45
10
10
Additional Information
客家菜為主，粵菜為副的泉章居，旺角總店己經超過三十年歷史。招牌菜是眾所週知的鹽焗雞，用龍江入口的靚肥雞，份外嫩滑。
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
泉章居已經執淨上環店，如果唔係老人家話想食，我地都唔會去！五個人，我地無叫套餐係散叫：霸王雞半隻炸大腸梅菜扣肉東江豆腐煲白果豬肚湯椒鹽鮮魷（後加）2個白飯埋單$1048叫完餸個阿姐好好咁仲要複我一次單，我哋到晒所有餸連後加個椒鹽鮮魷都到埋但係個湯都未到。梅菜扣肉就唔洗講炸大腸以前下面鋪酸白蘿蔔，而家只有幾舊無味嘅罐頭菠蘿🍍到隻霸皇雞，阿媽話霸王雞點解上面無薑蔥！？一問之下原來佢比咗沙薑雞，個阿姐仲話加番啲薑蔥上去咪就係=霸王雞囉，！真係吹到「啤」一聲！😤個東江豆腐煲仲搞笑，平時上應該係砂鍋之類比較像樣嘅煲，今晚上菜竟然上咗個好大嘅湯煲入面有好多水同幾舊釀豆腐。問個姐姐點解會咁奇怪嘅，佢仲答我哋：「唔知呀，個廚師好古怪」OMG😩😩😩仲有仲有…..唔知大家有冇試過呢～～～食食吓嘢，個碗仲有成大舊餸，無啦啦比其中一個侍應姐姐收咗個碗！當我地食到七七八八，但係個湯仲未到，我就專登搵返幫我地落單個侍應阿姐追返個湯，我話如果冇落我想取消，佢拎咗我哋張單就咁行咗去，亦都冇答我究竟佢頭先有冇落到單😤好明顯佢就無落到再去加單！但我嬲係嬲佢連一個交代都無就咁行咗去，隔咗陣個湯就咁到咗。最後我地都食完，枱面加埋起碼有10隻碗，一人一隻飲湯，一隻食餸…..但唔知個阿姐係咪見我找數俾錢佢又扮做吓野比我睇，咁多個碗冇野佢唔執，係要揀我面前滿晒水嘅碗執，執又論盡，佢一拎起個碗就倒瀉整濕我隻手同張枱…😭跟住就行開咗唔再執…搞咩呀！！究竟呢班人發生咩事！？～～～食物同服務態度都差到爆！唔會再去亦唔會介紹朋友去受氣，食茶餐廳氣氛都好過呢度！
continue reading
每年初一都會嚟泉章居，但係今年質素真係令人失望😞 可能之後都唔會新年嚟啦…🍀🍽️ 霸王大肥雞 $420全晚最值得食，所以叫咗兩隻！雞肉嫩滑，大隻，唔太鹹👍🏻🍀🍽️ 濃湯蝦乾淨豆苗 $218唔講都唔知係豆苗😅 平時豆苗應該係好嫩，但係今晚啲豆苗好似冇摘過咁，同埋好老，呢個價錢係絕對唔抵…🍀🍽️ 香芒果松露脆蝦球 $238很甜的沙拉醬味，唔係完隻炸蝦，二百幾蚊得8舊細細的，不多說了，大家自己衡量下啦…
continue reading
呢間全盛時期有好多分店，而家執剩上環嗰間，最估唔到佢午市竟然有碟頭飯，唔使+1唔使茶芥，都係六七十蚊，啲餸同飯都係分開上！同事有叫炒嘢，都好有鑊氣最正係坐得舒服，唔會坐得勁迫，唯一遺憾係冇奶茶咖啡飲，不過可以開壺茶飲都OK啦
continue reading
和長輩約了去經典老舖的泉章居吃飯，才發現只剩下上環主鋪了，這些老鋪會有很多經典菜式，我屋企家人都很喜歡，我哋最鍾意嘅就係脆皮炸大腸，真係外脆內軟呀，清理得很乾淨沒有豬臭味，其他餸都很大碟，吃得很滿足 😄
continue reading
本人平時好懶惰，唔會寫食評，今次的起心肝寫，係因為唔想有人再中伏。上一次幫襯泉章居係五年前左右，當年係幫襯旺角嗰間分店，味道的確唔錯。今晚去咗上環嗰間（因為冇得選擇，只係整得呢一間），去之前已經有朋友同我講話呢間嘢唔好食。我抱着爛船都有3分釘嘅心態去試吓，叫咗四餸一湯，點知得到以下結果：梅菜扣肉嘅扣肉係好”鞋”，同埋又好鹹，啲梅菜中帶點酸味。炆煎釀豆腐嘅豆腐都係好”鞋”，讓啲肉落去又好少，冇乜味道。魚肚羹又冇乜魚肚，直頭少到食唔出，感覺好似係用好多粉開啲好杰嘅糊出嚟。啲莧菜食都好”老”。碟雞又冇乜雞味，好明顯係雪藏雞。本人一定唔會再嚟幫襯。
continue reading