55
8
4
Telephone
35425028
Opening Hours
Today
07:00 - 15:30
Mon - Sat
07:00 - 15:30
Sun
Closed
Above information is for reference only. Please check details with the restaurant.
Signature Dishes
Recommended Dishes
食物OK價錢OK但是店舖太細,不斷咁叫人貼人才坐,一張八人枱差不多坐到10人。本人大食叫兩個餐但是要在30分鐘內完成不然逼到你走,阿姐仲要黑你面,半個鐘食兩個餐仲要連煮真係趕過打仗。本人因為太趕所以並沒有時間影相只有不斷把食物放進嘴裏。本人叫咗個粒粒炒飯同埋沙嗲牛肉麵餐,炒飯新鮮即製所以都沒什麼挑剔啦只是味道有點鹹,沙嗲牛肉只是醬多湯少所以覺得濃味少少。當然係冇位擺袋或者其他物品啦要攬在身上。如果介意坐到非常迫的話就不要來,同埋不值得千里迢迢來試,不是想像中的那麼好味和特別,還有十分之擠迫,食得落都消化唔到。
continue reading
感覺食物只有咸,沙嗲牛麵十分普通,招牌通粉太咸,豬扒也比較咸,唯一麵煮得剛剛好,不難食只是比普通好些,但可以減鹽,實在很咸又不健康,食評不可盡信,希望可以改善吧。
continue reading
一直想去食人稱沙嗲牛肉世一兼沙嗲牛肉關注組常客嘅肥仔銘,今日終於有時間朝頭早十點幾到新蒲崗食肥仔銘沙嗲牛,未去之前都知道要排隊,所以預咗排隊嘅心情去到餐廳,未去到,遠處已經見到條人龍,但係排得唔算耐,入到去唔使諗,叫咗沙嗲牛肉麵早餐,一個配火腿煎蛋,一個配火腿奄列,另加一個茶走同一個凍奶茶,叫完個早餐都要等一等先至到,因為都係即叫即整,先嚟嘅牛油方包火腿煎蛋同火腿奄列,牛油方包就真係麻麻哋,普通方包加上未融嘅牛油,之後先知道價錢可以轉丹麥多士,可惜,至於個火腿煎蛋,正常,當然一個火腿煎蛋亦都唔會期望有啲乜嘢特別,火腿奄列係普通茶餐廳嘅奄列,薄薄嘅蛋漿包住火腿絲,凍奶茶同茶走亦都冇咩特別,唔會話茶味好濃烈,但總算合格,當然,主菜係個沙嗲牛肉麵,食得出個沙嗲係有心整,唔係一般茶餐廳沙嗲,而牛肉係腍,而食得出唔係鬆肉粉,個沙嗲唔係好重花生味,我比較鍾意濃味沙嗲湯底同重啲花生味,另外沙嗲有好少嘅辣味,本人唔鍾意辣味冚過沙嗲味,所以呢方面係好嘅,我覺得係啱啱好,見啲宣傳話個面嘅湯較少,因為老闆想個沙嗲濃味啲,唔夠可以加湯,冇特別要求之下,嚟嗰兩個沙嗲牛肉麵,一個個湯少啲,一個個湯多啲,我覺得唔太平均,多啲湯嗰個就當然沙嗲味冇咁濃,至於少啲湯嗰個係好味啲,再濃啲我都可以接受到,鍾意濃烈啲嘅可能會比較鍾意九龍城樂園或者執咗好多間分店嘅王牌冰室,冇咁鍾意濃烈嘅,我會比較鍾意已結業嘅好好運,整體嚟講,沙嗲牛肉我覺得係好食嘅,亦都係同其他頂級沙嗲牛肉餐廳屬於頂級,但未至於去到世一,再加上要排隊同埋早餐其他配置好似牛油方包同奶茶都係一般,未必會好有心想返頭食,如果唔使排隊,雖然其他配置差啲啲,但係經過都會想再食吓佢嘅沙嗲牛肉。間餐廳好有街坊氣氛,餐廳個姨姨好Nice,講嘢又搞笑,雖然好忙但好好服務,連食客都好有禮貌,好有人情味,位置雖小大家將將就就,但係迫少少坐,大家排隊都唔使咁耐。
continue reading
啲嘢食幾好味都冇用,企鋪門口個呀嬸態度奇差知道你哋細舖每次飯市時間一定要等位每到忙嘅時候 門口嬸嬸就會派飛 呢間餐廳我同女友每星期會食到三至四次 所以都明白佢哋舖頭嘅運作係點樣今日照常攞飛企埋一邊等位幾耐等咗大概15分鐘 突然聽到次序喺自己之後都係兩位嘅食客入咗去於是即刻行上前同嬸嬸講「我哋7號,點解9號會入咗先?」點知個嬸嬸反而同我講「頭先自己已經嗌咗好多次7號都冇人應先叫9號入去」但係其實我同女友都完全冇聽到叫7號 反而仲理直氣壯話我點解喺佢叫號嘅時候唔出聲真係㗎,你餐廳出品嘅嘢食幾好食都好態度咁_我以後都唔會再幫襯!
continue reading
早排喺網上見到有關於沙嗲牛肉麵嘅推介,心裏面突然間好想食沙嗲公仔麵,我冇食牛肉兩年(非宗教原因),今日時間安排到,終於扚起心肝去試吓呢間網上熱店。 入到去好多特色選擇,不過好簡單一心決定就係沙嗲牛肉麵套餐。 嚟到急不及待就要試吓,沙嗲湯底非常好食(好食到飲咗啲湯),公仔麵唔太腍,啱啱好,大滿足!心大心細食唔食埋個牛肉試吓,結果都食咗,好嫩滑,亦都入味,好正不枉此行!因為見到好多唔同特色嘅食品,已經諗定下一次再嚟再試過,亦都好食到夜晚即刻推介屋企人下次帶埋佢哋過嚟試下
continue reading
You may be interested in