14
14
16
3-min walk from Exit A1, Hang Hau MTR Station
continue reading
Opening Hours
Mon - Sun
07:30 - 22:00
Above information is for reference only. Please check details with the restaurant.
今日同媽媽嚟到將軍澳醫院複診，複診後，媽媽話想食點心於是我就四圍搵將軍澳附近邊度會有酒樓，結果搵到季悅。老實講將軍澳酒樓嘅選擇確實唔多，唔好似觀塘咁，好多酒樓俾我哋選擇...我哋兩個人叫咗四碟點心媽媽就叫咗碟牛肉腸粉，媽媽同我講話呢個腸粉底做得非常之滑，但係牛肉就有啲過實啦即係話老人家冇牙係咬唔開嘅。我另外叫咗個流心包俾媽媽因為老人家食留心包係容易咀嚼嘅。流心包嘅外型好討好，係一個豬仔嘅圖案，包入邊嘅流心就唔似一般酒樓咁樣，一咬落去無大量留心唧出嚟，而且個包咬口有比較實，個口感真係麻麻。另外我叫了一個最普通嘅鳳爪，呢個鳳爪嘅味道唔同出邊一般酒樓嘅味道，醬汁落得太重了。鵪鶉旦燒賣，買相一般，呢一個點心整得太乾了而且沒有醬汁，個肉底好實，味道嫲嫲。兩個人四碟點心加2位茶錢總共$110呢間酒樓係沒有收+1嘅二茶錢每位$7
continue reading
見到門口一個靚仔燒味部，都唔少人食緊，心諗一試無妨。其實燒味對我來講係穩陣嘅食物，普通都唔會係難食。點知出事了，冇諗到竟然中哂伏⋯叫咗個燒鴨拼叉燒瀬，今次只可以講句，未食過咁難食嘅叉燒，唔講以為食緊火雞片，色水口感直頭冇燒過嘅痕跡，燒鴨唔知點解又凍又鯹⋯點解會咁
continue reading
因為限聚令關係冇得一大班人喺酒樓慶祝我哋唯有買外賣搬返屋企搞大壽其中一樣係季季紅嘅有米豬搵過呢個自取點最近市區訂咗6:30自取6:25去到 佢真係啱啱燒好準備幫我入盒所以拎到返屋企都仲熱辣辣每隻豬都有連埋一把較剪可以影完靚相先幫佢解體 唔錯唔錯可惜冇俾手套 如果唔係就仲好最初打開個盒見到隻豬仔覺得點解咁細嘅但原來剪開之後都幾有份量入面嘅炒飯都好好味好香口老人家好欣賞食落其實分量都好多我諗應該10個人以上share就會啱啱好
continue reading
真係未試過咁心急寫食評，個盤菜賣成千蚊，竟然連最基本既都做唔到，圖文只供參考我就見過，文字只供參考真係第一次見。雞鴨份量少，勁多粒魚蛋，但我完全見唔到半粒慈菇，用魚蛋扮慈菇咁黑心!?大家都話個盤菜唔油膩，咁緊係啦，都無豬腩肉，又去左邊呀？食到落底都見唔到半條髮菜，唔通我地真係咁勁食得曬每一條髮菜咩。食到落個底，裡面有好多白蘿蔔、蓮藕、芋頭，白蘿蔔切片會好味過切條，芋頭係幾好味既，但可以切細條啲，蓮藕佢應該係放左一整條落去，真係多得好緊要。
continue reading
首先我2年前去過一次晚上食雞煲，覺得都好滿意，上過星期又再去飲茶，已經覺得佢哋對客態度有D 差，但唔係對我，咁就有佢啦，而且老實講佢哋食物質數亦唔差，價錢合理，特別係干炒牛河，好過稻香添⋯⋯但我老友同我講話佢地態度好差，我都唔信，昨天再去飲茶，我老友見好多人，問下酒家埋邊有冇位，果位站在門口幫人度體溫的男人怒喝話：「有就有，冇就冇，要就等吓啦！」真係完全冇態度可言，有時食嘢，除咗味道好，太態度都要好！唉，我從來都唔會比錢受氣，於是行遠啲去咗壹滙酒樓。真係同佢冇今生亦冇來世。忘記它
continue reading