489
67
36
港铁佐敦站 E 出口, 步行约2分钟
继续阅读
电话号码
26400388
开饭介绍
餐厅装潢简约时尚，采用工业风格。提供多款西式料理，当中以手摇秘制酱汁海鲜拼盘为招牌菜，每日限量供应，提供波士顿龙虾、鲍鱼、炭烧八爪鱼等六款海鲜。
继续阅读
特色
包场派对
附加资料
特別營業時間: 年三十至初二休息，初三情人節啟市!
营业时间
*星期一至六 Last Order: 21:30 ; 星期日Last order:21:00
星期一至六
11:30 - 22:30
星期日
11:30 - 22:00
以上资料只供参考，请与餐厅确认详情
招牌菜
食家推介
相关文章
上次去食已經係2020年1月，一年有多我都可以仲未出食評🙈，今次唔理啦，一次過出晒先😛。-今次食左：🌖手搖秘製醬汁海鮮拼盤 （二人套餐） $638套餐包括餐湯、煙三文魚意大利黑醋沙律、海鮮拼盤、甜品及飲品。海鮮拼盤包括一隻龍蝦🦞、兩隻鮑魚、青口、蜆、大蝦🦐、八爪魚🐙，鋪底仲有薯仔🥔同埋粟米🌽。全部都新鮮彈牙，唯一係㑼龍蝦鉗太勁海水味（即係太鹹😂）。以為海鮮唔飽肚？其實個底仲有粟米同薯仔，兩個人食完全夠飽。跟餐沙律最意想不到係個藍莓芝士蛋糕，質感好軟滑但係又有芝士味。🌗特色國腸拼盤小食+兩款啤酒 $108包三款不同德國香腸同大量薯條。🌖西班牙烤乳豬 ¼隻 $238；半隻$428(上次食)外皮脆脆得黎又有少少煙韌（但當然唔係中式嗰隻咁香脆），食到豬皮嘅膠質但又唔會油膩，肉嘅分量都算多。乳豬以外仲配有沙律同薯條。上次仲食左以下幾款，記憶唔深刻，應該係味道正常😛🌗蒜蓉香草焗青口 $98（8件）🌗焦糖蘋果合桃黑醋沙律 $96🌗D3 香煎鵝肝牛肝菌扁意粉 套餐價$228🌗D8 炭燒美國安格斯肉眼牛扒（10安士）套餐價$318
继续阅读
其實之前也到訪過Pom's Kitchen & Deli，無論食物質素或整體感覺都在水準之上。最近收到餐廳的告別通知，所以在餐廳正式結業之前再來一次聚餐，作為一點點支持，期待餐廳他日東山再起！【Handshake Seafood Platter】拼盤裡面一共有6款海鮮，包括波士頓龍蝦、鮑魚、青口、大蜆、大蝦、八爪魚，每一款都滿滿的沾上番茄辣汁，同時又不失海鮮原來的鮮味之餘。而配菜的烤薯仔和粟米更加吸收了醬汁和海鮮的精華，既開胃又惹味～【香煎法式鵝肝多士】法式多士本身已經以蒜蓉牛油調味，烤得香脆；而上面放上一大片煎香的鵝肝，鵝肝的油脂慢慢滲入多士裡面，油香縈繞於口中，非常滋味。【芝士蟹肉焗大啡菇】大啡菇上鋪上一層層蟹肉，單憑賣相已經看得出真材實料，絕不欺場～
继续阅读
當你睇到我呢篇食評嘅時候，「Pom's Kitchen & Deli」好大機會已經結業🙈。當上星期我同朋友知道呢個消息後，大感愕然😟，於是即刻訂枱幫襯多次。我之前喺度食過午餐，覺得質素相當之唔錯，但睇餐牌就發現晚市消費較高。不過可能係最後一次，所以就無所謂啦😉。晚市套餐有十款選擇，價錢由$198至$328不等。餐廳人氣高企，晚上八點鐘全場滿座，好彩我哋上網訂咗枱先有位。店員們超級忙，但全晚仍能保持禮貌，態度專業，抵讚👍。炭燒美國安格斯肉眼牛扒(10安士)($318)，牛魔王嘅我一定唔會錯過食牛扒嘅機會🥩。牛扒幾大塊，但較為薄身。我要咗七成熟，廚師將火候控制得好好，冇過熟或過生，牛扒肉嫩多汁，牛味亦算濃郁。同時，我仲好欣賞牛扒真係有份炭燒嘅香氣🔥。墊喺牛扒底嘅新薯亦煎得好香口，個人認為薯仔比起薯條或薯蓉更適合作為配菜🥔。牛油白酒煎焗挪威比目魚扒($308)，🐟比目魚扒比想像中大件厚身，雖然有骨，但啲骨大大條，好易起。比目魚魚肉超級嫩滑，魚脂豐富，魚皮就好香。醬汁亦係菜式嘅精華，本身以為只係得牛油白酒，點知原來仲用上茄蓉🍅，令味道更有層次。魚扒嘅伴菜亦係採用新薯。話明係晚市套餐，當然唔止得主菜，首先係法式蒜蓉包🥖，脆脆的，幾惹味。是日餐湯係蘑菇忌廉湯🍄，味道一般，因為略嫌口味偏淡。精選甜品係紐約芝士蛋糕🍰，雖然只係細細件，但都食得出好好味，芝士味濃，蛋糕質感軟硬適中。因為好食，所以覺得有啲唔夠喉。飲品方面，我哋要咗🍋凍檸茶(+$3)同🍎蘋果汁(+$6)。題外話，店員好細心會留意我哋幾時食完主菜，再主動問我哋飲乜。總括嚟講，今餐晚餐係開心嘅😁，食物出品係幾OK。雖然餐廳環境有少少嘈，但氣氛熱鬧，令人放鬆。Pom’s係一間值得支持嘅西餐廳，佢亦好支持香港人💛，希望遲啲有緣再會👋！
继续阅读
和朋友慶生辰，叫了一份牛扒和二人海鮮盤，牛扒煎得好香好林，值得推介。而二人海鮮盤若當主菜食的話，二人應該不夠飽，而且個汁比較濃，食唔出海鮮鮮味，但若用黎點墊碟的粟米就覺得好好食。整體計，食物係ok的，但不推介海鮮併盤。
继续阅读
新年拜年飯局，朋友選擇佐敦的西餐廳，地點有點難揾，地鐵站出咗，仲要行一段路，餐廳裝修都幾靚，新式西餐，chill下最啱。睇餐牌-樣樣都有啲，但選擇唔太多。海鮮拼盤 - 兩至三人份量 ，賣相吸引，仲有鮑魚，好少西餐海鮮有鮑魚，但份量唔係好多，每人試少少，醬汁都幾好味，少少辣。Pizza - 分量唔太大，即叫即焗，好好食。薯蓉焗大啡菇 - 好好味，而且好大隻，必食👍🏻蒜蓉焗青口 - 賣相吸引，雖然係焗，但係青口一啲都唔乾，好食，份量都算多。龍蝦扁意粉 - 味道濃郁，看似份量少，但係一啲都唔少。呢一度每款食物都細細碟，適合兩至三人，可以叫多啲。整體都幾好嘅，員工服務態度好，坐得舒服，食物質素高，樣樣都好食，值得再嚟👍🏻
继续阅读