24
7
0
Telephone
35102000
Introduction
Soak in the cafe’s peaceful and welcoming atmosphere while enjoying its selections of specialty coffees and causal dining.
continue reading
Good For
Family Style Dining
Opening Hours
Today
07:30 - 22:30
Mon - Sun
07:30 - 22:30
Public Holiday
07:30 - 22:30
Public Holiday Eve
07:30 - 22:30
Above information is for reference only. Please check details with the restaurant.
Signature Dishes
好耐無去探索家酒店。今次去星航圖咖啡廳醫肚。今次點咗個$268四川菜宮保蝦球加甜點$75芝士撻。個宮保蝦球餐加$78配餐湯、熱奶茶及雪糕。我本人食宮保雞丁食得多，未食過四川菜有宮保蝦球。職員Moon誠意推介。值得一試。個餐係有送餐服務。職員Keith & Moon係分批送每道菜去我張枱。服務水準一流。先上個開胃甘荀湯。湯底濃郁。清甜不膩。好飲。之後食主菜宮保蝦球。蝦球每個比例均等，數量有十數個。混入秘製醬汁，入口爽口彈牙，滋味無窮。一般宮保菜常用花生。但這道菜用既係腰果、番椒、紅辣椒及西芹。腰果每粒都係完整。紅辣椒切碎但不帶種籽，好明顯看出廚師有走種籽這項工序，廚師照顧到食客需要。番椒、西芹用最上等新鮮食材。混入白飯一齊食，新鮮爽口。最厲害之處是傳統四川菜帶麻辣。但這道菜只是微辣。適合小孩子食用。奶茶係用英式茶包。好飲。士多啤梨雪糕係用新鮮士多啤梨，混入雪糕一齊食。食到帶有水果美味既雪糕。呢款雪糕，Movenpick & Haagen Dazs 都無新鮮士多啤梨水果做配料。芝士撻造型係Duffy & Friends 個Olu 概念。配合樂園個 Duffy & Friends 春日子題。芝士撻美味可口。兩款甜品賣相滿分。五星級酒店出品必屬佳品。食完個午餐，建議可以行下商品店，選購最新 Duffy & Friends春日系列。如有時間，沿着海邊漫步去迪欣湖。帶小朋友放電、拍家庭照、拍婚紗照或拍拖好去處。
continue reading
走到Chart Room Cafe，被櫥窗裡的米奇米妮蛋糕吸引住了，這間餐廳唔洗等得咁辛苦，一坐低已經覺得舒服曬😌。米奇蛋糕係個朱古力帽底下藏住嘅提拉米蘇，個蛋糕底濕濕哋，咬落去芝士味又濃郁，唔甜膩，真係幾正！🍰再講吓個米妮蛋糕，佢唔單止有朱古力，仲加入咗士多啤梨味，酸酸甜甜，朱古力唔會過於濃膩，真係諗起都流哂口水。我覺得，喺迪士尼嘅時光之餘，來這度坐吓，食個甜品，真係休息得正啊！兩個蛋糕造型精緻，吸引到我啲口水都嚟喇💦。總括來講，呢次餐廳嘅體驗令人滿意，間店唔單只環境舒適，食物都做得好有心思，仲有得睇睇風景，等等返去睇下午嘅表演前，真係一個唔錯嘅休息選擇。
continue reading
星航圖咖啡廳一家人去香港迪士尼樂園酒店Staycation，但都搭shuttle番去探索家度假酒店Lunch，因為上次食過呢間餐廳，是樂園中性價比較高的餐廳。焗鮮茄豬扒炒飯豬扒夠厚又大塊，炒蛋飯底好香，飯質煙韌，粒粒分明，醬汁夠多，加埋芝士焗，混合一切食，味道一流。蘑菇湯個湯菇味好香濃，趁熱飲，好正。輕食拼盤呢個輕食拼盤我哋每次必食，今次堂食同上次叫番酒店嘅食，都一樣美味。雞翼肉質鮮嫩，炸完都鎖住肉汁；香烤香腸夠大條，啖啖肉，好正；炸魚魚質彈牙，唔似一般雪藏魚；薯條香脆可口；個拼盤份量唔算少，令你食唔停口。兒童套餐蛋包飯味道正常，不過不失，小朋友好鍾意食；個蛋沙律腐皮壽司好驚喜；飲品可選果汁、水或牛奶，甜品一般，有d水果，我哋加埋落杯乳酪度食，更有口感。整體個兒童餐不錯。
continue reading
今日食評✍🏻星航圖咖啡廳@迪士尼探索家度假酒店試食指數⭐⭐⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·到迪士尼探索家度假酒店staycation 早餐選擇不多復活節假期中餐廳全日供應自助餐西餐廳昨日試過lunch今日唯一選擇係星航圖咖啡廳·自助搵位坐再去買餐攞餐基本上係快餐店模式不過價錢就係貴啲咁解🙃·我哋叫咗兩份早餐1️⃣waffle 炒蛋配橙汁2️⃣一口西多 炒蛋 鮑魚通心粉配橙汁·兩份早餐400有找係貴但點都抵過自助餐·無論大鋪小店我哋都會盡試盡講Follow我哋bw.foodie
continue reading
以往喺迪士尼食嘢，以一字記之曰，就係「貴」😥 但今次嚟到迪士尼酒店，竟然有意想不到嘅收穫呢🐭🪤💓———私心推薦以下菜式，可以 bookmark 定下次去食！🔖✅ 打卡必備！📸 超可愛😍 米奇造型提拉米蘇🐭✅ 激抵食🤩 邪惡巨型焦糖爆谷🍿 店內只售💲4️⃣0️⃣———❝ 焗鮮茄豬扒黑松露飯 | $178面層茄醬非常鮮甜，加上大大塊軟腍豬扒、焗至微焦嘅半溶芝士，焗豬愛好者表示大滿足！不過最神奇嘅係，豬扒底下暗藏蘑菇、三色豆、黑松露，雖然唔太新鮮但可以接受🤔評分：6.5/10———❝ 忌廉南瓜湯 | 跟餐免費每個主食都會跟碗南瓜湯，雖然唔及高級餐廳嗰啲咁 creamy 濃郁，但南瓜味道非常甘甜，而且大大碗、熱辣辣，非常暖胃☺️評分：7/10———❝ Tiramisu（米奇老鼠造型）| $70米奇老鼠外殼用上黑、白兩款朱古力，味道驚喜地唔會太假，亦唔會過甜。打開裏面嘅 tiramisu 散發淡淡咖啡醇香，酒味較為突出。食到最後有海綿蛋糕墊底，整體口感幾豐富呢✨評分：7.5/10———❝ 迪士尼爆谷桶 | $40爆谷粒粒爆香，香甜焦脆，完全停唔到口。成桶爆谷有手臂咁長，非常巨型，呢個價錢喺迪士尼算係好抵食了。評分：7/10———❝ 熱情果咖啡梳打 | 跟餐 +$35梳打清新夠氣，唔會過甜。唔飲咖啡可以走咖啡，整體發揮不俗。評分：7/10———✤ 整體評價 ✤坦白講，$178 食個晚餐唔算好平，但入得迪士尼就預咗貴😂相比起酒店範圍內嘅其他餐廳，全部都要人均 $300-400 起跳，呢度價格算係幾親民～153期望唔高，初頭只係抱住「食得飽就算」嘅心態，估唔到味道都唔錯（主題樂園嚟講）已經好滿足了💓 相信下次過嚟酒店會再返嚟食😜———星航圖咖啡廳🪐📍 餐廳地址：大嶼山香港迪士尼樂園迪士尼探索家度假酒店2樓
continue reading