84
28
6
开饭介绍
来自泰国的餐厅,乃Mango Tree旗下品牌,供应多款特色泰菜及甜品,如泰式卤水,更有泰式下午茶。
继续阅读
营业时间
*最後落单时间: 22:00
星期一至日
11:30 - 23:00
公众假期
11:30 - 23:00
公众假期前夕
11:30 - 23:00
以上资料只供参考,请与餐厅确认详情
招牌菜
食家推介
相关文章
我地2个人👩👧去食,嗌左个二人套餐。拼盘有三款野食,分别系两件泰式炸鱼饼,一串炭烧鸡,一串牛沙嗲同埋柚子大虾沙律🥗。隔离果碟酱系泰式辣酱同埋花生酱。整体ok la,称不上好好食,但都算开胃嘅。只鸡都几大下,我地2个人食,食唔哂,超饱🥵。店员有比即弃手套我地,用手食更滋味😝!金边粉冇乜特别,中规中矩。甜品拼盘有三样嘢,芒果鸳鸯糯米饭🥭,泰式斑兰千层糕同埋椰汁西米糕。系不错嘅ending👍🏻。泰式特饮要+$15嗌,我拣咗三色冰,好香椰子味🥥,几解渴。买单嗰阵老板话净系做埋呢个月,俾咗张$50 coupon我地🤭🤭。
继续阅读
Mango Tree Kitchen价钱💲: $268好味程度😋: 3.7/5服务🍴: 3.7/5环境🗾: 3.7/5性价比🥢: 4.4/5 (tea set)回头率😚: 3.4/5-想食个tea,又想平平地,唔洗去酒店的级数?又想唔系西餐类的high tea,其实都有选择!Mango Tree呢间泰国餐厅,每日都会推出下午茶set,有咸点、甜点、面食同饮品,都几多款色!同埋卖相都唔差😆 如果平日去,餐厅客人唔多,好安静,可以慢慢坐🤫 -🆗咸点。柚子牛油果沙律清新开胃🥑青木瓜车厘茄沙律更酸,适合中和鸡翼的油腻。烧鸡翼最好食,juicy又够味🤤仲有牛柳粒串烧都唔错!不过烧粟米同炸鱼饼汉堡就乾左啲😐 -✅面食。迷你软壳蟹青口黄咖哩捞面。黄咖哩入口带甜,加埋油面的滑溜,成个配搭唔错👍🏻 青口大只,但略嫌炸软壳蟹的粉浆太厚😳-✅✅甜点。全部都系我锺意食的泰式糕点!斑兰千层糕烟烟韧韧,散发淡淡的🥥+斑兰香。椰汁西米糕唔洗多讲,食泰国菜的必食😋 泰茶及泰啡奶冻,香滑味道浓😬 仲有一旧芒果🥭慕斯蛋糕,酸酸甜甜都OK! -✅饮品。食泰国嘢一定要饮返杯椰汁三色冰,佢地的椰汁算浓同滑,加埋入面有啲珍多、大树菠萝条等多啲口感😌 另一杯洛神花椰果特饮就偏甜,但系梳打来,饮落冇咁腻。-一人百几蚊来讲都OK,几多款野食,除左一般咸甜点仲有面食👍🏻 仲要唔系平时scone个只tea set,特别D,性价比都几高😸
继续阅读
今日一家大小黎到太古城,最紧要食物啱小朋友同坐得阔落,於是拣左位於太古城中心嘅Mango Tree Kitchen.4大2小叫左几个餐,好够食!☆优惠午市二人套餐($388)☆(附饮品2杯)柚子海鲜沙律🦐🦪🥬 - 柚子鲜甜多汁,海鲜有青口同虾,配合酸辣酱汁,好开胃。椰汁青咖喱慢煮安格斯牛肋骨🥥🐮🍛 - 十分推介!牛肋骨煮得腍,但仲可以保留住牛味,加上椰汁青咖喱,又香又惹味。泰式大虾炒金边粉🦐🍝 - 虾都几新鲜,金边粉唔会太乾。芒果糯米饭🥭🍚 - 糯米饭上枱仲系热热地,好烟靭。不过芒果有啲酸。☆午市套餐($138)☆菠萝海鲜炒饭配酥炸新蟹饼(附饮品) - 蟹饼得一块,几好味。菠萝系用上新鲜菠萝,配上乾湿适中嘅炒饭、肉松同腰果,口感丰富,好好味。☆特选premium set($148)☆泰式海南鸡饭、蒜油生菜、冬瓜汤🐔🍚🥬 - 鸡肉嫩滑,份量几足够,生菜用左蒜蓉炒,好香。最後值得一提系上菜速度超快,好有效率!
继续阅读
是日大年初四,一行三人嚟到位於太古城中心嘅Mango Tree Kitchen。时值晚饭时间,目测餐厅入座率达九成,系门口等左10分钟左右就有位啦!!行完山饥肠辘辘,叫左7款食物、2款饮品:1. Massaman Curry Beef $118 一拎上嚟已经闻到浓浓嘅咖哩香,牛肉软稔非常入味~2. Garlic Bread $38一客有四片烤得香脆嘅蒜蓉包,用嚟醮Massaman Curry Beef嘅咖喱汁非常惹味~3. Chicken & Beef Satay $95 一客有四串,鸡牛各两串。值得一赞嘅系鸡牛都系大大串,唔似其他店咁细细粒肉,而且烧完嘅肉质都系软稔入味,唔会乾巴巴~4. Pork Lettuce $88 辣猪肉碎辣度够,不过口感少「鞋」~5. Tom Yum Chicken Wing $72好贴心地将鸡翼一閞二,食得方便,而且冬荫味入哂落鸡翼到,肉质亦仍然保持嫩滑~6. Prawn Phad Thai $118 金边粉有三只虾仁,粉嫩入味~7. Shrimp & crab meat fried rice $118 味道偏淡,唔想食咁浓味嘅朋友可试试~8. Thai Ice Tea (Large) $38 味道清淡,少甜嘅话会冇乜味,建议正常甜度便可~9. Tri-colors cooler $32 椰汁味重,三色条份量好多~整体而言算高质,亦坐得舒服~食店有提供BB櫈,服务员亦非常friendly~~~~
继续阅读
今天年初三和朋友到太古城中心的MangoTree食晚饭。我们大概6:15左右到达,在餐厅门口等了差不多3-4分钟,才有侍应过来招呼我们入座。侍应指了指两张枱,说我们可以选坐哪一张。当我们选了其中一张之後,侍应用颇嚣张的语调说「而家有得俾你拣,以前点会有」。我们完全摸不着头脑他为何要对我们这样说,因为我们本来也不预期可以拣位,也并没有要求拣位。到了点菜的时候,另外一位侍应十问九唔知,而且不断建议我们拣套餐。到我们选择了套餐後,她又说其中一样头盘 (虾饼)没有,要换成「蟹条」。我们问她有没有照片看看食物是怎样的,她说没有,加上朋友对蟹肉敏感,所以我们询问可否换成多一串烤串(套餐里三样头盘的其中一样)。侍应不知道,跑去问完经理後说可以。当我们差不多吃饱的时候,我们发现第三样头盘 (柚子大虾沙律)还没有上,於是追问侍应。谁不知侍应竟然说「沙律是跟着烤串一齐上的」。当下我真的听到反白眼,用常理想想都知道那是两样食物,怎麽可能放在同一个碟子一齐上。後来经理查了一下,发现是漏了单,帮我们补上。然而补上的却是柚子沙律,没有了大虾😡😡最後我们也懒得再去追,没有吃完就离开了餐厅。以前在ICC的分店吃过一次,令我印象很深刻,所以才会选择再试,没想到这次用餐也印象深刻,只不过是负面的深刻。拉入黑名单,以後唔再帮亲。
继续阅读