Day and Nite by Master Kama (Closed)

上次食過招牌龍蝦，今次諗住試下非龍蝦項目啦~ 非龍蝦項目都唔少，有海膽，吉列牛等等。 最後就揀咗 吉列牛排配忌廉蘋果咖喱烏冬 呢個名就真係有夠長。落單嗰陣對住讀都甩甩漏漏~~哈哈哈 烏冬唔會過淋，但如果你當日唔太肚餓就真係唔好叫啦。。。。因為都會相對飽肚既。忌廉厚身絕不欺場，蘋果味道較淡，咖哩唔辣口，帶少少甜。唯獨有樣唔好就係越食越濃味。 吉列牛外脆，但內裡都唔會全熟，僅僅熟。牛肉帶有少少根會有咬口。最後都點了飲品~ 西柚百香果茶~  如果有埋百香果肉就好啦~飲品比想像中大杯。西柚味比較重，正好為美好的一餐消消膩。