303
88
138
开饭介绍
於1969年创立的老字号港式扒房,以热腾腾的铁板呈上亲民价扒餐,再淋上香浓的黑椒汁或烧汁,非常惹味。
继续阅读
营业时间
今日营业
11:30 - 23:30
星期一至日
11:30 - 23:30
以上资料只供参考,请与餐厅确认详情
招牌菜
食家推介
相关文章
.#foodie #hk #hkfoodie #HTB美食推介【太子老字号扒房|热辣辣怀旧港式味道💥】🐨牛柳餐 $135推荐度:⭐️⭐️⭐️无论系点餐、拣汁定执野都系好急,所以入去之前请谂家食咩要咩,以免受到不礼貌对待~上菜块扒大约4成熟,上枱大约过1分钟就会问大家要烧汁定黑椒汁,一淋汁记得拍片打卡,大约2~3分钟就会完成,到时就大约6成熟。小编认为味道只系中规中矩,有浓郁嘅牛味,但就偏淋身无咩口感~黑椒味系偏淡,但令到肉味出啲都系好事嘅🫡.🐨雪糕红豆冰 $16推荐度:⭐️⭐️黎到唔食雪糕红豆冰对唔住自己,雪糕指定系云呢拿味,比较硬食好冰味道就唔系好足!红豆就一粒粒分明,要比啲时间混一混~.⌫另收加一服务费-----☼-----☼-----☼-----☼-----☼-----金凤大餐厅 📍地址:太子荔枝角道102号金凤楼地舖🐨推荐度:😋😋😋/5 💰人均价格:$100-150🪸环境:👾👾👾🗣️服务:👍🏻👍🏻📸食物打卡度:💡💡🛠️分类:#HTB太子 #HTB扒房 .#太子美食 #太子 #扒房 #红豆冰 #雪糕 #牛柳 #美食推介
继续阅读
某日睇到影片分享网站介绍呢间位於太子、历史都几悠久下嘅港式铁板扒房。十年前食过一次,但印象唔深。得知朋友从未食过呢间经典餐厅😮,决定带佢去试一试😏。估唔到平日星期四晚上5点半嚟到,当时已经半满,5点9更加爆场!!😯在场人士大部分都食铁板,当然除左肉外,仲有意粉供选择。点餐後职员送上热辣辣嘅餐包同红汤。红汤同平时饮开嘅罗宋汤唔同,质地稠D、偏向蒜味、少少辣,我个人麻麻地。美国安格斯肉眼扒餐(5成熟)$193肉眼扒比较薄身,所以叫左几多成熟都无分别。食落真系食到牛味,亦feel到唔似有「拿」过,不过如果中意啖啖肉嘅朋友,应该就唔太满足。西冷牛扒餐(5成熟)$133呢块西冷厚身好多,中间仲有少少红,食得出有明显「拿」过,不过唔系好重手,唔会有怪味;虽然食落无牛味、肉味亦偏淡,志在满足下食肉嘅感觉😆。我一直都唔中意食铁板嘅薯条,因为唔脆之余,又比块扒压到烂蓉蓉。配菜嘅翠肉瓜就生d,放到最後食就啱啱好。餐厅抽风麻麻,淋完汁果一刻油烟会好犀利。职员上左铁板後,会帮忙倒汁。每个餐都跟餐饮,而且冻饮都唔驶加钱。二人连加一共$359,可以电子方法付款。
继续阅读
餐厅已经有五十几年历史,一入到去就见到70-80年代旧式扒房既装修风格叫左餐之後好快就有热辣辣既餐包,个包够哂松软,而罗宋汤饮落好浓既蕃茄味,入面仲有好多配料个侍应会提你拎起张纸巾,先会淋黑椒汁落块扒到,黑椒汁淋上去既时候仲有jaja声同好香,仲可以加蒜蓉落块扒,会更加香😍😍🔆美国牛小排 $185肉味香浓,块扒煎得够香🔆贵族牛排 (美国牛肩肉)$208牛好厚身,一啲都唔烟韧,好多汁🔆黑牛 $16一罐可乐加一球朱古力雪糕,怀旧饮品🤣总括嚟讲,大件夹抵食👍🏼👍🏼👍🏼
继续阅读
想锯扒除咗去西餐厅,又点少得富有怀旧特色嘅中式扒房呢😋今次就去咗都有返咁上下历史嘅「金凤大餐厅」太子总店👫🏻本身都预计要等一阵位,未行到去餐厅离远已经见到好多人系门口🫣最後等咗10 几张枱终於到我哋啦,真系好期待🤩入到去餐厅面积都唔大,枱同枱嘅空间都几逼,同埋如果你两个人去,通常都要搭枱,不过我吃的是情怀所以冇咩所谓😚牛油餐包 叫完嘢食嘅瞬间,职员就放咗2 个餐包俾我哋,超快手💨仲要系最传统个只餐包🥹❤️个包暖暖地,好松软,完全冇花巧嘢,但我就系要呢啲!😤搽完啲牛油秒速咁溶哂,好满足,我就咁食都可以食哂成个😝餐汤(罗宋汤、忌廉汤)上完餐包嘅下一秒就上埋碗汤😂我哋叫咗红汤❤️同白汤🤍各一碗,罗宋汤有少少辣味,仲有满满嘅生菜同胡萝白,好足料😋忌廉汤个质感就偏稀,但味道都系好creamy,点埋餐包一齐食仲正👍🏻牛柳餐 $140全晚最期待嘅画面就系职员系块铁板热辣辣,烧到㷫烚烚嘅时候倒啲汁落去,「炸」~~💥一声真系好治瘉🫣☺️佢一份有3 块牛柳,每块都系厚切,肉质好淋,黑椒汁辣辣地好香口,超夹,个人就觉得叫5 成熟啱啱好,因为食到最尾块铁板都会㷫热块牛扒🤓每份扒餐都配以薯菜,对於锺意食淋身薯条嘅我嚟讲真系好满意,薯条索哂黑椒汁,好惹味😋翠肉瓜都好淋,绝对系性价比极高嘅一set🤩贵族牛扒 $220 + $2(加蒜茸)另一块就叫咗个贵啲嘅贵族牛扒,佢就一块过,而且都系超级厚身,不过可能佢太厚身,所以即使叫咗5 成熟,佢入面都仲系好生,我地要每块切开用块铁板烧返熟啲先食🤣🤣可能我唔识嘢,我觉得呢块嘅肉质同牛柳差不多,都系好淋👍🏻今次试咗大家都推介嘅「多蒜茸」🧄配埋个蒜蓉汁,蒜蓉嘅份量果然冇令我失望,每一块牛扒点汁再加啲蒜蓉一齐食,每一啖都好满足😋.总括而言,嚟食中式扒房啲牛味都会俾啲浓味嘅汁遮盖咗,所以我个人觉得叫价钱低啲嘅套餐都可以(因为我觉得牛柳同贵族牛扒食落味道都差不多🤣)同埋如果唔介意口臭🤭一定要加蒜蓉,系重口味之选🥰大家想食嘅建议早啲去,如果晏咗就要等一阵啦🫣
继续阅读
最近我去左一间旧式香港扒房西冷牛扒餐 $140烹调得非常出色,拣左5成熟,牛扒煎至5成熟岩岩好,内部肉质鲜嫩多汁,配咗黑椒汁。我特别加了蒜蓉,这两种调味料增添左牛肉的香气和风味,食落好香好好味。跟餐有罗宋汤和餐包及餐饮,食晒一个餐,绝对好够饱!美国德州顶级西冷牛扒餐 $194牛肉质地更为优质,比起西冷牛扒$140,呢个餐牛扒系冇腌制过,牛味重一点,口感更加出众。牛扒经过烹调後保持了鲜嫩的质感,搭配洋葱汁和蒜蓉,我自己个人喜欢食普通西冷牛扒多啲~一样有餐汤餐包餐饮跟配~这间旧式香港扒房所提供的牛扒餐具有浓厚旧香港风味,给人一种怀旧的感觉,一个值得一试的地方。
继续阅读