112
12
5
开饭介绍
曾在大围经营超过60年，以红烧乳鸽、椒盐虾等多道招牌菜而闻名。选用中山石岐的乳鸽用卤水胆先浸泡乳鸽、吊起风干2个钟，落单时先即炸。
继续阅读
营业时间
今日营业
11:30 - 16:00
18:00 - 22:00
星期一至日
11:30 - 16:00
18:00 - 22:00
以上资料只供参考，请与餐厅确认详情
有关奖赏计划
招牌菜
食家推介
相关文章
又發現咗間好出色嘅中菜館😍一定要同大家介紹吓！✅招牌紅燒乳鴿王 呢度最出名就係燒乳鴿，實在太好食🤤乳鴿唔單止皮脆肉嫩，乳鴿仲好多肉，$88超抵食😋✅蝦多士用新鮮蝦整，多士唔單止夠脆，仲非常香口🦐✅欖角冰梅骨味道酸酸甜甜，拌飯食係停唔到口🤪暫時食過最出色嘅欖角冰梅骨✅杏汁花膠燉白肺滋潤養生，燉湯恰到好處，杏汁味道唔會太濃✅燕窩雞茸羹啖啖燕窩好足料😙好似食翅咁，調味做得好好💛好味指數:4.9/5
💜回頭指數:5/5📍楓林小館 (銅鑼灣)銅鑼灣謝菲道379-389號特麗樓1樓及地下5號舖
继续阅读
最近朋友帶我品嚐過一間超高質中菜館， 是最近食過最有心的中菜！「楓林小館 」在銅鑼灣開了，環境帶有古色古香的裝潢，食物水準真的好好👍招牌紅燒乳鴿皇牌之作，店員說幾乎每枱必點！採用中山石岐乳鴿用滷水膽先浸泡乳鴿，風乾2個鐘，落單時便即炸，所以皮脆肉嫩超入味！花膠杏汁燉白肺真材實料，連花膠都有，滋潤到入心入肺！🧡欖角肉碎四季豆 四季豆配上欖角肉碎香味俱全，咸香滋味送飯一流！楓林小館 銅鑼灣謝菲道379-389號特麗樓1樓及地下5號舖
继续阅读
楓林小館. 用餐日期: 2024年2月 午餐《$49 楓林蝦餃王》蝦肉好爽好彈，蝦餃皮都係偏厚，但一夾起就成舊餡掉出黎。一籠三粒大大粒，食幾粒就好快飽。《$22.6 蟹子燒賣王》呢個係用午市優惠價叫既，所以會優惠好多。燒賣大大粒，肉餡份量好多，正正常常。《$42 鵪鶉蛋燒賣》鵪鶉蛋燒賣都係一籠三粒，正正常常冇咩特別。《$40/件 懷舊蝦多士》一上枱個擺盤好靚，蝦多士就好似花瓣咁圍住中間既沙律醬，因為$40一件，價錢偏貴，所以期望值都比較高。賣相就好靚啦，一食入口，多士係鬆脆，但好油，蝦肉算爽彈，但都填補唔到果陣油膩感。《$88/隻 紅燒乳鴿》紅燒乳鴿配左幾塊印尼蝦片上枱，睇個份量就應該唔係用黎配住食，亦唔係用黎伴碟，唔知大廚有咩用意，但有少少多余既感覺。蝦片一早已經淋哂，雖然食落唔算好油，但亦都唔好食。乳鴿燒到皮脆肉嫩，仲好juicy，肉都幾厚身，相當不錯。《$48 百花釀花菇》其實就係蝦滑釀花菇，上面仲加左少少蟹籽，花菇都厚身，爽滑有咬口，但冇咩菇味，整體味道偏淡。《$38 竹笙黃耳餃》用既皮係粉果果種半透明既皮，厚身煙韌，包住滿滿肉餡，好大件。成件餃味道偏淡，食唔到竹笙，好普通。《$138 啫啫唐生菜》店家用左一個好大既煲黎裝，但入面生菜既份量得好少，大約得2-3棵生菜，除左醬汁料頭外亦唔見有其他餡料，如果以$138黎計，性價比偏低。上枱熱辣辣，但味道好咸，送飯應該唔錯，但當小菜就普通。《$88 椒鹽魷魚鬚》份量唔多，單講炸皮幾出色，粉唔厚，咬落好鬆又唔會油，但缺點就係同魷魚鬚唔係痴埋一齊，魷魚鬚本身冇調味，椒鹽全部都係炸皮上面，如果炸皮甩左出黎各食各，就會變得好怪。《紅豆沙》食飽餐廳仲有送每人一碗紅豆沙，一望已經覺得好睎，食落味道偏甜，有陣陣陳皮香味。人均消費：$200環境：7.5/10食物：7/10服務：7/10性價比：7/10整體：7/10
继续阅读
嚟過呢間餐廳三次左右, 之前都覺得唔多衛生, 今日大開眼界。 1. 首先啲茶杯碗碟全部有油漬, 有一隻碗同匙羹竟然有一大pat食物殘渣都照俾我， 唔止要換一次，拎俾客人嘅碗碟都咁污糟, 廚房睇唔到嘅真係唔知點！ 同埋餐廳係用地氈一浸霉味，地下地氈好污糟2. 短髮戴眼鏡員工本來戴住口罩,但係竟然打開口罩向住張已經更換新枱布但未有客人嘅枱打乞嗤，然後再帶返個口罩, 即係唔想啲鼻涕整污糟個口罩, 寧願啲鼻涕污染張枱？ 3. 問佢攞個外賣盒, 佢搲完頭皮又搲屁股，先攞個外賣盒俾我, 佢掂過我都唔想掂。4. 賀年食品嘅蘿蔔糕就咁擺喺枱面, 完全冇遮擋，啲職員同埋食客行過全部會經過，鋪晒塵, 這餐廳有蚊滋， 訂咗呢啲蘿蔔糕嘅人真係自求多福。5. 食物質素方便， 叫咗個海參麵， 海參好硬洗唔乾淨有好多沙， 燒賣腸粉嗰啲就正常酒樓食物，唯一好處就係佢啲嘢好大碟， 味道亦屬正常，可惜衛生唔太理想，啲蒸籠好多污漬同埋發霉。今次食完大家都話以後真係唔會再去，嚇怕了！
继续阅读
唔好以為我係專業食評家，不過我無啦啦行過江南老宅，跌進呢個美食天堂，先俾啲實感你哋。好啦，落手落腳嘅先係招牌菜紅燒乳鴿，一啖咬落去，外皮香脆，啖啖肉，啲味道鮮得滴水嚟🤤。再嚟，同桌友人點嘅椒鹽魷魚，份量足足哋，口感軟硬適中，鹹香麻辣嘅口味，真係滿足到五臟廟。話時話，俾個掌聲畀荔茸香酥鴨，鴨皮吱吱作響，與芋頭嘅絲滑夾搭得剛剛好，好似聽老歌般，懷舊又有feel。而家講返湯品，魚湯花甲浸勝瓜湯，鮮甜透心涼啊，每一啖都滿足到個口慾👅。直頭嗌得停唔到口嘅，非得嗰碟啫啫魚干芥蘭煲莫屬，蔬菜夠綠，魚乾夠香，真係啱食到飛起。呢家鋪頭，食得暖笠笠又食得舒心，完美繪出普羅大衆嘅飲食文化。食完成個心情都好晴朗，講真，我心目中最正嘅巷弄美食就佢喇😄！
继续阅读