33
2
0
2-min walk from Exit J, Tsim Sha Tsui / East Tsim Sha Tsui MTR Station
continue reading
Additional Information
For private room bookings, please contact reservation@mrmings.com.
Opening Hours
Mon - Sun
11:00 - 17:00
Above information is for reference only. Please check details with the restaurant.
上個月去K11 行街，行到累就去左食蝦餃，係呢度最出名既食物，又嘆茶，茶味好香，蝦餃大大隻又好食。坐左2個鐘，都無咩人，好舒服😌希望下次同屋企人再去食其他野食。
continue reading
帶媽媽到k11 musea試下點心，餐廳有兩層，於餐廳內有樓梯落底層，只有上層的出入口，餐廳裝修新淨。家鄉蒸荀粿 (三隻) | $52荀粿內有紅蘿蔔、荀、蝦🦐，有紅蘿蔔🥕的顏色點綴，看起來更加吸引。有很多荀在內，吃起來爽口。普寧蘿蔔灌漿 (三件) | $68經常聽家人用潮洲話講灌漿，今日終於知道真正的名字是「灌漿」，與我家鄉的做法有點不一樣。蘿蔔絲加入了蝦米，再以炸漿包裹，炸得很脆。潮式韭菜棵 (三件) | $52由細到大每次家中做節都有韮菜粿，見這間餐廳有，真的很想試試有什麼分別。粿中餡料有冬菇、肉碎、蝦米、韭菜，不會太鹹，我喜歡煎得再香脆點。招牌蝦餃皇 | $36蝦餃皮較爽身，蝦爽口彈牙，有少許胡椒味，一人一隻剛剛好。荔茸炸帶子 | $48炸得好鬆脆炸粉內有荔芋蓉，芋蓉幾香，中間有粒帶子，帶子都大粒。茶位大約$20一位，餐廳下層比較清靜，可以慢慢嘆茶。
continue reading
好鍾意去潮州酒家飲茶，就係因為呢幾杯潮州茶。 飲得苦嘅朋友，一定好鍾意呢幾杯茶仔，精神一振。唔係間間茶樓都有得食嘅潮式煎薄撐。 煎得外脆內軟，不油膩。避風塘九肚魚，煎得外脆內軟，熱辣辣，juicy , 小辣。 蝦餃晶瑩剔透，鄙薄餡靚，全隻蝦肉，爽口彈牙。蝦腸， 腸粉或奪奪，腸粉夠薄透， 蝦肉大大隻，新鮮爽脆。 👏🏻 脆炸春卷係是日推介， order 時 沒有留意是日式的， 一口咬下有輕輕嘅wasabi 味直衝鼻喉... 好過癮！
continue reading
一早知道年三十晚有得早放，所以就同屋企人book左枱黎哩度提早食個團年飯。名潮食館係百樂潮州旗下喺K11 Musea嘅分店，之前已經食過百樂其他茶樓，質素唔錯菜式亦精緻，見哩間分店未食過又近我地就黎試下。名潮食館走新派中菜路線，店面反傳統以深綠色做主調，由於而家仲係二人限聚，所以茶樓有透明隔板方便三四個人都可以坐埋一枱。酸菜($16)二至四人一碟。茶芥($20/位)，除左常見嘅普洱壽眉鐵觀音香片之外，哩度仲有菊花(另加$22/位)。我地點左個迎新春團餐($588/位)，最少兩個人就可以叫，入面包左五個小菜兩款甜品同水果。金沙發財卷拼龍鬚好市 - 哩個小菜幾特別，佢用左一個比較少見嘅做法去整新年經典菜式發財好市。金沙發財卷就係將髮菜用蘸左鹹蛋黃醬嘅炸漿包住黎炸，食落夠香脆鹹蛋黃味亦重，因為髮菜用炸漿包成卷狀，比起平時一條條嘅髮菜容易夾容易食。龍鬚好市就係用豬肉包住蠔豉，出面再用炸麵黎包住黎炸，炸麵脆卜卜唔會過硬，蠔豉因為有炸麵同豬肉包住，所以食落唔會太熟太乾。紅燒潮州中鮑翅 - 紅燒鮑翅杰度啱啱好，雖然唔算好粗身，不過真係幾多，成碗都係鮑翅，同鮑翅一齊上嘅仲有芫荽同黑醋，但我個人就覺得同紅醋會夾啲。六頭鮑魚伴鵝掌 - 鮑魚彈牙得黎唔會太硬，鵝掌炆到好腍好入味，上枱時侍應會問要唔要芥辣，不過其實個鮑汁好夠味，所以都冇蘸過個芥辣。蘿蔔煮細黃花魚 - 黃花魚唔多骨肉質幾滑，個魚湯鮮味得黎飲完都唔會覺得口渴，我地差唔多飲晒，白蘿蔔好腍吸收晒魚湯嘅鮮味都好正。 金華竹笙扒雙蔬 - 雙蔬係西蘭花同娃娃菜，另外仲有冬菇同草菇，冬菇肉厚又夠腍， 竹笙索晒啲汁好好味，唯一要挑剔係金華火腿硬左少少。鳳凰煎年糕 - 年糕應該係茶樓自家製，食落好香紅棗味，同埋可能佢落得多澄麵，食落比平時食倒嘅年糕冇咁黏同腍，口感係比較彈口，都幾好食。福果湯丸 - 湯丸皮幾滑唔會太厚，芝麻餡幾香。合時生果 - 最後食埋個飯後果，唔會太酸幫助消化，預早切開一舊舊，一口一舊，夠晒貼心。總結，雖然唔算特別平，但每一道菜都賣相精緻又好食，服務亦貼心，絕對交足功課， 過年想同屋企人食好少少就啱晒。
continue reading
原來喺K11 Musea 都有傳統的潮州菜館。 而午市也提供中式點心一盅兩件嘆番杯潮州茶。置身於充滿藝術感嘅K11 Musea, 潮州菜館裝修西化優雅， 唔知以為係食high tea, 相當特別。 座位間隔算幾闊落，張凳仲好舒服。😊平日午市都有好多悠閒一族喎～ 位置唔多可能仲有地牢一層？堂食午市兩點過後也有85折。外賣自取主餐牌, 點心紙7折， 絕對係疫情價～前菜：花生，味道甜甜地。照顧到二人 一盅兩件， 有些點心每碟只有兩件， 這樣一來就可以試多幾款～名潮鮮蝦餃即叫即蒸點心， 蝦餃包得好靚， 皮薄適中，餡料飽滿紮實， 蝦肉夠爽，味道好鲜。蜜汁叉燒腸腸粉好滑但唔算薄皮， 叉燒切細塊，唔會變咗叉燒包裏面嘅叉燒肉醬， 口感味道都唔錯！百樂燒賣皇巨型燒賣賣相不俗， 肉質上乘有豬肉嘅香， 半點肥豬肉也沒有。家鄉蒸荀粿特色家鄉小點， 皮夠薄有少少煙韌， 驚喜係裏面 都以蝦為餡料， 混入筍絲蘿蔔絲， 豐富美味。荔茸帶子盒都是手工點心， 荔茸香甜軟滑包住鮮甜嘅帶子， 香口美味， 傳統一盅兩件緫需要一款炸物～點心水準好高， 製作精美 ，用料夠鮮， 可以舒舒服服寧靜地嘆一盅兩件也是一種享受。下次可以帶長輩嚟再試傳統的潮州菜餚。
continue reading