同和粥麵 (Closed) View

不嬲都食開呢間街坊野，牛腩魚面一流，個魚面幾正，一寫單32蚊，我心諗唔係27咩？係同區黎講32蚊食到牛腩面仲要魚面係好抵，家下加到$32係同區正常價，唔係特別貴既。新餐牌，其實唔特別貴，同區平均都呢個價。加左價，感覺上足料左，賣相都靚左。牛根唔會太淋，屬爽彈款，可能係屎忽撞棍咁好彩，幾好！牛腩又係好食左，平時係炆一舊舊既柱候腩，今日果款層次分明，有根有肉。主角魚面，好有魚味，彈牙，好似食緊成碗生菜魚肉咁，湯底正常出品，搭左幾條生菜同芽菜。$32蚊呢個質素，性價比依舊高。總結：貴左，進步左。