Video
Read full review
2010-09-30
14 views
難得中秋節，可以4:00 放工，趁呢個大好機會飲下午茶！終於可以一嚐蒲公英健康咖啡！太好嘞！叫咗：熱黑芝麻 蒲公英健康咖啡配自家杏仁奶 $28其實呢杯咖啡唔係平，對比之下，仲貴過上次個下午茶餐，可以話係「妹仔大過主人婆」！如果，跟下午茶餐先有半價！不過，當晚要返屋企做節，食媽咪準備嘅豐富大餐，所以，淨係飲杯嘢！原來呢杯健康咖啡，唔係真正咖啡，採用水溶性嘅蒲公英、菊苣、紅菜頭、大麥及黑麥根部精華製成；但係味道好似咖啡，真特別！亦不含咖啡因，比較健康！飲完當晚唔會瞓唔著！我見第二日放假先敢試咋！我好少飲咖啡，就算飲多數係 Latte。我覺得呢杯咖啡味不太濃，比較稀薄；況且水唔夠熱，只係和暖熱些少，難以帶出咖啡香味。成杯黑芝麻粉份量實在唔少，除咗杯面見到之外，成杯都係黑芝麻粉；咖啡味道自然被黑芝麻蓋過，亦聞到黑芝麻香味，杯面見到一點點油點都唔出奇，因為芝麻出油，帶點滋潤。反而，杏仁奶唔多出味，只從茶匙中看到很少嘅杏仁碎粒。加上兩包咖啡糖，甜味剛剛好！黑芝麻本身含脂肪、蛋白質、葉酸、甾醇、芝麻素、芝麻酚、維生素E、糖類、卵磷脂和較多鈣等，經常聽到黑芝麻可以令頭髮烏黑，亦有助排走身體毒素、並有抗
終於可以一嚐蒲公英健康咖啡！太好嘞！
叫咗：熱黑芝麻 蒲公英健康咖啡配自家杏仁奶 $28
其實呢杯咖啡唔係平，對比之下，仲貴過上次個下午茶餐，可以話係「妹仔大過主人婆」！
如果，跟下午茶餐先有半價！不過，當晚要返屋企做節，食媽咪準備嘅豐富大餐，所以，淨係飲杯嘢！
原來呢杯健康咖啡，唔係真正咖啡，採用水溶性嘅蒲公英、菊苣、紅菜頭、大麥及黑麥根部精華製成；但係味道好似咖啡，真特別！亦不含咖啡因，比較健康！飲完當晚唔會瞓唔著！我見第二日放假先敢試咋！我好少飲咖啡，就算飲多數係 Latte。我覺得呢杯咖啡味不太濃，比較稀薄；況且水唔夠熱，只係和暖熱些少，難以帶出咖啡香味。成杯黑芝麻粉份量實在唔少，除咗杯面見到之外，成杯都係黑芝麻粉；咖啡味道自然被黑芝麻蓋過，亦聞到黑芝麻香味，杯面見到一點點油點都唔出奇，因為芝麻出油，帶點滋潤。反而，杏仁奶唔多出味，只從茶匙中看到很少嘅杏仁碎粒。加上兩包咖啡糖，甜味剛剛好！
黑芝麻本身含脂肪、蛋白質、葉酸、甾醇、芝麻素、芝麻酚、維生素E、糖類、卵磷脂和較多鈣等，經常聽到黑芝麻可以令頭髮烏黑，亦有助排走身體毒素、並有抗衰老作用。
至於，健康咖啡亦可有助降低膽固醇及促進消化系統！
Post
