504
197
34
1-min walk from Exit D1, Lai Chi Kok MTR Station
continue reading
Introduction
A Taiwanese-style restaurant located in an industrial building, with owner Mr. Ching who wishes to introduce the authentic Taiwanese cuisines to Hong Kong people.
continue reading
Awards and Titles
Best South East Asian Restaurant (2015)
Additional Information
程班長每年公休的日子可能跟香港的公眾假期不同，例如: 香港重陽或香港的boxing day都會營業，敬請致電查詢或留意程班長網頁。
Opening Hours
Mon - Sat
11:30 - 20:30
Sun
Closed
Above information is for reference only. Please check details with the restaurant.
RELATED ARTICLES
當初知道程班長會係2022年頭返台灣，我就拉左個同事襯出去做野嘅時候lunch去朝聖（即係自肥）。雖然好多餐廳都有賣滷肉飯，但有埋其他正宗台式料理嘅餐廳又真係唔算多，可惜依加程班長返左台灣喇，冇得食嚕。話說程班長嘅滷肉飯肥膏比較多，一定要撈飯食解膩。同事嘅牛肉便當亦好豐富，有成三四舊牛。我當日仲叫左豆乳雞、蔥油餅加蛋、紅豆芋圓。豆乳雞炸粉唔厚，肉質嫩滑，我幾鐘意。蔥油餅就較為普通，係家庭式嘅手抓餅，但都好食嘅。紅豆芋圓有啲過甜，唔係我喜歡嘅口感，份量偏細唔太抵。寫完呢篇我個心又去左台灣了，嗚哇。
continue reading
又嚟介紹特色黃店啦💛今次想同大家分享嘅係位於荔枝角嘅程班長😚，呢間餐廳會咁受歡迎嘅原因當然就係因為店舖嘅運作都係由台灣人經營架，所以食物嘅用法都會更貼近台灣風味🤤。環境方面☝🏻餐廳嘅範圍唔算話好大，座位嘅距離都比較貼近。不過個格局其實真係幾似喺台灣夜市食嘢咁🤣。同埋貼住密密麻麻嘅menu，其實都真係幾有feel👾。食物方面✌🏻#爌肉便當（$48）以呢個價錢嚟講，舊爌肉其實都算幾大舊🤩。同埋食爌肉嘅滿足感真係好唔同，可以大大啖咁食肉😚。爌肉嘅口感軟淰，而且都幾入味😍，真係好適合送飯！值得一提係我份便當嘅白飯有加到少少肉燥🤪，令成個飯更加開胃👅。#蔥油餅加蛋（$30）塊蔥油餅煎得好香，浸味係離遠都已經聞到架啦😙。講返味道先，我覺得味道同喺台灣食嘅感覺真係差唔多，我甚至覺得連個份量都係😈！（希望大家可以喺呢段時間支持下程班長，咁地道嘅台灣美食喺香港真係好少有架！）
continue reading
好多年前黎過一次，當時排曬長龍，等好耐先有得食。知道佢就黎結業所以黎食多次，點知已經搵唔返當年嘅味道。首先睇睇個點餐紙，發現食物款式已經少過以前好多，曾經喺度食過嘅大腸包小腸已經無咗，蔥油餅、蛋餅等都劃咗無得食，真心有少少失望。無奈之下叫咗$28肉躁飯，價錢好平，所以好細碗，肉躁偏瘦，下面有椰菜墊底，味道正常發揮，普通得不能再普通。不過咁嘅價錢所以都唔應該有咩要求。同樣係$28嘅紅豆芋圓(熱)，CP值就高好多！地瓜圓同芋圓煙煙韌韌，都有成十幾粒，個紅豆湯裡面居然有好多紅豆！略甜咗啲，但整體上不錯，有驚喜！呢度係半自助形式，門口攞點餐紙同紅色木顏色筆，劃完之後出去俾錢，有講國語嘅姐姐送餐。餐具自己出去攞。程班長可以話係鐘意食台灣嘢嘅香港人嘅集體回憶，雖然今時今日好食過佢嘅台灣菜大把，但咁平嘅可能比較少見。我決定第日無咗程班長，就去食九分飽啦~
continue reading
【人氣台式程班長🙊3月結店前試食🙊牛肉麵 蚵仔煎 山粉圓】人氣台式餐廳，程班長台灣美食，將於3月結店！今次趕結店前試試呢間好多食店大獎既餐廳。佢係熱門item有：👀👀蚵仔煎、牛肉捲餅、清燉半筋半肉麵、玉米起司蛋捲餅等等果晚餐廳無捲餅，所以唯有試試蚵仔煎、清燉半筋半肉麵，另外飲左山粉圓。就算無堂食，外賣都好多人等緊🙊，果然係名店✏✏✏✏✏✏✏👅味道：7/10🌌環境：7/10👍🏻推薦：6.5/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作清燉半筋半肉麵 (💝8/10) $55- 佢係分湯既👍，食前我用微波爐叮熱嘅湯底- 湯底唔係清雞湯果種，有少少似淡d、清d既紅燒湯底味，有少少藥材，未至於好濃，所以可以當清湯飲曬 (相比之下，老媽拌麵同樣係叫清燉牛肉麵，佢既湯底係黑椒味加清水jar😿)- 牛肉既牛味好濃，無乜好濃既滷味調味黎炆牛肉架！你可以食番牛肉既原味，牛肉有d似中式牛骨湯入面牛骨上既肉味- 牛筋炆得淋，但唔係我食過最淋既，牛筋最入最中心，仍然有啲煙韌口感- 我中意佢既麵條，又粗身又厚，有口感蚵仔煎 (💝6.5/10) $36- 上面有一pack醬，醬係甜甜地，有d酸梅醬同海鮮醬味，但個醬雖然好濃稠但係唔濃味，味道好淡，我每啖都好努力品嘗個醬既味，試圖探索點解佢會咁多人讚，但真係說不出有什麼優點 🙃- 我係對食有要求既，有興趣可以follow我，好食既我認真讚，唔好食既，我會真係彈，唔比面😎- 整體口感煙靭靭，下面有生菜底，同一隻蛋山粉圓 (💝7.5/10) 跟餐$10- 山粉圓外面有d似奇亞籽，但山粉圓種子外圍會呈現一圈白色半透膜，個base係冬瓜茶，甜甜地- 比7.5分因為平時好少見overall佢個牛肉麵，湯底清清地，牛肉食番牛味(唔係滷水味)，唔係for重口味既人食用。蚵仔煎就一般啦，唔係濃味，但勝在似台式平民standard咁lo~______________________________(📍荔枝角) 程班長台灣美食荔枝角長沙灣道883號億利工業中心1樓102室
continue reading
呢一間程班長台灣美食真係非常之出名，我有好多朋友都已經食過，所以我自己今次就走咗過去試吓啦！食台灣嘢又點少得一定要試吓呢一度嘅滷肉飯呢，呢一度嘅滷肉飯真係好好食，滷肉飯嘅醬汁真係好多，用嚟送飯真係一流！
continue reading