白胡椒肉骨茶配麵線(+20) - 4件排骨都好大件。肉質鬆軟，用筷子就可以夾開。點黑醬油好好食！微微嘅白胡椒味真係會忍唔住一啖接一啖咁飲，麵線吸哂肉骨茶嘅味道好似好食過配飯。蒜頭煲到粉粉地充滿甜味🤤蠔油小棠菜 - 可能其他菜式味道偏濃。碟菜可以平衡番凍美祿恐龍(+24) - 新加坡就一定會諗到美祿恐龍。明明上次就話要飲斑蘭咖啡嘅🫢😂凍玫瑰咖啡(+24) - 初時我仲諗會唔會好香精。又估唔到佢係淡淡嘅玫瑰香味，凍咖啡面頭嘅奶泡仲打得幾滑添👍🏻值得一試
continue reading
約了朋友去圍方，諗住食得好啲，從網上看到Chatterbox的介紹，話文華酒店海南雞飯，諗住去試試。我和朋友點了海南雞飯午餐$138，再點選雞肶加$10。以為這個價錢應該唔錯，點知雞肉係冇味，雞肶肉係滑但冇味。以為沾些醬汁會好啲，但三款汁都唔掂，令大家都好失望。油飯亦都好一般，淡淡的味道。總結：以為這個價錢(連加一每位$162)及號稱文華酒店嘅海南雞飯，總會有些睇頭，點知希望越大，失望越大。埋單時，隔離位食客都話又貴又唔好食。唉！
continue reading
Chatterbox Cafe Chatterbox Cafe喺星加坡好有名氣嘅餐廳,餐廳分店位於新界沙田大圍地鐵站上蓋圍方商場3樓,餐廳裝修設計新穎以藤器木系為主,座位寬敞,坐得舒適,藤器的牆身和柔和嘅燈光,加上綠色元素擺設,餐廳嘅環境份外溫暖舒適,餐廳主打星加坡海南雞飯,服務員招呼客人殷勤友善。餐廳現新增全新午市套餐$88多款星加坡菜式供客人選擇。芽籠黑醬油海鮮福建麵福建麵配料有海蝦,魷魚,椰菜絲,韭菜和香茜,新鮮海蝦和魷魚食落彈牙爽口,福建麵廚師煮得剛剛好,軟硬適中,每条麵身沾滿芽籠黑醬油,非常好味。星洲海鮮炒貴刁星洲海鮮炒貴刁配料豐富.有芽菜,鮮蝦,帶子,魷魚,莞茜,韮菜,臘腸,椰菜絲,廚師巧手炒貴刁炒到有鑊氣,每条貴刁都有焦香口味。炸素春卷小食炸素春卷有三條配有泰式甜辣醬,熱辣辣上桌,春卷外皮脆卜卜,餡內素菜豐富新鮮。雙球椰子雪糕甜品椰子雪糕入口有香濃椰子味.有薄荷葉作點綴,雪糕食落有椰子絲的口感。飲品有新鮮熱檸水和香濃熱咖啡。
continue reading