3
0
2
港铁粉岭站 A1 出口, 步行约6分钟
继续阅读
营业时间
星期一至日
10:00 - 21:45
公众假期
10:00 - 21:45
公众假期前夕
10:00 - 21:45
以上资料只供参考，请与餐厅确认详情
相关文章
起碼都幫襯咗6-7次， 今次喺某平台外賣自取。因為午飯時間，多學生食但唔爆場。我去到見到有好幾個人喺門外面等外賣，樓面得一個阿姐，見佢又要落單收錢同包外賣，好忙。因為幫襯開就知佢會將整好嘅外賣放出嚟放喺中間張枱。我見無我外賣咪繼續企喺出面等。之後見啲食客走減啲，見樓面阿姐包緊個外賣似喺我嘅，咪走入去問喺咪我嫁？點知嗰位阿姐第一句唔喺問，單號碼同電話號碼，佢喺答：我唔知喎，你企喺出面唔出聲，我點知你做咩！（語氣勁差）我就回佢，我喺出面等外賣囉。佢：你又無出聲，你單幾號，電話no…呢個（啱啱佢包緊嗰個外賣）喺你嫁。（佢重覆講）你企喺出面都唔知你仲咩。我：我唔企喺出面等，我點拎外賣呀？！ （好心喺出面等佢無咁忙先問佢拎外賣，仲要俾人話返轉頭，仲要喺比原定自取時間遲咗先整起我個外賣。）食物方面，明明外賣都分湯，個米線都超級淋🤨一夾就斷算啦！我以後都唔幫襯，blacklist。
继续阅读
第二次比機會，真係一次垃圾過一次，但我唔會再有下次，豬皮切到細細塊仲要一條條，咩食法？豬耳好似逐條同你計住咁，臨尾仲要夾走一條仔，驚死比多左你個一條幼到牙籤既豬耳仔花膠既份量好意思當一個餸，好似人地食剩咁，細細塊2片咁大把，係片，唔係舊😒🙄真心問憑咩收＄43，又唔係好好食，份量材料就真係我自己煮好過，出面車仔麵都係＄3x, 唔係比唔起，但＄43我真係唔覺得值，材料唔足，味道普通，價錢就收到足有凸。碗麵見到個刻真係o左嘴，相都唔想影😑我買譚仔都無咁嬲😑
继续阅读
真心未見過咁垃圾嘅餐廳，永遠blacklist! 今日去咗呢間餐廳買外賣，用八達通俾錢，個店員埋怨部機好麻煩，佢㩒第一次嘅時候㩒錯咗做$40，話返俾佢知應該係$48，等咗一段時間終於俾到錢。之後同個店員講話陣間返嚟攞，大約十分鐘後返去，見外賣仲未得就繼續係門口等，再大約五分鐘後店員攞張單出嚟問係咪有人叫咗米粉，我話係，佢怪我頭先叫極冇人應，所以佢冇整，我話我頭先有講行開陣間返嚟攞，佢話佢聽唔到（另外我真係第一次知道原來買外賣一定要企喺門口等）。個人已經嬲嬲地，同埋趕時間，同佢講唔要啦叫佢俾返錢，佢話八達通冇得退錢，話即刻整返，問佢要等幾耐佢唔答，佢話咪即刻整返俾你囉，仲話因為要整我嗰份先，搞到出面等緊嘅人要再等耐啲（你出錯仲要屈返我轉頭，好嘢）。再等咗一陣，終於攞到外賣，個店員話要俾返$8佢，話頭先收少咗我錢，真係火都嚟埋，我同佢講返本身佢係諗住收我$40 ，我提佢要收$48，佢已經收咗錢，佢個樣仲要好質疑。佢俾個外賣我，我同佢講唔該，話以後都唔會食佢哋嘅餐廳，仲要俾佢鬧我野蠻，真係嬲到震，返到去連碗麵都食唔落🤮。
继续阅读
想係粉嶺火車站附近搵地方醫下肚，周圍都係大集團食店，行左去祥華邨食呢間車仔麵，其實唔算行太遠，仲近過去粉嶺中心，去到祥華商場三樓，一行出商場就會見到店舖座位不多，應該只可坐十個人左右。點左兩碗車仔麵，兩碗都係油麵，麵質不俗，係我偏愛的粗麵👍🏻👍🏻👍🏻車仔麵的餸菜無咩特別，亦唔覺有咩問題其中一碗麵加左底同埋加左一杯咸檸七，所以埋單$99，尚算合理兩位姐姐包攬煮麵同埋招待，態度十分有熱誠，值得讚賞👍🏻
继续阅读
特登去試吓呢個車仔麵，今次揀咗薯粉，花膠牛腩蘿蔔，湯底要咗鴻記辣汁，雖然要小辣其實都好辣，牛腩係以前嗰種懷舊味道，不過花膠其實就一般，蘿蔔都好甜！嗰度啲姐姐超級有禮貌，總體來講下次都會再試！
继续阅读