214
56
5
3-min walk from Exit A1, Yau Ma Tei MTR Station
continue reading
Introduction
This café provides modern Japanese tea in the daytime, and it changes to a whisky bay at night. Besides the signature matcha and hojicha series, the matcha and red beans latte is also a recommended item.
continue reading
Opening Hours
Mon - Sun
12:00 - 22:00
Above information is for reference only. Please check details with the restaurant.
Signature Dishes
Recommended Dishes
餐廳：八屋地點：旺角彌敦道菜式：日間以供應現代日本茶飲為主的Café，晚間會變身為威士忌酒吧餐牌：意粉，小食，甜品。飲品有手工啤酒，特飲，咖啡，Signature 咖啡，宇治抹茶，焙茶。都有午餐，下午茶餐。下午茶餐有主菜5選1，包一個沙律杯同餐飲5選1，可以加錢升級餐飲，2點半至6點都有下午茶餐。炸軟殼蟹配蟹膏意大利面 $168 另加一原隻炸軟殼蟹炸得酥脆而多肉汁，好香口，伴有超脆紫菜兩片。個扁意粉整得好多醬汁，而唔會太膩，加有脆口蟹籽，菇片同紫菜絲，更添口感。鐵板原條日本魷魚筒 $148 另加一原條日本魷魚筒用熱辣辣鐵板上，魷魚口感唔錯，個汁好惹味，味道有少少鰻魚汁感覺。伴有紅色酸薑條可解膩。抹茶雪糕窩夫 $128 另加一抹茶雪糕窩夫真係打卡必叫！一客三件抹茶味窩夫，中間夾住香蕉片，面頭一大球抹茶味雪糕，再加上朱古力碎。伴有新鮮士多啤梨，紅莓，黑莓，藍莓。另上抹茶漿。最後灑上糖霜。軟綿綿既抹茶味窩夫配冰凍香滑抹茶味雪糕真係好正，抹茶漿都有好香濃抹茶味，我清嗮。豐富新鮮水果可平衡甜膩感。宇治抹茶配北海道十勝紅豆 $68 另加一宇治抹茶配北海道十勝紅豆用左隻好似雪山咁既玻璃杯上枱，比你肉眼見到底層有好多紅豆，中間有牛奶同抹茶漸層，加上頂層泡沫，最後灑上抹茶粉，真係層次感十足。飲落抹茶味適中，唔會太苦或者太甜，配甜絲絲紅豆簡直係絕配。柚子果味汽泡水 $48 另加一柚子果味汽泡水用左隻好精緻既碟裝住。淺黃色汽水下底好多柚子皮，面頭一片果乾，加有香草。味道甜度適中，好飲呀。今餐食物好食又可以打卡，好驚喜！餐廳環境裝修不俗，座位舒適。
continue reading
沒錯，又是被甜品吸引而來想不到主食也是超高質😭❤️ 加一服務費：✔️ ✿ 海膽醬大蝦意大利面 $168🌟必點!!海膽醬鮮而不太鹹，感覺加入了芝士(?)很好吃，想要幾塊麵包來配餘下的😭蝦子兩面焦香，意粉軟硬適中，擺盤精美每個細節都做得很好 ✿ 原條蒲燒鰻魚和風汁意大利面 $168 鰻魚超大條，厚肉有彈性(≧▽≦)和風汁帶甜，很日式，但也不會太濃太膩很用心的出品❤️ ✿ 抹茶雪糕窩夫 $128 超美😍😍瘋狂打卡窩夫質感，像是傾向烈日窩夫，配上雪糕很滿足夾層是香蕉片，不是忌廉，感覺更健康輕盈😆 ✿ 茉莉花茶配芝士奶蓋 $50✿ 焙茶配芝士奶蓋 $68兩杯的茶底和奶蓋都很不錯😋 還有其他茶底和奶蓋的配搭/其他特色飲料，總有一款吸引到你🤣 店鋪面積不大，加上暖和燈光，很溫馨的感覺職員友善，食物出色，而且看見lunch set也很划算😳 最平$88有餐湯、主菜、飲品、甜品已列入回訪清單😌👍
continue reading
🎉韓妹生日大日子喎，當然揾返間chill啲的cafe同佢賀下喇。📌不嬲同韓妹都係浦開旺角，係旺角區揾間cafe唔難，要揾間夠chill夠派頭的cafe就有難度。📌而近日熊妹發現係彌敦道575號Ladder Dundas有一間日式洋食cafe《八屋》，日間有提供日式茶飲咖啡，晚間就會搖身一變成為酒吧餐廳，日啡夜酒，咁仲唔夠chill？📌餐廳位於8️⃣樓，一出𨋢門就見到銀色閃閃條懸掛喺𨋢口，好明顯開始怖置聖誕喇！📌餐廳雖然唔係好大，但應有的座位款色都有，梳化位，二至四人方型枱及圓型枱，連酒吧枱都有，真係麻雀雖小，五臟俱全。📌話明夜晚變酒吧，有成個酒櫃任你揀，日本酒，XO，威士忌🥃等等要乜都有，款式都幾多。📌而酒吧枱酒架金碧輝煌，絕對係全場的焦點位。📌日式洋食Cafe提供的洋食有肉類主食、意粉、日式甜品同埋日式茶飲咖啡。原條蒲燒鰻魚和風汁意大利麵， $168一望個Menu，見到係原條蒲燒鰻魚，個名已經夠吸引🤩。真係原條蒲燒鰻魚咁上㗎！真係好足本囉，咁益街坊。本身沾滿鰻魚汁的鰻魚焗熱咗之後，抽乾咗水份，令到鰻魚汁好濃稠，漿住喺鰻魚上面，肉質腍身，食落去充滿醬汁的味道。咁大條鰻魚真係好抵食，食極都仲有，大滿足。意大利麵係用上扁意粉，扁意粉係用和風汁炒出嚟，一上枱已經勁香，食落質感係比較硬身嗰款，好有嚼勁，最怕就係煮得太腍，無左口感。和風汁味道好特別，鹹鹹地重醬油味，再加上一杯晶瑩通透的大魚子粒，魚子汁的精華撈埋意大利麵一齊食，加多一重鹹鹹地的海水味，鰻魚配魚子加埋和風醬汁的扁意粉，所有味道都好夾。慢煮油封鴨腿配牛角窩夫， $228主食嚟講，見到呢個油封鴨腿出邊好少見有，所以試吓。個賣相好吸引喎！先有一隻白裡透黃的日本荷包蛋放在鴨腿上面，然後下邊有牛角窩夫疊底，側邊仲有少少沙律菜同蕃茄仔，五顏六色，色彩上面已經好吸睛👀。日日都食開日本蛋的熊妹知道呢隻日本蛋絕對係靚貨，蛋黃亮透到，係半熟狀態之下表面仲有張力，完整地停留喺蛋的中間，好似想流出來但又一定唔會流出嚟咁，漲卜卜好飽滿好吸引，而日本蛋白食落去好有口感好有咬口好實在，所以日本蛋咁出名係真係非同凡響。到主角油封鴨腿，講真，熊妹認為佢嘅慢煮烹調方式做得好出色，呢個慢煮嘅方法令到鴨腿係完全食唔出任何一點油，唔好以為冇油分嘅滋潤肉質會好乾身，慢煮令到肉質變得好嫩滑，而且冇任何脂肪位，仲可以一絲絲鴨腿肉分明咁撕到出嚟，所以話呢道菜食的係師傅的功架。而本身係醃製過的鴨腿食落去會偏鹹少少，所以可以食埋側邊啲沙律菜均勻一下。其實三款食材味道本身都各有千秋，分開食已經好有自己嘅味道，如果加埋一齊食，沾上蛋汁而鹹鹹地嘅鴨肉腿連埋帶少少甜嘅酥脆牛角窩夫食，又有另一種奇妙的化學效果，呢款菜式真係好特別。抹茶雪糕窩夫， $128食完主食梗係要食甜品啦。熊妹同韓妹其實都係抹茶熊抹茶婊，甜品當然揀抹茶味道啦。三層塔窩夫再加一大球抹茶雪糕形成呢個雪糕窩夫塔，份量都幾巨型，好似一座千層塔咁。抹茶雪糕球勁大一球，超級滿足，抹茶味道回甘得來又帶點甜，就係抹茶控最愛嘅味道。窩夫即叫即焗，外脆內軟，有蛋香味有少少抹茶味，味道唔會好甜，加埋雪糕一齊食，冰火交融最好味不過。跟上仲有一大杯抹茶醬汁，倒埋落雪糕同窩夫上邊，集齊抹茶雪糕、抹茶醬、抹茶窩夫，試問抹茶控又點會唔興奮呢？伴碟仲有啲士多啤梨、藍莓，窩夫中間仲夾雜住香蕉片，加啲生果食，味道又清新啲。宇治抹茶提拉米蘇，$68作為抹茶熊熊妹，《八屋》推出了一系列抹茶飲品絕對係熊妹恩物！抹茶熊熊妹當然對所有抹茶飲品無可挑剔，千揀萬揀，睇中呢款宇治抹茶提拉米蘇，熱的，因為比較特別。提拉米蘇甜品就食得多，飲品真係少見，仲要抹茶味就更加少之有少。呢個宇治抹茶提拉米蘇真係好特別，首先，提拉米蘇的精髓-手指餅原條放在杯上，然後被一推製作提拉米蘇專用的Mascarpone cheese覆蓋住，再灑上抹茶粉，而杯內就係用上明治牛奶🥛沖起的宇治抹茶拿鐵。飲一口宇治抹茶拿鐵，先會飲到濃郁的Mascarpone cheese再到抹茶拿鐵，兩者在口腔中混口味道夾，重奶油味又有少少抹茶的回甘，明治牛奶奶味濃，甜度適中，而手指餅可以沾上Mascarpone cheese黎食，又可浸少少抹茶拿鐵淋啲咁食，又得飲又有得食，係一杯幾特別的抹茶特飲，宇治抹茶白玉，$68韓妹就揀左呢杯宇治抹茶白玉，熱的，其實即係抹茶拿鐵入面再加左幾粒白玉。抹茶拿鐵的拉花係貓貓喎🐱，平時多數見的多係典型心型拉花圖案，呢個貓貓有驚喜喔！抹茶拿鐵入面多幾粒白玉，好煙韌，好似係飲品入面發現左珍珠咁。📌整體來說，《八屋》環境氣氛幾有格調，日式洋食食物質素頗高，店員服務態度良好，能在旺角鬧市區做出名堂確實有原因的。
continue reading
八屋地址：旺角彌敦道575號Ladder Dundas 8樓下午茶同朋友食咩好，今日我地就去咗呢到試下佢個下午茶餐🤣～前菜：北奇具沙律杯配日本醬油脆米鮮🥗又薄又脆身嘅米餅，包住超多北奇具沙律，唔單止味道鹹鹹甜甜好有層次感😚實係好開胃，必叫，正😗。主菜：日本蟹肉忌廉餅$98蟹肉忌廉餅好creamy好厚，而且外脆內軟超有咬感😙食落口感好似日本可好餅，不錯。主菜：吉列豬扒三文治$98一拎上手就知一啲都唔係平凡野，吉列豬扒煎到好脆身🤩，食落外脆內軟超有咬感😙，再加上極鬆軟嘅白麵包，真係好新鮮👍🏻好惹味㗎～正！宇治抹茶白玉🍵+$20大大杯抹茶濃度好高但又唔會太甜或又唔會太苦，係抹茶控必試😈，正。焙茶配芝士奶蓋+$20焙茶微糖但都唔會好淡，幾清新香醇幾解渴，而且芝士奶蓋份量都算幾多幾高質😛，奶蓋好厚好濃郁加上焙茶，令杯嘢飲更加豐富，正😍。----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #hk #香港 #香港美食 #美食 #旺角美食 #打卡 #旺角 #香港口味 #隱世美食 #隱世小店 #半價優惠 #人氣餐廳 #人氣美食 #香港好去處 #日本 #日本野
continue reading
最近喺旺角行街嘅時候 發掘咗呢間樓上高質cafe小店☕️咖啡店主打窩夫甜品同抹茶/焙茶飲品🍵行西日式風格裝修 以淡黃燈光配襯出古典美🕯今次試試呢個性價比幾高嘅一人前下午茶🌟包咗一款甜品同任何一款飲品🧇 ✨️一人前下午茶｜招牌法式吐司 $98上碟時賣相已經相當吸引🤩炸成黃金嘅吐司上鋪滿雜果🍒食落表面香脆 蛋香味十足🍳而裏面軟熟得嚟 咬落去會有回彈嘅口感🍞加上香甜嘅楓糖漿 十分滿足🍁若果可以加一球雪糕/忌廉 就完美至極了😝 ✨️一人前下午茶｜抹茶雪糕窩夫 $98一切落去脆卜卜嘅窩夫🧇窩夫質感屬於比較結實 飽足感較高嗰重💖同抹茶雪糕一齊食有一種冰火相交嘅感覺🍦而另配的抹茶醬 味道濃厚而帶回甘🍵三種唔同層次嘅抹茶味融入喺呢道甜品當中🥰身為抹茶控的我十分滿意😉 ✨️宇治抹茶配北海道十勝紅豆見到網上超多人都點呢杯飲品🤩底層的紅豆 中間牛奶同抹茶的漸層 加上頂層的泡沫🍵層次感十足 打卡真係一流📸飲落牛奶味道比較重🥛質感較厚身而順滑🤏整體唔算太甜 甜味主要來自紅豆嘅蜜香🫘下午茶點呢杯飲品比較輕盈寫意一點🌿 ✨️奧利奧曲奇朱古力冰沙而朋友一向喜歡甜點 就點了orea朱古力冰沙🍫好濃郁的朱古力味😊飲落食到一粒粒曲奇碎粒🍪再吃一口忌廉 真係邪惡又滿足😈 旺角嘅樓上小店cafe嚟講 呢間餐廳嘅性價比十分之高🥰甜品製作一啲都唔馬虎😉全部都係新鮮即製 而且十分足料🧇而下午茶餐包含咗餐單上任何一杯飲品🍹飲品選擇十分多而且有特色🍵整體環境比人一種放鬆慢活嘅休閒感覺😌
continue reading