36
19
4
港铁尖沙咀/尖東站 P3 出口, 步行约7分钟
继续阅读
营业时间
星期一至日
11:00 - 15:00
18:00 - 23:00
以上资料只供参考，请与餐厅确认详情
食家推介
相关文章
聖誕節當晚，我地就一齊去左尖沙咀韓國街搵野食啦，去到個陣間間都己經大排長龍，唯獨呢間唔駛排隊就有得食，所以就試一試佢入到去，環境都覺得好光猛，而且一路不停播緊Running Man，俾人第一個感覺都相當唔錯。我地分別叫左個炸醬麵同埋個牛肉鍋首先，黎左啲前菜先，不過我地有兩個人，居然只係俾左一碟前菜，仲要每樣既份量都少得可可憐，俾左都冇俾真係無分別 個泡菜係冷晒，微暖都冇 ，不過個薯仔就幾入味，甜甜的 幾OK個炸醬麵份量都足既，唯獨係個炸醬真係太甜，甜到愛麗絲食左幾啖，就漏到飽晒 另外，食落去都唔覺得個炸醬係好多料係入面，大部分時間都係食緊啲麵 小新就要左個牛肉鍋啦，熱辣辣上枱個陣，啲湯都係超香,沾上啲飯食，啲飯有啲牛香仲正，不過碗飯少到呢，食兩啖就冇晒，明屈人叫多碗。啲牛肉同料水平都唔差，不過如果湯唔熱既時侯，就會好甜，唔沾飯一齊食，係唔會直接飲得落口總括而言，味道其實唔差，不過性價比就偏低，唔一定要去試!!
继续阅读
特登打車嚟，聽講以前好好食，而且性價比高。好普通嘅裝修，有d似快餐店。一打開菜單，要點嘅肉幾種都話全部賣曬了，落單個阿姨一直推銷你食最貴的那幾款肉，反正就那幾種肉有了。魚蛋年糕同炒粉絲都好細份，講唔上難食，但絕對沒有色香味，賣相差到我呢種“手機先食”嘅人都完全無影相嘅慾望。而且仲要成七八十一份。第一次食野食到咁鬱悶。
继续阅读
約左貧友星期六晚食晚飯見哩間泡菜餐館o係同區排名都算高就來試下book左20:00店內竟然未坐滿一黎先上3小碟無限量refill, 但冇影到辣炒年糕有魚片, 年糕, 雜菜, 蔥雖然年糕都有咬口但唔太辣, 有d失望 大醬湯內有豆腐, 冬菇, 洋蔥豆腐都算滑, 湯頭味道唔錯芝士蛋卷一般, 即使我地已經第一時間食, 都唔係熱的不過就幾多芝士半半炸雞有原味同甜辣完全唔值原味仲冇啃他雞咁脆, 又冇乜味甜辣叫做好d, 不過醬汁太少, 同埋冇乜辣炸雞真係要辣先好食涼拌冷麵幾好食, 麵質煙韌同酸酸地咁好開胃泡菜煎餅哩個都幾好食酸酸辣辣咁總結, 野食其實算普通價錢算中等不過勝在黃金時段人都唔多可以同貧友慢慢食慢慢傾
继续阅读
偶爾⋯純粹偶爾⋯可惜可一不可再⋯店內環境細，裝修相當簡單，佈置有啲快餐店感。店員沒有貼心服務，餐牌略嫌有啲粘手，餐具擺檯面任客人使用，但感不太衛生⋯假期Lunch時段只有客人三四對，餐牌選擇款式不算多，但重點不在這，炸雞先係我地目標！落單叫左原味同香蔥味脆雞，仲要左一支米酒，店員遞上韓式米酒專用嘅銅兜，增加左唔少韓國風味。未上主角炸雞前，先嚟一口米酒！嗯⋯相當難飲！Sorry,呢支米酒真係好難飲，好臭米味。同朋友勉強飲咗三份一支⋯擺埋一邊算啦。勉強去飲嗰三份一係因為呢支酒都唔係賣得平。炸雞一上檯，同朋友你眼望我眼⋯已經心中不妙⋯同餐牌差好遠嘅？伏已中？原味同蔥味一碟上，分左右分開擺放，但賣相好差！一啲令人想食嘅意慾都冇！炸雞嗎？似老媽子自家制煎雞多喎！好差呀，個賣相！呢啲都叫韓式炸雞？不禁令人冷笑⋯外表唔吸引唔係最大問題，要食過先知⋯原味雞真係好原味，原到冇咗雞嘅味！好犀利！而且肉質較乾，偏「鞋」⋯雞皮冇乜炸粉，都話似煎！！至於蔥味嗰款，鋪面京蔥絲的確幾新鮮，雞肉味道可能比原味有調味過，比原味多啲啲味道⋯但，sorry!唔係想要嘅韓式炸雞囉！仲有啲伴碟酸蘿蔔同所謂嘅沙律⋯bad!差啲漏咗個炸雞醬！真係一啲誠意都冇！好似原支超市酸辣雞醬倒出嚟一樣！使唔使咁現成?價錢偏貴，因為味道偏差，不試也罷！我寧願幫襯連鎖雞記算。Ps.唔俾負評係因為冇試店內其他食物，店員冇服務，但未至於令客人難受，但咁樣嘅質素真係有待改善。
继续阅读
Mix n Rice係一間唔錯嘅韓國料理餐廳，佢嘅石頭鍋飯，韓國炸雞都好出名，不過唔想食得咁熱氣，可以試下宜個雜菜炒粉絲。入面有木耳、紅蘿蔔、生菜絲同蛋絲，再加上芝麻，睇落好似好清淡咁，以為會冇咩味，咁你就真係大錯特錯喇！宜度嘅嘅質感同味道唔知點解會好似食緊撈麵咁，不過就冇撈麵咁油同咸，配上芝麻痹嘅味道，成碟炒粉絲香咗好多！！非常好食！
继续阅读