宏 (Moved) New Location

今日下午我們再去咗尖沙咀The One嘅「宏」食下午茶！我們叫咗醬油海藻烏冬麵、味噌海藻烏冬麵、炸豬扒飯套餐加海藻烏冬！而甜品我們就叫咗抹茶窩夫配日本抹茶雪糕、栗子蓉，抹茶曲奇、京都宇治抹茶軟雪糕芭菲、抹茶蛋卷、香草蛋卷同榛子杏仁蛋白餅/鹽味焦糖杏仁蛋白餅！醬油海藻烏冬麵同味噌海藻烏冬麵嘅海藻烏冬味道好清香，麵質非常爽口彈牙，叉燒嘅肉質相當嫩滑，完全唔會有韌嘅感覺，醬油湯底嘅味道比較清甜，味噌湯底嘅味道比較香濃！炸豬扒飯套餐加海藻烏冬嘅炸豬扒炸得外層相當金黃香脆，豬扒嘅肉質非常鬆軟多汁！甜品：抹茶窩夫配日本抹茶雪糕、栗子蓉，抹茶曲奇嘅窩夫係用抹茶製成，所以味道會比其他嘅窩夫甘香，餅質極之香脆鬆軟，栗子蓉好香甜軟滑！京都宇治抹茶軟雪糕芭菲嘅白玉相當煙韌彈牙，曲奇亦好香脆！抹茶蛋卷同香草蛋卷嘅仍然都係咁香滑鬆軟，忌廉好香甜軟滑！榛子杏仁蛋白餅/鹽味焦糖杏仁蛋白餅嘅餅質好香脆，甜道恰到好處，唔會太甜！