163
106
90
Exit C, Tung Chung MTR Station
continue reading
Telephone
36028808
Introduction
Essence provide breakfast, lunch, dinner buffet and fushion-style of Chinese and Western cuisine
la carte menu. Essence designed by a world famous interior designer Yasumichi Morita.With simple and fashionable design,the restaurant adopt materials from different countries and use Chinese and Japanese style as its main theme in order to create elegance atmosphere.
Essence open kitchen located in the center of the restaurant.
continue reading
Opening Hours
Today
06:00 - 22:30
Mon - Sun
06:00 - 22:30
Public Holiday
06:00 - 22:30
Public Holiday Eve
06:00 - 22:30
Above information is for reference only. Please check details with the restaurant.
About Reward Scheme
Signature Dishes
Recommended Dishes
RELATED ARTICLES
Review (389)
這間位於東涌諾富特東薈城酒店的自助餐廳，裝修結合中日設計元素，設計時尚有特色，而且樓底夠高，環境寬敞舒適👍🏻.最近酒店推出了鮑魚及布雷斯雞自助餐🍽️ 自助晚餐人均不到$400就可以品嚐多款美食😋.🍽️自助晚餐6:30pm至9:30pm▪️星期一至五成人$315 / 小童3-11歲 $245▪️星期六、日及公眾假期成人$336 / 小童3-11歲 $273.🌟布雷斯雞源自法國的🐔布雷斯雞，經嚴格規程飼養，所以肉質特別鮮嫩，而且富獨特的風味，難怪全球最受歡迎的肉類之一。▪️薑黃酒炒布雷斯雞雞肉🐔鮮嫩，肉味香濃，配上辛辣的生薑和獨特香氣的黃酒的香氣，味道完美結合。▪️南蠻風味炸布雷斯雞日式南蠻炸雞🐥香脆又富肉汁，令人回味。▪️燒烤站的南薑布雷斯雞排新鮮烤起熱辣辣，充滿南薑香氣。▪️法式白汁布雷斯雞皇香濃白汁，配上嫩滑雞肉，更添美味。▪️布雷斯雞蘋果咖喱沙律▪️布雷斯雞絲冷麵伴芝麻汁▪️免治布雷斯雞波蘿沙律選用布雷斯雞配搭而成的多款🥗特色沙律，味道富層次有驚喜。 .🌟鮑魚用上新鮮鮑魚製作，和配搭不同食材，煮成多款特色菜。▪️陳皮蒜蓉蒸鮮鮑魚每位客人均可享用一客，肉質彈牙，味道鮮味，充滿陳皮和大蒜香氣。▪️鮑魚吞拿魚沙律咸香的煙熏吞拿魚，配上彈牙鮑魚絲，清新美味。.另外，還有多款鮑魚和布雷斯雞共同製成的菜式。▪️布雷斯雞鮑片炒飯炒飯🍚粒粒分明，炒得有鑊氣，加上布雷斯雞和鮑片更添美味。▪️鮑魚布雷斯雞粥粥底綿密，充滿鮑魚、布雷斯雞的香氣。▪️香煎鮑魚布雷斯雞肉芝士餃子有驚喜的特色菜🥟用上手抓餅皮包住鮑魚、布雷斯雞、芝士再香煎，口感外脆惹味。.🌟熱盤有豬手、紅酒燴牛腩、蒸魚、中西湯等。還有🔥户外燒烤區，即場燒起，新鮮熱騰騰，特別偏愛燒雞翼，外皮香脆，肉質嫩滑富肉汁👍🏻.🌟冷盤有多款海鮮、刺身、壽司🍣選擇，例如：三文魚、魚、吞拿魚、鯛魚。沙律吧🥗有多款新鮮蔬菜、凍肉，可自行混搭。.🌟甜品女生至愛的甜品區🍰款式超多，有奶凍、葡撻、雜果撻、爆谷、抹茶蛋糕、芝士蛋糕、泡芺、什錦曲奇、中式糕點等，還有新鮮🍉西瓜、🍍菠蘿。最吸引當然重有多款口味🍦movenpick雪糕。.🌟飲品有多款茶類、咖啡☕️選擇，還有🍐雪梨水、🌼青檸洋甘菊凍茶等特色時令飲品選擇。.重有多款菜式，未能一一盡錄。整體來說，餐廳用膳環境舒適，而餐點種類繁多，質素同樣高質，而且價格實惠，性價比真的超高，難怪晚市時段近乎滿座😋 另外，店員的服務殷勤，值得一讚👍🏻
continue reading
人均300幾Buffet有咩食⁉️東涌Novotel Citygate Essence鮑魚及布雷斯雞春日自助餐🍽️🐥今次自助餐主題係有法國「國雞」之稱的布雷斯雞，布雷斯雞按照嚴格的規程飼養，肉質嫩度和脂肪比例達到了完美的平衡，簡直係又矜貴又好食。大廚用咗唔同嘅烹調手法製作左一系列嘅布雷斯雞系列美食🐥🐥薑黃酒炒布雷斯雞🐥四川麻辣布雷斯雞🐥燒布雷斯雞配牛油忌廉汁🐥布雷斯雞鮑片炒飯🐥燒烤布雷斯雞扒🐥南蠻風味炸布雷斯雞🐥香煎鮑魚、布雷斯雞肉芝士餃子🐥生滾布雷斯雞粥最印象深刻一定係香煎餃子，望落好似印度薄餅，但內有乾坤😍飽魚加雞肉芝士食落鹹鹹香香，又幾香口！四川麻辣布雷斯雞有花椒八角辣椒，炒得好香！好惹味，有啲似食雞煲！🔸陳皮蒜蓉蒸鮮鮑魚食到咁上下，每位客人就會有一份陳皮蒜蓉蒸鮮鮑魚，鮑魚都有半隻手掌咁大隻，質感彈牙，配上陳皮味道特別甘香，底下面嘅粉絲仲吸收晒啲精華，十分美味。🔸海鮮、刺身區🦀🦐🐟凍海鮮有新鮮蟹腳、蜆、蝦、青口、螺，刺身方面就有三文魚、吞拿魚、油甘魚。兩者食落都算新鮮，質素ok，依個價錢黎講，性價比算高👍🔸熟食熟食方面種類都好多元化，有即切西冷、蒜蓉蒸扇貝、燴牛尾、滷水炆豬手、胡椒豬肚雞湯。整體味道都算唔錯😛食物refill速度都好快，忍唔住都食左幾隻扇貝！🔸麵檔有即煮金湯酸辣麵🍜本身純粹諗住試下味，點知食落酸酸辣辣，食下食下就食晒成碗。戶外區仲有燒烤🍢師傅即燒唔同種類嘅食物，熱辣辣香噴噴☺️例如雞扒、牛肉粒、雞翼、粟米、冬菇、德國腸、蝦🦐🔸甜品🍮🧁🍰🎂🍿🍦甜品area簡直係琳瑯滿目，除咗有多款蛋糕，例如芒果芝士蛋糕、迷你泡芙、抹茶慕絲蛋糕等🍰中式嘅有豆腐花、芝麻糊。有朱古力噴泉🍫爆谷🍿葡撻仔，Mövenpick雪糕任食🤩一定可以滿足到第二個胃😍自助晚餐🗓️星期一至五成人 HK$315 | 小童 (Age 3 - 11歲) HK$245🗓️星期六、日及公眾假期成人HK$336 | 小童 (Age 3 - 11歲) HK$273📍#Essence (東涌)#東涌文東路51號諾富特東薈城酒店大堂
continue reading
趁新一年開運行完大嶼山食返餐好嘅，位於東薈城酒店大堂呢間Essence,餐廳格局由世界有名的室內設計師Yasumichi Morita 操刀，難怪別有時尚簡約典雅氣氛，將中式及日式主調混合。開放式廚房透明度高，即煮即取廚房出品夠哂新鮮。即日起至3月31日餐廳便梗春節主題餐，以貼地平民高CP 的酒店價照價7折推出，鮑魚及布雷斯雞自助午/晚餐介紹返布雷斯雞先，🐔起源於法國係一種獨特的兩用雞種，其獨特的風味係鮮嫩的肉質口感，肉身和脂肪比例達到了完美的平衡。餐單中有款係"薑黃酒炒布雷斯雞"更加突出布雷斯雞的鮮嫩肉質、生薑的溫熱和黃酒的獨特香氣。濃郁香味與生薑的辛辣味互相結合，值得一試。另一款"川味布雷斯雞絲"以川菜的辛辣口味精心烹調而成，融合左辛香的香料、火辣辣椒和花椒，配合起來份外惹味👍🏼炸物有"南蠻風味炸布雷斯雞"日式南蠻風味烹調，係日本和歐洲嘅fusion 成果，滲入南薑的芳香，脆炸香口。另有一款"香煎鮑魚布雷斯雞肉芝士餃子"約今次兩位主題主角合體，脆身入味。鮑魚環節係每位客人均會送上一客陳皮蒜蓉蒸鮮鮑魚，散發陳皮和大蒜的芳香，底下加有粉絲吸收哂鮑汁精華。📝除左主題熱食之外，還有刺身凍海鮮、沙律、麵食、各款甜品及無限食Movenpick 雪糕👍🏼整體係絕對高性價嘅自助餐，如果飲品方面可以有更多選擇就更理想啦。 (6:30pm – 9:30pm)星期一至四 7折價成人$315 (原價$450) 小童$245 (原價$350)星期五至日及公眾假期 7折價成人$336(原價$480) 小童$273(原價$390) (12pm – 2:30pm)星期一至四 7折價成人$224(原價$320) 小童$168(原價$240)星期五至日及公眾假期 7折價成人$266(原價$380) 小童$206.5(原價$295)
continue reading
因為家人住東涌，以往聚會經常會去吃，加上個人好喜歡呢間酒店樓底高，座位寬敞，有落地大玻璃，光猛令人感到寫意。自從疫情後好耐冇食呢間，曾經打電話去book，卻未開，便擱置了，家人反而吃過一次，話少很多嘢食，直至最近約屋企人食飯，又諗起呢度。臨食前去咗open rice睇食評，知道有七折，打去book，原來walkin都有七折！12點開始接受入座，我哋安排坐門口附近張枱，方便出入，好啊！燒味檔冇咗！炒意粉都冇咗，仔仔非常失望，因為佢好鍾意食意粉！行咗一圈，佢哋返嚟話冇雪糕！甜品少，唔通夜晚先有？以前都有㗎！咖啡機有3部，但只有一款咖啡飲！沙律有好幾隻，龍蝦配羊奶芝士沙律、松露芥末牛肚沙律，牛舌沙律配芝麻醬！最愛呢度啲沙律！泰式辣牛肉壽司，新嘢未見過，試吓，點知啲牛肉唔得好鞋，壽司飯又唔得，濕粒粒又黐粒粒！龍蝦羊奶芝士沙律、松露芥末牛肚沙律，牛舌沙律配芝麻醬好正，最愛呢度啲沙律啲料好新鮮，就算小龍蝦啲肉都靚！三隻我都好鍾意！ 意大利雜菜湯，味道一般啦，老媽子見我攞，佢又攞，話啲湯渣好食，但係佢不嬲都唔鍾意酸嘅蕃茄湯？後尾攞中湯，佢就鍾意有粉葛。攞海鮮，老媽子話青口、螺，同埋蝦好食，隻蟹細隻又冇味，唔好食，蜆有沙，老公都話係，同埋又鹹，所以我淨係攞青口、螺，同埋蝦。攞西冷，又係鞋，有白菜，佢哋話好，係真係唔錯，燒茄子、燒南瓜，再加啲沙律，OK啦，係南瓜唔係我鍾意食嗰隻日本很粉嘅南瓜。食到中途個侍應見我哋一直飲水，同我哋講上面有果汁，原來擺咗樓梯上邊，因為今日人不多，以為嗰區冇開放，同埋以為係座位，所以冇行過去，佢哋去斟嘅時候候坐隔籬嗰啲都唔知嗰度有果汁！我哋又話冇雪糕食，個職員話響燒味嗰邊，呢個時候我哋先望到個movenpick 雪糕櫃，因為以前放甜品那邊。食甜品，有邊隻好食？目測一件件嗰啲應該似樣啲：德國芝士餅、朱古力慕士蛋糕、芒果芝士蛋糕、葡撻，鮮果忌廉蛋糕，味道一般。仲攞埋爆谷。生果有哈密瓜同菠蘿，但最後冇食，大哥話豆腐花唔得，芝麻糊大哥同女兒、媽子都話唔得！攞雪糕，有Topping可以加！我攞士多啤梨、朱古力，同埋雲呢拿。吃到尾聲才拿刺身三文魚、素鮑魚鯛魚，又吃沙律。埋單折實係$260一位，再加返10%，$29x，咁即$300位，價錢合理。
continue reading
聖誕節正日和家人食聖誕自助餐，餐廳細心地安排嬰兒座位給同行的兩歲小朋友，餐廳座位很闊落，枱上放有應節的小玩具及紙帽。之前付款後才發現OpenRice評價不太好，所以沒有期待，但反而有驚喜。我們預訂時段的自助餐（18:00-22:30），餐廳的店員全都很有禮貌，收碟好快，食物refill得好快，中途仲安排咗聖誕老人出嚟抽獎🤣食物方面，冷盤淨係試咗長腳蟹，肉甜有海水味；前菜有煙三文魚、火腿、芝士、沙律等；刺身只有三款，三文魚尚可，吞拿魚及另一款白魚刺身唔好食；壽司唔吸引所以冇試；麵檔亦都冇試。串燒攤位好吸引，其中豬頸肉、羊肉串、燒蠔、燒羊架都好好味，肉類燒到啱啱好好Juicy唔會乾身，調味啱啱好唔會過鹹；芝麻麵包好好食，小朋友食咗一整個；熱食方面，開邊龍蝦好味但少肉、蒸魚好味、其他牛腩羊腩蔬菜等冇試；湯有中湯及羅宋湯，都冇試。甜品種類唔多，唔係特別出色，意大利芝士蛋糕、桂花糕好好食，movenpick雪糕有六款，另外可以即場卷棉花糖。每人連加一大概$500左右，同行家人都覺得性價比OK，下次會再嚟。
continue reading
You may be interested in