影片
营业时间
今日营业
12:00 - 21:00
星期一至日
12:00 - 21:00
公众假期
12:00 - 21:00
公众假期前夕
12:00 - 21:00
以上资料只供参考，请与餐厅确认详情
相关文章
黑松露味嘅嘢就成日食，不過黑松露口味嘅巴斯克芝士又真係未試過～富豪酒店嘅餅店就就出咗呢款黑松露巴斯克芝士蛋糕，將香氣十足嘅黑松露配上濃郁芝士，蛋糕表層烤至焦香，面層有幾塊黑松露片，真係落重本嘅呢😎 每啖蛋糕充滿奶香同黑松露香，口感綿密順滑～加杯咖啡就perfect池喇✔️
继续阅读
Lunch time 時經過富豪酒店，原本諗住買件 CAKE 當甜品食下，但見到幾款曲奇既賣相都不錯，個餅店姐姐又推介，說係全 hand made好鬆化，就買左盒試試。我買果款叫Regal Supreme 至尊品味（$108）,有兩隻味道（牛油同燕麥紅莓）個鐵盒其實幾靚，可以拎黎送禮。打開盒見兩排曲奇排得好整齊，每塊曲奇都有獨立包裝，感覺幾乾淨，打開袋就聞到好重既牛油味，一咬落去，果然好鬆脆，不愧係 hand made再試埋燕麥紅莓，其實我好鍾意食紅莓，但好多紅莓曲奇都會好痴牙，但呢隻唔止無痴，味道仲不錯。整體呢講，曲奇好鬆脆，唔會好甜，牛油味好香，值得再買。上網搵過，唔係好多人識PS。剛剛網上訂購做梗7折 =.= 即係仲要平多$30
继续阅读
今日約定好同月同日生的好紙美一齊慶祝生日~我負起買蛋糕的重責,心中己有心水~但都周圍睇睇~路經此地~順便入去望望~一眼見到心中最愛 -> 法國歌劇院蛋糕 !!勁興奮!緊係唔會放過~但為求無憾~我都壓制住高興的心情, 再行埋隔離的餅店先決定,服務員哥哥好語重心長咁話呢款蛋糕今日只出一個~示意啱的話就要早少少決定~最後我都係決定行多個圈先!行左一個圈~仍係決定買呢個~返到櫃面服務員哥哥己轉左做姐姐,我就問服務員姐姐講可唔可以喺蛋糕面用白朱古力寫祝福字句,我覺得咁寫會好型好靚...服務員姐姐話可加一個朱古力牌寫少少字,加個牌要廿蚊~喺呢D開心日子~當然唔會計較~所以我就執起笔唻,寫下想寫的祝福語~寫左次一次~服務員姐姐話太長,唔可以咁多~話最多加10個字左右,我即時滴晒汗,覺得10個字真係太少了~只係寫到兩個名同一句生日快樂都冇左啦~之後微調左少少,服務員姐姐仲係話唔得~之後再刪減, 服務員姐姐好勉強咁話試下,話要拎個蛋糕上去餅房搵師夫寫,叫我地喺對面的梳化坐廿分鐘~我心諗...好在有張梳化...如果唔係都唔知點等~~時間到~終於見到個蛋糕連生日牌~真係眼都大埋~~這就係等足廿分鐘的酒店出品???!!!!我個人認為呢個出品完全冇誠意~母牛咁大個的牌~寫篇論文都得LA~而家喺咁E了左几個字~比我自己寫仲要差,而且仲要摭住左一大半個蛋糕...搞到一D美感都冇~ ~!好明顯無論係服務員姐姐同寫字的餅房師夫,一D都冇企喺客人的角度去做服務!!既然如此.時間又冇多.我唯有收貨.仲要掩飾自己的失望向紙美表現興奮!勉得破壞開心的生日飯~飯後打開蛋糕!!滿心期待7層肥死超濃朱古力的歌劇院蛋糕~點知得5層咁少食歌劇院蛋糕最好就係一叉由頭到尾,可以一次過食晒咁多層的質感..一切開~最外層的朱古力漿真係令人又愛又恨~香濃之餘入口會貼著你的脷~要用點力先可以慢慢溶化~可惜其他几層的層次唔係好突出,食落只係感受到兩層質地一樣的朱古力海棉蛋糕,用一層冇咩咖啡味的普通海棉蛋糕隔住,到最底一層比較結實的的朱古力軟糕...幸好各層的朱古力香得黎唔會太甜令人覺得''那喉'',至少可以令我有追食的衝動!!!嗯~可能我自我覺得酒店出品的話,無論係心思定係服務都會有比較好的水準..而家發現可能係我想多了~總括黎講..算係見識過佢的出品~可見的未來相信唔會再見,真心希望佢地他日可以有所進步
继续阅读
第一次買富豪餅店嘅曲奇同酥，見佢包裝幾靚，價錢又唔特別貴，所以就試下，冇諗到味道唔錯！兩盒拆開都有張咁嘅紙，望落去感覺幾乾淨。曲奇餅有幾款，我揀左至尊情脆，有雙重朱古力曲奇同埋腰果曲奇。每樣有八塊，一共有十六塊，而且係獨立包裝。曲奇牛油味唔算濃，可能因為我唔係揀牛油曲奇。朱古力味幾濃，唔會過甜。腰果曲奇幾香，有少少腰果粒。兩款都幾香脆酥化，咁嘅價錢真係唔錯！腰果酥冇獨立包裝，不過打開都覺得好靚，一共有十八粒，每一粒面頭都有腰果。食落去好重果仁香，而且係超級鬆化，好香好脆，口入面會充滿住牛油同腰果香。個人覺得比曲奇更加好食！
继续阅读