306
6
0
营业时间
今日营业
12:00 - 00:00
星期一至四
12:00 - 23:00
星期五至六
12:00 - 00:00
星期日
12:00 - 23:00
以上资料只供参考，请与餐厅确认详情
食家推介
相关文章
旺角喜來稀肉幾出名的韓燒餐廳食物種類多選擇燒肉有好多豬、牛唔同部位韓式主菜都多元化🥳環境亦唔錯空間夠大座位坐得舒服👍🏻特別一讚餐廳多款前菜都係免費自助形式有醃製泡菜、酸蘿蔔、青瓜、芽菜、生菜等味道唔錯😃⭐️爐邊蛋韓燒必食😍有兩款爐邊蛋原味&芝士超中意食蛋滑得黎又香芝士甜甜地同蛋好夾🤩⭐️韓豚五花肉🐷有兩大塊依款五花肉正半層瘦肉半層肥肉間隔肉質緊實油脂令佢燒起來好香口食慾大增😋加埋燒肉醬料連埋生菜🥬包住上味道一流啖啖肉⭐️人蔘雞湯份量好有誠意絕對夠兩個人飲而且隻雞大大隻好滿足😃以石鍋盛上的熱辣辣蔘味足夠雞入面帶住人蔘的香味😙配埋糯米集中所有精華正👍🏻⭐️水冷麵🍜味道酸酸甜甜夠清爽+開胃😆食完燒肉食碗水冷麵好岩解膩感一流仲可自己加芥末醬同醋調味🤝整體來說燒肉正主食又出色😊價錢合理值得推介🫶🏻
继续阅读
係OP睇到哩間韓燒泡菜任食，咁即刻試試。店鋪以藍色為主，裝修得好INS風。宜家新推出咗數款新品，睇落唔錯。晚市兩個人都可以安排沙發位，坐得好闊落。一座低，侍應即刻落左蒜片同爐邊蛋，仲會加芝士落蛋裡面。出面泡菜好多款式可以揀，有酸蘿蔔，韓式醃黃瓜，芽菜同2款泡菜等。最鐘意食酸蘿蔔同喜來泡菜，酸辣惹味。醬汁種類都唔少，有4-5種可以揀。可樂，食開韓燒一定要叫汽水，同烤肉好夾。牛五花，牛肉薄切好大一件，燒大概1分鐘已經可以食。牛肉肥瘦相間，食落牛味好重，肥膏處有少少奶香同彈牙，好味。辣韓豚五花肉，預先用韓式辣醬醃制，醬料入到五花肉裡面。五花肉好厚切，要燒耐少少，逼出油脂，食落才唔會滯。五花肉加埋蒜片，泡菜同生菜一齊食，好食到停唔落口。豬肉泡菜湯，配料比湯還多。落咗大量泡菜，豆腐，五花肉同金菇，食落酸辣開胃，好飲。最後食完烤肉，仲可以食埋爐邊蛋，芝士落咗蛋裡面，蛋更加嫩滑同埋好香芝士味！
继续阅读
呢間韓式燒肉嚟香港開咗好多年，應該好多人都食過～ 今次嚟食見到佢哋做緊10周年優惠，有7款肉都做返10年前嘅價錢，都幾抵食！雖然個優惠而家完咗，不過都推介食韓燒嘅朋友仔試吓～ 一坐低店員就會加蒜同埋倒蛋汁落爐邊，有一半爐邊蛋仲加咗芝士，而且有得免費refill真係好正！泡菜、生菜同醬汁都係自助，配菜都有幾款，夾多幾次都無問題！店員仲好主動換網，服務幾好👍🏻🔸真雪花牛肉 特價$200用木盤裝住，幾打卡～ 有十幾塊，牛肉每面各燒幾秒就食得，肉質軟嫩，牛味香濃！配油鹽醬食好正！又可以用生菜包住、加啲泡菜一齊食😋🔸護心肉 特價$130招牌肉之一，護心肉係豬嘅橫隔膜同肝之間嘅肉，數量比較少～護心肉油份唔多，口感比較爽滑！都幾好食！🔸水冷麵食燒肉當然要配冷麵啦😍 叫咁碗水冷麵試吓，估唔到好好食！香港嘅冷麵好多都一般，但呢度嘅好正宗，冷麵湯好清爽又夠味！唔會淡而無味，同喺韓國食嘅味道好似！麵條好煙韌爽口，好好食👍🏻
继续阅读
📌 喜來稀肉
📍 旺角彌敦道628號瓊華中心7樓☎️ 92217200★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*老友喺英國番黎，成日吹噓自己燒雞翼有幾拿手，呢日我帶佢去食燒肉，俾個機會佢表演下啦 。旺角呢間喜來稀肉好新淨，空間大，大量卡位坐得非常舒適，每個燒爐都設有煙囪所以唔會好大油煙味。餐廳用QR Code 落單，方便快捷，我地叫咗：💫鴨胸肉（$138/150g)呢個係special 推介，分量好多，有成差不多廿塊鴨胸，放落燒烤板燒一陣，鴨皮啲油已經迫晒出黎，咬落去爽口多汁 ，肉質軟嫩 。💫 牛護心肉（$160/150g)牛一個好特別嘅部位，肉質彈牙，有嚼勁，牛味濃郁 ，燒肉必點之選 。💫 喜來韓豚五花肉（$180/150g)五花肉肥瘦層次分明，預先醃製咗，味道咸中帶甜易入口，燒耐少少可以令成舊肉有脆口感，油脂四溢 。另外用蒜頭同生菜包住，又多一分清爽口感 。另外自助餐區有Kimchi、芽菜、生菜、酸蘿蔔等韓式前菜任食 。用黎解下油膩感最啱 。★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
继续阅读
心血來潮想食韓式燒肉😝🥩，但係又唔係太餓，唔想食放題咁heavy，不如試吓間出名嘅，食得精緻少少，但係又性價比高嘅烤肉店啦～呢間雖然開咗好多年，但係其實一路都冇幫襯過🫣🤭地鐵站一上嚟隔離就係，好就腳～一坐低就可以掃碼點餐，最怕選擇嘅我就梗係嚟個大包圍，乜都有嘅“壹頭牛”啦！🥰👏🏻👍🏻一個餐有齊曬烤肉、牛五花、牛頸、牛肋肉同牛排骨，唔使慢慢點。老細話想食鴨胸，聽服務員講，原來鴨胸係新上嘅菜單，燒起上嚟油香四溢，燒到焦焦地都幾惹味，又唔會太鹹，肉質幾有彈性！🥰🥰😝本來仲諗住叫多個蔬菜拼盤，但係原來出面嘅前菜都有大量蔬菜，有辣有唔辣，連泡菜都有兩款。老細夾咗大量芽菜，都醃得好好味，我就梗係又嚟過大集會啦～🥬🥦🥒🌶️🥗仲有包肉食嘅生菜都好新鮮爽脆！👍🏻另外，醬汁方面有烤肉醬、辣椒醬同韓式醬油，另外鹽都有兩種，仲有wasabi…任君選擇，悉隨專便～佢嘅肉真係質量唔錯，非常之鮮嫩，雖然冇乜醃製過，但係食到肉嘅鮮味，配上佢嘅醬油其實啱啱好。鐵板旁邊仲安排咗蒜片，同兩個口味嘅雞蛋，包埋落生菜一齊食，口感非常豐富！老闆一定要飲可樂，我就試咗個藍莓汽水，都幾清新好味～唔會一陣藥水味，仲有粒粒藍莓乾，好有咬口！慢慢燒…慢慢食…放工後鬆一鬆，一樂也！！🥰👏🏻🥳
继续阅读