Video
1-min walk from Exit A2, Sham Shui Po MTR Station
continue reading
Telephone
59805858
Opening Hours
Today
06:00 - 20:00
Mon - Sun
06:00 - 20:00
Above information is for reference only. Please check details with the restaurant.
其實當日真係幾 random ，本來係去鴨寮街買電子零件，買完之後仲有少少時間先至同人會合，喺深水埗行嚟行去，無意之間，看到這一間小店。今日天氣，雖然不太熱，但是見到哥哥努力的，在廚房面對蒸爐，抽氣扇不停的噴出蒸氣，非常辛勤的工作。小弟真係未見過，孤陋寡聞，睇落有少少特別，加上好奇心驅使之下，所以就試吓。叫咗瘦肉腸粉，加蛋及菜。大約5分鐘便弄好。放了入食物盒之後姐姐加了神秘醬汁。腸粉是很薄的我估大約只有0.5mm的厚度。所以夾起比較容易碎。醬汁的味道好似是蠔油，溝稀咗的。所以我再加少少辣醬。味道同估計的差不多。可能是食慣的關係，我都係鍾意酒樓的那一類型腸粉。但是，可以加雞蛋及菜，也幾特別。價錢都大眾化。
continue reading
由以前香港仲未係好多石磨腸粉店嘅時候已經好偏愛呢一款食物～ 依家終於慢慢興起喇！尋尋覓覓試過好幾間香港嘅石磨腸粉店，終於試到呢間會不斷𝗲𝗻𝗰𝗼𝗿𝗲嘅五嫂石磨腸粉🤘🏻五嫂嘅腸粉選擇都幾豐富，當中最鍾意食雞蛋瘦肉腸粉～ 因為呢一款係最多餡料最有口感，同時考驗到師傅對攪拌雞蛋嘅均勻度，所以一間石磨腸粉店好唔好食，最應該攞雞蛋瘦肉腸出黎比較。有時候想昇華口感會叫菜脯，食落更加香口同有質感。佢哋有特製嘅自家醬汁，每日新鮮製成，唔會太鹹或者太淡。腸粉嘅質地都好軟滑，唔會太厚遮蓋咗餡料嘅味道，不過略嫌太薄身而容易破損，真係無返咁上下筷子功夫都好容易夾斷。環境方面，平時慣咗熱辣辣新鮮出爐咁堂食石磨腸粉，覺得攞走就冇咁好味。五嫂啱啱好係巷仔對開，位置並唔多，只能容納𝟰-𝟱個人，加上都多人排隊，所以經常要企係到食。不過二三十蚊就可以食到好食嘅石磨腸粉都覺得值嘅。
continue reading
一向都好鍾意食石磨腸粉有日經過深水埗就決定要試下價錢唔貴叫左菜脯蛋腸粉即叫即整等嘅期間都見到好多人買/堂食等左一陣就有。腸粉配嘅豉油唔會鹹落曬成包都ok辣椒油推薦要記得加埋落去會更加好食😋
continue reading
🍴五嫂石磨腸粉📍深水埗北河街98號地下B3號舖外賣送到屋企石磨腸粉皮薄內餡多汁加點辣椒油更美味🥳✨雞蛋瘦肉碎腸 $24啱啱蒸出嚟嘅腸粉好韌內裏有一蓋煙韌嘅瘦肉碎同埋香滑嘅雞蛋入味唔肥膩🫶✨蔥花蝦米腸 $24蝦米好新鮮蔥味又好香而且腸粉都煮得恰到好處😚
continue reading
今朝路過準備試下呢間腸粉，落左單等左15分鐘，途中係有人打電話order，都有人walk in，但當我發現有個比我遲去現場落order俾錢嘅，比我快可以拎到腸粉，我就問左一句點解佢遲過我黎又可以快過我嘅？女職員就態度一般咁講都係順單做，蒸緊腸粉條友就加一句，“我想俾邊個就俾邊個，佢係熟客，你唔好咁多野講，走啦”ok，我話咁退錢啦，又唔係得你一間腸粉鋪，串咩呢？早餐一個腸粉要等15分鐘都未得，味道我未食唔評論，但係咁嘅態度我絕對冇下次…
continue reading
You may be interested in