33
10
8
Opening Hours
Mon - Sun
07:15 - 21:00
Above information is for reference only. Please check details with the restaurant.
Recommended Dishes
以前食過元朗嗰間萬芳，經過大埔呢間好多次，卒之可以試埋。呢間冰室座位都幾闊落，同隔離位唔算好近，我係2點幾去食，餐廳仲要唔算多人，侍應姐姐仲好有禮貌好有耐性幫我落單。點咗餐牌上嘅人氣No.1 - 金牌常餐就係牛肉招牌蕃茄意粉，餐肉火腿西煎雙蛋+牛油多士 $52。個蕃茄湯底好濃好好味仲食完冇口渴👍🏻，牛肉份量都唔少，加埋個餐肉火腿雙蛋其實成個餐都好大份，好飽😋😋 成個餐連埋餐飲呢個價錢其實都幾抵食。果然同元朗嗰間一樣，有信心保證☺️
continue reading
行完街經過萬芳冰室就決定入去坐一坐休息下,叫左個沙丹豬扒飯(因為上次食過感覺幾正,冇乜邊到有咁大塊豬扒)豬扒煎得好香口好靚,重大隻過我隻手板成個頭咁大食落鬆化完全唔會柴,條邊重有小小肥膏更美味.有隻太陽旦撈埋D飯食冇得頂呀厚切菠蘿同火腿,菠蘿甜度十足(第一次食既時候覺得有塊菠蘿既配搭幾得意)值得推介
continue reading
唔知係咪做完運動肚餓，本身揾好嗰間又冇開所以求其入呢間真係一試難忘成隻手咁大已經唔洗講見到佢有幾咁興奮佢可能冇你期望中嘅薄炸粉，但我就係鍾意厚肉厚粉，而且炸得夠酥脆，絕對唔難食！成隻蝦上嘅蝦多士已經買少見少，佢仲要隻隻蝦脹卜卜
continue reading
聖誕過後第一個工作天，公司應該有滿滿的工作，今日特意去食個heavy早餐回公司工作。呢間蘭芳都係大埔開左一段時間，午餐試過一次話出名炸雞脾，但只覺得一般。早餐反而食過好多次，由最初佢嘅超厚切餐肉/紅腸...食到依家普通厚度，概嘆，生意難做所以今日揀返沙嗲牛麵煎雙旦加凍奶茶。沙嗲牛未算係最好，只覺得牛肉冇煮過火，沙嗲味未夠，反而佢嘅麵煮得軟硬度適中，湯底較清淡，反而食後唔會口渴，煎雙旦前都外熱內爆蛋汁，篤爆點麵包食，唔錯！奶茶才是呢餐重點，熱飲凍飲都試過，茶味較濃，茶味重，早餐不二之選！叉足電，返工！
continue reading
佢哋雞髀大過我隻手，點解點解可以咁大隻呀！睇完又睇，一直掛住佢隻脾，雖然價錢係貴小小，但又係值得支持下嘅！其他食品都係一般，服務態度又係一般，所以我只係食過2次，就冇再去啦！
continue reading