5
0
0
Opening Hours
Mon - Sun
12:00 - 22:00
Above information is for reference only. Please check details with the restaurant.
🤴🏻話其實係兩間店舖共用一個鋪位，右手邊就係四川麻辣，左手邊就叫做魚蛋基，專門買魚蛋、腸仔、豬皮等香港街邊小食😋😋，我哋今次試左‘魚旦基’先啦🙂🙂～～～陳皮魚旦～～～其實係咖喱魚蛋，咖喱味超級濃，魚蛋都相當有彈性，唔錯唔錯！$20有一碗共19粒，數目有啲伶仃😅😅如果$20有20粒感覺好似低啲🤣🤣～～～麵筋～～～$10/1串，我地叫左2串！與咖喱魚蛋同一個汁處理，非常入味，掛汁掛得好厲害👍🏻👍🏻，所以食嘅時候要小心啲😙😙
continue reading
住咗係青衣咁耐一直都冇食，諗住今日試下啦。點知就個吖姐臭串都死！問佢可唔可以加芫荽佢就都得嘅！咩叫都得嘅得就得唔得就唔得！要我加錢都冇問題畢竟係我自己話要加！有禮貌地問吓係咪$32第一次唔答第二個阿姐話你自己咪講咗$32囉。
continue reading
啱啱今日行完山係長發落車，啱晒終於可以支持下良心小店魚旦基係長發開左咁耐，今日先第一次食，睇過食評大推陳皮魚旦 & 咖哩面筋，不過我又怕咖哩汁好辣，所以唯有放棄面筋，下次再試啦（其實仲有好多野想試-豬紅豬皮，咖哩魷魚🦑,etc)陳皮魚旦不嬲好味有陳皮味唔洗講，魚旦基嘅咖哩汁香濃有層次又唔會淨係得個辣字，最好味估唔到係咖哩牛柏葉，索晒d咖哩汁，一咬爆汁有驚喜。下次一定要試埋招牌面筋先得！拎到返屋企同媽咪share,好味到佢問我係邊間買，下次要再食添
continue reading
魚蛋基同四川麻辣檔合租一個鋪位, 兩檔d野都好味。特別係魚蛋基d陳皮魚蛋, 面筋, 牛柏葉, 豆卜, 魷魚, 廚師腸等等, 加上佢d秘製醬汁, 辣辣地又幾惹味。特別佢d陳皮魚蛋, 真係好難係而家既香港搵到, 又彈牙, 又有淡淡既陳皮味, 真係一試就愛上。 加上價錢相宜, 每星期都一定要去買黎食, 難得青衣有咁高質既小食店, 希望可以長做。 而合租一個鋪位既四川麻辣檔, 有涼拌涼皮, 涼拌薯粉, 米線等等, 加上豬耳, 牛肉等等配料, 拌上麻辣既醬汁, 又香又好味, 亦都係一個唔錯選擇
continue reading
呢個舖位裏面有兩個檔口，一檔係阿嬸賣四川野，一檔係魚蛋堅賣陳皮魚蛋，魷魚，牛柏葉，豬皮蘿蔔等等有好多樣嘢食，平時見會有兩個後生仔輪流睇鋪。好難得可以喺香港搵到好味嘅咖喱魚蛋，仲要係陳皮嗰隻，佢啲陳皮魚蛋食落去彈牙爽口會有一陣陳皮味，我最鐘意買佢有款$26/碗嘅嘢，呢款好抵食，裏面有豬皮蘿蔔豬紅豆卜，好足料！佢個咖喱汁係偏甜，小小辣，幾惹味，啲麵筋同豆卜索晒啲汁好正，佢啲蘿蔔冇喳，好鮮甜，豬紅同豬皮都好好食，無臭味，無豬毛，青衣呢邊真係冇乜嘢食，難得有咁好食嘅舖頭，我都希望佢可以長久經營落去，客源滾滾來！
continue reading