409
45
21
Introduction
A Cantonese restaurant in Tai Wai with a focus on Chinese cuisine, the menu is reasonably priced.
continue reading
Awards and Titles
MICHELIN Bib Gourmand (2023-2024)
Opening Hours
Today
10:30 - 15:30
18:00 - 22:30
Mon - Sun
10:30 - 15:30
18:00 - 22:30
Above information is for reference only. Please check details with the restaurant.
Recommended Dishes
RELATED ARTICLES
第一叉 - $188呢個係必食之選!本身呢嚿叉燒已經切開咗但佢係厚切 所以可以再切開用咗梅頭肉同麥芽糖燒製成個邊係脆燶邊嚟上到枱店員仲會搽多一層柚子醬然後再用火槍燒一燒令到叉燒外皮更加香甜脆口口感係外脆內軟叉燒好淋好軟熟 接近喺入口即溶嘅感覺食完雖然覺得好邪惡但絕對可以令人食唔停口花菇吊魷鮮肉燒賣 - $52作為燒賣愛好者去到飲茶點會唔嗌燒賣燒賣俾想像中更加大粒而且好實淨花菇大大粒唔會好硬吊魷都好有鮮味呢個燒賣嘅配搭都幾特別古早味牛骨髓 - $52牛骨髓個口感好好滑嘟嘟咁唔係好洗點咬已經係個口度溶化咗不過略嫌整得未夠入味要靠點多啲汁先至食到個味灌湯餃 - $68夠晒大隻個皮唔算太厚入面都好足料湯汁清甜 店員仲建議我哋唔好落任何調味因為要食真啲佢個原味醬王金錢肚 - $44金錢肚好大塊整得好入味好淋少少辣咁好惹味側邊啲魚蛋都好彈牙嫲嫲芥蘭粿 - $33個人本身對於呢啲菜餃都好有興趣呢個芥蘭粿都無令我失望成粒脹卜卜咁個皮都好薄 好通透食完都感覺冇乜負擔煙燻鵝肉卷 - $98一啖一粒都幾方便進食煙燻味好重好香未上到枱已經聞到呢陣味入邊有唔同嘅蔬菜好有咬口流心煎糯米雞 - $52呢個煎糯米雞對我嚟講都幾新奇因為我未食過咁樣整嘅糯米雞剪開嘅時候上面個蛋黃流晒心令到隻糯米雞唔會好乾而且煎過個外層令到糯米除咗有煙靭嘅口感同時又會有脆嘅口感都幾得意三色腸 - $52一碟有齊蝦腸,牛肉腸同鯪魚肉腸粉啱晒想試多啲款式嘅朋友蝦腸啲蝦好大隻好爽口鯪魚肉都幾結實牛肉腸正常發揮
continue reading
第一間係大圍小館呢間本身就想食左好耐因為黃店乘米芝蓮實在太出名亦都係最難book既一間四月果時都成個半月前打電話去訂位佢地夜晚分開兩輪想book到星期六日既第一輪好似無咩可能唯有book第二輪八點三既時間不過電話都幾難打食飯果時都聽到佢地長期電話響都無人理係最近追加左可以網上訂位就方便左好多去到門口未夠鐘已經成村人排隊應該就full house無咩機會walkin食到佢門口好多紅色燈籠都好搶眼都擺左d獎出黎係唔擺必比登隻衰仔出黎入面比較似酒樓格局全部圓檯設計兩個人黎食好似有少少困難又食唔到多餸所以臨結婚前全家一齊去食餐飯就岩岩好呢張檯5個人坐夠晒位無轉盤有d懷舊菜佢話要預訂既主餐牌都豐富但就係無乜素食可以揀因為老母要食齋佢地主食就無乜素食就揀左兩個齋既前菜雲耳海帶一酸一辣糖醋豆腐粒而佢地都出名燒鵝就好快上我都有預先電話留低既餐牌就無分上庄下庄呢個係例牌但都有隻脾價錢只係168都幾抵食應該真係岩岩燒完出黎仲有溫度皮薄脆口肉厚多汁原來好食既燒鵝係咁既味道係有沖擊性既不過大圍小館最招牌果樣係叉燒叫做勾魂叉188蚊只得5件唔平得天龍軒幾多佢上完檯會有侍應再拎碟陳皮醬再查上去然之後再用火槍再燒濃少少呢個就係大圍小館既勾魂叉唔知同早餐既第一叉有咩分別佢每一件都勁厚身一件大約等於普通既叉燒兩至三倍厚度再黏埋米通一齊食口感會好少少可惜咁出名既叉燒除左真係肥大之外就唔太特出完全稱唔可以稱得上軟淋太大舊仲有些少難趙同天龍軒或者嘉麟樓都有好大既距離又係叫比老母既豆腐煲煲得幾香口其實中間呢一堆野都一齊上咁濟所以係一次過食唔晒既叉燒都擺左一陣個飯都係差唔多一齊上咁濟叫左睇完好吸引既籠仔蒸蟹飯以前係好想去天寶閣食佢地個紅蟳米香估唔到可以係呢度食到上檯就好香不過上完檯就會搬走隻蟹再搞暈個飯但咁樣分開左個飯又唔算特別好食有少少齋食完隻蟹拎個蓋黎載飯又幾得意仲有一道道菜係之後先上金沙日本南瓜呢一碟都好食咸蛋黃岩岩好整得唔會太漏同大濟如果用黎轉鮮魷應該會好好食張檯夠晒位擺咁多碟餸食到好飽仲有糖水送一人一碗蓮子糖水唔錯幾清甜埋單茶錢收成廿八蚊位係直迫五星酒店價錢不過如果當係送既糖水就舒受好多連埋加一就差唔多千五蚊平均每人三百蚊大約係中價高少少既餐廳如果以米芝蓮黎講就真係唔算貴不過好似叉燒同燒鵝我覺得兩者價都唔太合理燒鵝平到普通燒味店咁叉燒貴到去六星酒店級食完就真係唔係好明咁多人去推祟舊叉燒既理由其實都食過大部份香港比較貴既叉燒真係無咩邊度可以及得上天龍軒嘉麟樓同埋潤呢三間不過都想試下好似鋒膳咁用日本豬黎做叉燒係咩感覺另外服務呢大圍小館都係想營造一種高級中菜既感覺姐姐會係席前做好多野又會介紹下菜式不過某d姐姐背書又背到ee呀呀咁就差左少少另外問佢地有無咩素食佢又話可以試下海鮮堅係九唔搭八同埋又有試過上錯左兩個菜比我地係有些少混亂既近期睇過老闆既自問自答佢話大廚已經過左去元朗店管佢唔到咁我就唔知呢餐飯果時大圍店仲係咪大廚主理不過個燒鵝就真係一流回味無窮如果可以試多d懷舊味就仲開心但唔食雞子戈渣佢又無得轉其他料都無計老母食過之後次次做節都話想再book但永遠都只係得番八點三呢個時間又搞不L掂所以之後就book左另外一間黃店入面都同樣幾出名人人和平黎做冬
continue reading
良朋歡聚,一起品嘗,齒甲留香。約一班夜鬼午餐難,早茶更難,經友人努力下,終於成局,事不宜遲當日叫咗如下,灌湯餃,蝦餃,明蝦角,牛骨髓,芋角,蝦腸,流心奶黃包,雞卷,鮮竹卷,棉花雞,鳳爪,第一叉,沙翁,芝麻卷,海蜇頭。灌湯餃~做法正統,料足,湯鮮味,一細口咬下去再吸,嘩!小心熱,辣到口。蝦餃~晶瑩剔透,皮不會過厚,蝦味鮮,筍及肥肉配合下一流,兒時味道回來了。明蝦角~足料,唔會食到一口油👍🏻芋角~ 外夠蓬鬆,內夠飽滿,滿滿的芋頭蓉,一樣唔會食到一口油。蝦腸~ 米味香,粉皮滑,厚薄適中,好味。流心煎糯米雞~幾特別味道不錯第一叉~美味,大大件,唔會鞋口,一定要試沙翁同芝麻~水準之作!奶黃包~不用多介紹,料足,一咬開,流心即刻爆發,小心熱!雞卷~懷舊物其中之一,有如雞包,包皮沒有太硬及鬆軟,夠熱。 牛骨髓~滑嘟嘟,都係舊味道😍鳳爪,鮮竹卷,棉花雞,水準之上戴返頭盔先,我覺得好唔好食≠你覺得好唔好食,好唔好食因人而異。
continue reading
今次我地係家人中秋做節食飯,不過就係提早食,唔係正日,所以book位都唔算太難,呢間係米芝蓮餐廳黎,都係出名既中菜館黎架😁勾魂叉($188)呢個叉燒係大圍小館最出名既餸黎,個名都型過人,一份得5件,我地人多嗌左兩份,個叉燒超厚切,一件都勁大件,佢地係會拎到我地面前先開始燒脆個表面,食落啖啖肉,肥瘦適中,唔怪得係出名菜🤩功夫八寶鴨($680)呢個八寶鴨係要訂枱時預訂先食到既‼️ 呢個餸係比較少機會有得食既,隻鴨入面有冬菇糯米等等釀入去,認真足料,味道都唔錯,有興趣既記得訂先食到😆莓香骨/一口果香($238)呢個餸係一個生炒骨配士多啤梨醬,我係唐立言fans就自然聯想起郭晉安套回歸既蜜桃士多啤梨生炒骨🤣 不過呢個一口果香我覺得其實唔係幾夾,我都係prefer唔點醬多d🤪椒鹽九肚魚($188)呢個九肚魚脆脆地,味道普普通通咁,感覺大排檔食既話先有番果種鑊氣同風味🤔海鮮湯浸沙爆魚肚田園蔬($228)呢個菜式比較特別,佢既蔬菜係秋葵同西芹,我比較少食秋葵都ok,個魚肚就幾正,吸左d湯汁好夠味😋蜜薯和牛柳($238)佢係和牛黎既?定係蜜薯&牛柳咁解😂😂 但我真係食唔出和牛質素,而且份量唔多,呢個比較失望既菜式🥲三薑爆豬雜($188)呢個豬雜幾有驚喜,份量幾多,豬雜同蔥爆得香口,我幾鐘意呢個餸😄砂煲蝦頭膏炒飯($228)呢個炒飯整得好食好夠味,個砂煲又夠熱,份量亦算多,而且佢都足料,有好多隻蝦係度,想揀粉麵飯類既話,呢個係好既選擇👍🏻冰花蛋球($58)呢個甜品聽店員講正常夜晚係冇既,但係咁岩有多可以賣比我地,同埋我知呢個都係佢地既代表之一就叫左黎食,呢個我覺得幾正,好多糖係面🤣個沙翁外脆內軟口感幾好,好彩有貨食到✌🏻我覺得呢度係中上質素,但就係頂級名氣,令我覺得比預期係差,同埋餸菜質素幾飄忽,有d好好食,有d好普通,黎食真係要揀岩餸先會有更好體驗🤷♂️
continue reading
服務很好叫左义燒,啫啫生菜煲和蒸蟹飯义燒好似慢煮完再焗,煮過耐,口感完全唔得,食落好似湯渣啲豬肉咁,义燒外面的味道還可以籠子蒸蟹飯的蟹鉗不知為何很重亞蒙尼亞味,😰,一吸啲肉,幾乎嘔出嚟!幸好其他部位還可以,炒飯同啲蟹嘅味未能融為一體🤷🏻♀️⋯⋯生菜煲唯一可以,不過煲大菜小,如果一圍枱就唔夠食!送左個糖水 - 腐竹白果,正常,冇特別
continue reading