Video
2015-12-16
292 views
放工急急返上水食個 lunch，今晚同事 BBQ 及大閘蟹聚會，突然變左我負責加料買海鮮囉！一心諗住去東莞佬食粥，但居然兩點半粥都已經賣晒，唯有是但轉場，趕時間。見到城記有蒸飯點心又未試過，就搏一搏啦！點知蒸飯剩返鳳爪排骨飯，點心剩返燒賣，仲要係最後一籠囉，另外仲有鳳爪。原來三點蒸飯點心收工，唔怪得咩都無，坐低左費事又要再轉場。最後一籠燒賣比埋我啦，鳳爪排骨就鳳爪排骨啦，比盅飯我啦。乾蒸燒賣，乾蒸？唔係掛，濕到滴水喎，蒸左成個鐘都唔出奇！熱到辣咀，因為勁多水份，滾水一樣，免強頂得住。蒸到內外都溶掉，燒賣皮漿住個咀，餡料只有豬肉鬆，無蝦無菇，一咬即散，腍劈劈又超濕既燒賣，味道唔洗講當然麻麻！劣質都要 $17 蚊，銅鑼灣曉廚既高質黑松露醬燒賣都係 $20 蚊乍！鳳爪排骨飯，我想食淨排骨飯架。咁既銻兜排骨飯都要 $22 蚊，銅鑼灣曉廚都只係 $28 乍。賣相完全唔掂，色澤暗淡無光，睇落仲好濕，排骨個樣又肥又細舊，完全影響食慾。放膽一試，排骨肉質散，味道一般，鮮甜味欠棒，有點死實，唔難食既。個飯底咁奇怪既？明明濕淋淋架喎，但撈上甜豉油勁好味，飯香濃厚，就係依隻飯香喇！而且飯粒嚥韌飽滿，雖然未及
一心諗住去東莞佬食粥，但居然兩點半粥都已經賣晒，唯有是但轉場，趕時間。見到城記有蒸飯點心又未試過，就搏一搏啦！點知蒸飯剩返鳳爪排骨飯，點心剩返燒賣，仲要係最後一籠囉，另外仲有鳳爪。原來三點蒸飯點心收工，唔怪得咩都無，坐低左費事又要再轉場。最後一籠燒賣比埋我啦，鳳爪排骨就鳳爪排骨啦，比盅飯我啦。
乾蒸燒賣，乾蒸？唔係掛，濕到滴水喎，蒸左成個鐘都唔出奇！熱到辣咀，因為勁多水份，滾水一樣，免強頂得住。蒸到內外都溶掉，燒賣皮漿住個咀，餡料只有豬肉鬆，無蝦無菇，一咬即散，腍劈劈又超濕既燒賣，味道唔洗講當然麻麻！劣質都要 $17 蚊，銅鑼灣曉廚既高質黑松露醬燒賣都係 $20 蚊乍！
鳳爪排骨飯，我想食淨排骨飯架。咁既銻兜排骨飯都要 $22 蚊，銅鑼灣曉廚都只係 $28 乍。賣相完全唔掂，色澤暗淡無光，睇落仲好濕，排骨個樣又肥又細舊，完全影響食慾。放膽一試，排骨肉質散，味道一般，鮮甜味欠棒，有點死實，唔難食既。
個飯底咁奇怪既？明明濕淋淋架喎，但撈上甜豉油勁好味，飯香濃厚，就係依隻飯香喇！而且飯粒嚥韌飽滿，雖然未及大埔新明發或林記既質數，不過已經做得好好，就連銅鑼灣曉廚都做唔到。
乾蒸燒賣
20 views
1 likes
0 comments
鳳爪排骨飯
19 views
0 likes
0 comments
鳳爪排骨飯
4 views
0 likes
0 comments
View previous comments ()
Post
