15
9
9
港铁上水站 B2 出口, 步行约4分钟
继续阅读
营业时间
星期一至日
11:00 - 22:00
以上资料只供参考,请与餐厅确认详情
优惠
94折
皮薄多汁生煎皇现金劵
$47
$50
食家推介
相关文章
坚信号生煎包,招牌菜都系要留返系舖头即叫即食呢﹗送到时已余下微温,表面打晒雾水,幸好未至於冰冻。原只整粒塞入嘴,包皮已变得僵硬,难得还有一丝香脆。金黄香脆的包底,油润香甜的包面,爆汤飞汁激射,不留神喷到一枱都系,失望地发现汤汁都十分咸喎。地狱料理速递,跟堂食有天渊之别,极度可怕﹗酸辣汤,满满的木耳,杰杰的汤汁隐藏着豆腐、笋丝,足料但不够酸不够辣,散发阵阵涩味,可能系醋的问题。鲍汁生菜,劲爽甜翠嫩充满鲍汁味,喜出望外比预期中高质。蒜泥白肉,耐心地捞得均匀才慢慢品嚐,蒜味酱油味撞得不错,香而不辣。白肉质地松软咽韧,拖着酱汁唔难食,忘记在那里食过爽脆鲜甜的极品猪腩片。竟然在白肉底藏着粉皮,不喜欢粉皮的我都免强试一试。凉浸浸滑嘟嘟,吸尽红油蒜味,味道都系只香不辣,平凡普通。古法扣猪手,猪手得层皮无肉食,损损骨吧﹗甜味强劲而弹弹的猪皮,爽而不绵不胶。上海菜饭,卖相不吸引,闻落无饭香,食落无菜味无甜味,生米硬掘掘,再食多啖确定系生米,全部放弃﹗红油拌水饺,劲厚黏嘴略硬饺皮,麻辣味跟口水鸡个汁一样?水饺馅只得菜和肉?虽然有菜汁有肉汁,但味道未能达标。葱油鸡,厚厚鸡皮肥腾腾,赵到满口油,黄色肥膏处处一旧旧,乾鞋鸡胸不喜欢。麻辣无骨凤爪,少见用炸爪作凉拌,爽脆微辣,过过口瘾。京汁茄子,京汁调得怪怪的咸咸酸酸,茄子半生熟出水索索声,可怕的味道及质感。腿丝娃娃菜, 粗糙味淡鞋烚烚,好彩还有一丁点菜甜味,试一次便够。肉酱拌面,结成一团黏黏面饼环环相扣,没有配清汤想捞散都不可能。肉酱太乾太少兼无汁,白色拉面淡茂茂湿湿黏成一团。加娃娃菜清汤加XO酱加辣鲜露,终於有点味道。灌汤小笼包,外卖微暖包皮已塌变硬变乾,幸好咬开仍有少量汤汁,最敝肉咸汤咸。
继续阅读
Have a good 包!全新黑金系列型格登场✨嚟食生煎之余,更有多款新品等紧你😉🔥春卷脆脆春卷皮够薄脆,唔会厚油觉得漏,馅料有多种蔬菜粒,健康高纤。🐤椒积鸡扒包刈包软绵松软,黑椒鸡扒劲大块,非常有口感。🍇坚Gur巨峰梳打浓郁提子汁搭配气泡感梳打,果香满溢。🥟黑魅蒸饺 $32仲可以加配呢个做小食~黑色饺子皮真系好好睇🥹菠菜鲜虾馅,虾肉弹牙大粒。更会送限量版联乘贴纸一份!#haveagood包
继续阅读
应节蟹季,一定要食蟹粉小笼包!🤭唔好怕丑,大啖啲一啖一个,享受爆汁滋味😍🥟蟹粉小笼包小笼包皮超薄,金黄汤汁集聚蟹肉同肉汁精华,超爆汁!🥠蟹粉锅巴脆脆控最爱!上面劲多蟹肉丝同蟹黄,鲜香惹味。咬开一刻,锅巴超脆!🍜蟹粉小笼包拌面 拌面上面都有一层好足嘅蟹肉酱,作为中意食蟹又唔想拆肉嘅懒人嚟讲,真系好幸福💗🌺洛神花梳打 去腻top1,带有微酸更开胃。@gingsunho 📍香港#香港美食 #大闸蟹
继续阅读
今日又再识坚信号,因为好想食佢个生煎包,一如既往个生煎包好好食,又快上枱。咬落去个汁必晒出嚟,今次冇影生煎包,因为上次已经影咗。今日试吓个上海猪扒菜饭,点知中伏,个上海猪扒系有骨嘅,炸得麻麻地。佢除咗快上枱之外都冇咩特别,可能佢根本一早炸定先至可以咁快上台。菜饭本身应该系成个餐嘅精华,点知好鬼难食,完全冇菜味,又净系暖暖哋。一睇就知唔新鲜仲衰过唯一面家嘅菜饭,佢嘅菜饭真系唔敢再试。下次都系食返担担面稳阵啲
继续阅读
去咗坚信号食晚餐,佢哋啲嘢食都几大份同足料,最有名嘅生煎包即叫即煎,上枱时热辣辣!🔹京汁茄子估唔到份量会咁多,茄子好大件,食落好有口感!而且每件都沾满医汁,味道浓郁,好惹味🔹灌汤小笼包粒粒饱满,皮薄但不易穿,里面猪肉鲜嫩,咬开充满汤汁🔹生煎包即叫即煎,生煎包好有口感,底层煎得香脆,上层软熟,咬开里面配搭秘制上汤同猪肉,馅料热辣辣!🔹上海排骨菜饭块猪扒好巨型,炸到金黄色,菜饭入面都多小棠菜🔹川味口水鸡足足有半只鸡,鸡件大小适中,每件都有辣椒红油,整体味道有少少麻味,但唔算好辣
继续阅读