The Farmhouse 咖啡廳

第二朝我同男朋友book左10:00食早餐，但11:00就完，食得有啲趕，又等左一陣先有位。自助早餐有沙律區、穀物區、乳酪芝士前菜區、麵包區同熟食區。野飲有橙汁、蘋果汁、全脂牛奶、咖啡同茶。第一輪我攞左好多款麵包，但都唔太好食，唔知係咪因為係最後一輪早餐，所以擺耐左，變得好乾。最好食係香蕉磅蛋糕。我又攞左pancake、叉燒包、蓮蓉包、蝦餃、燒賣、蛋、雞蛋仔、薯餅。早餐可以食到呢啲野好滿足，味道正常水準。有個即整奄列區，餡料有蘑菇、煙肉同芝士。穀物區都幾多選擇，好耐冇食過粟米片溝牛奶，仲食左花生醬方包、歐式包同乳酪。最後食埋麵包布甸、煎蛋、薯餅同豬肉腸就離開。