名館 (Closed)

困咗屋企成個禮拜又要出去唞唞氣，星期日又去咗希慎廣場樓上嗰間名館食lunch，貪佢地方闊落，枱與枱的距離空間足夠，比較安心，再加埋政府的新防疫措施要求，枱與枱之間的距離要1.5米，客人的數量也比之前少。今次唔係食特價乳鴿，而係食點心放題。點心放題原價$148，而家做優惠減多$30，即每位$118 茶錢加一另計。覺得抵食，於是試吓。點心放題包括點心、涼菜、粉麵和甜品，飲品則可享半價。種類雖然沒有傳統酒樓般多，但都不乏選擇。點心即叫即蒸，熱辣辣已經攞到80分，味道大多不錯，賣相也挺精緻。但有點美中不足的是大良鮮奶脆網卷和玫瑰奶黃糕不能達標。外層炸網又厚又太硬，鮮奶芯不夠軟綿。玫瑰外型吸睛，但奶黃蛋皇醬少兼不流心。份量方面是按照人頭計，二人份量則每碟點心有兩件，三人份量就有三件。這樣的安排可令客人多吃幾款不同的類型。我們兩個人就已經食了11款點心，非常滿足！