506
41
42
| 餐厅: | 天天海南雞飯 (ELEMENTS圓方) |
|---|---|
| 优惠: |
于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
电话号码
31082182
开饭介绍
来自新加坡的天天海南鸡饭，其招牌海南鸡饭，鸡肉皮薄肉嫩，加上以煮鸡精华一同煲出的黄油饭，深受欢迎。
继续阅读
营业时间
今日营业
11:30 - 15:30
17:30 - 21:30
星期一至五
11:30 - 15:30
17:30 - 21:30
星期六
11:30 - 16:00
17:30 - 21:30
星期日
11:30 - 15:30
17:30 - 21:30
公众假期
11:30 - 15:30
17:30 - 21:30
以上资料只供参考，请与餐厅确认详情
-
网上订座服务暂停
优惠
| 餐厅: | 天天海南雞飯 (ELEMENTS圓方) |
|---|---|
| 优惠: | 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
招牌菜
食家推介
相关文章
今日去左接朋友收工，附近就一律都係名牌無咩好行，都係打算食完晚餐去西九龍公園散下步吹水，襯有時間就周圍兜下睇下有咩食，行左陣就見到天天海南雞，search左下先知原來係過江龍米芝蓮餐廳，本住試一試既心態，估唔到又喜出望外幾高質，果然可以屹立係圓方都真係有原因。menu都好多野揀，最後嗌左一份燒雞，雞油飯，牛筋牛腩，同一碗湯。✨天天燒雞(大份) $189燒雞係新加坡都係傳統名菜，好受歡迎。近排食比較清所以今次想食香口少少，燒雞肉經過特別處理，外皮金黃酥脆，入面非常嫩滑而且多汁。啲皮燒得香脆，有微微焦香氣，食落香脆可口。另外，佢嘅醬汁有種酸甜微辣嘅味道，好好食好開胃，可以單獨蘸食，或者放落雞油飯食都可以。仲有薑蓉同青瓜做配搭，係另一種風味，同燒雞香脆雞皮亦係一個恰到好處既組合，味道好豐富。✨雞油飯(1~2人份) $39份量2個人食有凸，雞油飯香氣四溢，米飯蓬鬆入味，每粒米都吸收咗雞油嘅鮮美，正！✨老街坊牛筋牛腩 $159牛筋同牛腩經過慢燉，兩款都非常軟腍入味，肉嫩滑多汁，牛筋更加有種入口即化感覺，超好味。湯汁就濃郁香濃，充滿牛肉嘅香氣，撈落雞油飯一齊食，每一啖都係滿滿嘅滿足感。呢道菜嘅味道同賣相都極之出色。✨火陷椰子八寶燉雞 $89湯以新鮮椰子為基底，加入幾種珍貴食材，feel到有長時間燉煮，因為湯汁好香濃，充滿椰香同中藥嘅味道，不過唔知點鮮搵唔到雞既蹤影，只見到豬肉豬骨，雖然都飲到濃濃既雞味。整體味道豐富，八寶成份有紅棗、枸杞、蓮子等，增加左湯嘅營養價值和口感層次，滋補又美味。依個質素的確足的係圓方立足，係其他地方都比較少食到咁好味嘅新加坡菜，每款都好高評價，下次會想試試海南雞，同埋肉骨菜(我見到隔離枱有叫，超大碗)今次已經收哂貨，非常美味！份量2個人食有凸，雞油飯香氣四溢，米飯蓬鬆入味，每粒米都吸收咗雞油嘅鮮美，正！
继续阅读
做完嘢匆匆忙忙趕到去圓方食飯，因為朋友請客，唔好意思遲到，去到見到係天天海南雞飯，我真係大鄉里，以為點解特登要約我出嚟請我食海南雞飯。前菜先嚟咗個南洋醬汁醃花甲，成件事出嚟已經好靚，食落去嘅味道有種似食拍黃瓜嗰種味道嘅感覺，而佢個杯底本身就係有啲黃瓜喺度。仲有個班蘭汁椰香鱈魚，炸鱈魚本身都可以嘅，不過加咗班蘭椰汁又真係別有一番風味嘅。另外仲叫咗一個迷迭香火焰黑金叉燒，又係點完火打卡係一流嘅，基本上佢係用咗五花腩去做叉燒，所以又夠肥又夠香，同埋個叉燒汁係好甜嘅，送飯會更好。另外仲叫咗兩款湯，一款係鳳梨涼瓜干貝燉龍骨，味道都幾好，同埋幾特別。另外一款係木瓜花膠燉湯，重點又係點着過椰子殼又可以影相， 湯料好足夠，問題係其中一個椰子殼燒咗好耐都未熄，要搵人嚟幫手整熄佢。煮食方面，就叫咗個龍蝦湯炸米，呢個啲炸米幾時落就完全係個人口味問題，重點係好好味。另外仲叫咗一部雞油飯加埋呢個龍蝦湯一齊食更加好味。另外叫咗兩款雞嘅拼盤，水準都還可以，但係相對起嚟冇乜記憶點。牛方面就叫咗個新加坡咖喱原牛肋條配鹹煎餅，啲牛肉真係好嫩，不過份量唔算好多。甜品就叫咗個椰奶炸龜苓膏，都幾有驚喜，食落去有一種似曾相識嘅感覺，但係又諗起係乜嘢食物。
继续阅读
收工開完會，同同事落圓方食飯，見到呢度幾特別，新加坡米芝蓮拎獎餐廳。我哋叫左幾道菜都好正，想追加多啲🤤不過份量好足，大滿足！南洋咖哩雞肉佢個口感好豐富，雞肉燉得好軟嫩，入口即化。咖哩醬汁濃稠而香辣，帶嚟一種濃郁嘅咖哩味道。配上咖哩嘅香料同椰奶嘅甜味，味道更加豐富，令人回味無窮。蝦頭膏鮑魚金湯炆豆腐佢個湯底鮮甜濃郁，蝦頭膏同鮑魚嘅風味完美融合。豆腐吸收咗湯汁，口感滑嫩，帶有湯汁嘅香味。湯底鮮甜而有層次感，令整個菜式更加鮮美。酸湯石班魚佢個魚肉鮮嫩多汁，入口即化。酸湯清爽酸酸嘅口感，帶嚟一種刺激嘅味道。湯底酸中帶有微微嘅辣味，令味道更加開胃。石班魚嘅鮮味同湯汁嘅酸辣完美結合，令人回味無窮。雞油飯佢個口感香滑嫩滑，飯粒煮得剛剛好，每粒飯都飽滿有彈性。雞油嘅香氣滲透入飯粒之中，令飯菜更加香濃。食落去既雞油飯有濃厚嘅雞油味道，令整個菜式更加美味可口。
继续阅读
去完Sky 100之後就剛好到晚飯時間，同朋友開始覺得肚餓，就揾下Elements有咩好食，諗起呢間餐廳黎左香港咁耐都未食過，就同朋友去食下，夜晚7點到黎到好在仲有位，一坐低店員就俾左壺熱茶我哋，茶錢$10 一位又唔算貴。睇下個Menu食物都幾多選擇😍😍😍😍天天海南雞拼燒雞$298附有青瓜及三種醬料，分別係淮鹽，甜醬油，辣醬。海南雞雞味幾濃，雞肉嫰滑，雞皮做到好爽口；而燒雞，雞皮整到好香口，又唔會覺得好肥，食多幾舊都唔覺得漏👍迷迭香火焰黑金叉燒$129呢個叉燒好有儀式感，店員會落d酒去個叉燒到，再拎住個火槍去燒，聞落有一浸浸嘅酒香味，再入口食到個半肥瘦，口感好鬆軟，配以甜甜地嘅醬汁，送飯一流。雞油飯（細）$39兩個人剛好，啲飯粒粒分明，油香味十足，份量幾多。豆花年代奶茶$35豆味香濃😍😍如果個茶味可以再濃少少會更好。苦瓜鴨屎香檸檬茶$35夏天飲呢個好清新，苦瓜味道好出，但又唔會太苦，可以一試👍兩個人食到好飽，再飲返個個熱茶覺得好舒服🥰🥰
继续阅读
喺新加坡返嚟香港都仲係好掛住啲海南雞，要去食啲正宗海南雞！一去到門口就已經好香好香好香嘅雞油飯味！正宗海南雞啲雞白雪雪，而且好滑，雞味好香，特別係雞皮同雞油，同埋秘製汁淋上去，餸飯一流。雞油飯超級無敵香，每啖每粒米都有雞油嘅香味，嗌咗個2人份量，不停咁添，食下食下就一兜，加埋啲雞同汁好香口，每啖都勁滿足！冬陰公湯有1隻勁大扇貝，4舊魚，2隻大蝦，仲有好多菇同埋車厘茄，勁香，令到湯好香鮮味，加上冬陰嘅酸，好正，啲魚仲索咗湯，大蝦索咗湯，咬蝦殼都好好食！黑松露墨魚蝦多士 多士連埋蝦一齊去炸，炸到好脆，蝦都好大隻，中間墨魚好香，再舖上黑松露醬，口感同味道都好豐富，好彈牙凍豆腐花原味有好香嘅豆腐味，好挺身，但入口即溶，加埋美祿粉勁正！椰香latte落咗淡淡椰香味，再灑咗少少類似柚子青檸味，好fresh，味道唔錯，口感好淳滑！
继续阅读
您可能会有兴趣的...