80
13
10
营业时间
今日营业
11:30 - 14:30
18:00 - 22:15
星期一至日
11:30 - 14:30
18:00 - 22:15
以上资料只供参考，请与餐厅确认详情
招牌菜
食家推介
相关文章
廣東菜，經典老味道真係好無敵，老師傅或者深得老師傅真傳嘅弟子，整出來的味道就是不一樣。香港真不下有好幾間這些街頭巷尾名廚名店，西灣河的合時就是其中一間。老店地方狹小一座難求，早兩年在木星街開多了一間分店，依然客似雲來。老顧客當然認為老店味道最好，我就覺得木星街店也很出色。早幾個月得悉有老闆聯合了在西營盤同樣是一座難求的Bâtard和合時，在中環畢打行打造一個會所，入會費聽聞是15萬，城中名人都爭先入會。個人而言，一來我沒有15萬去入一個食飯會，二來花費了15萬入會的話，不經常去又真有點浪費資源。這些要付費食飯的地方的目標客戶當然不是我這社會級別的升斗市民，還幸我有朋友已經成為會員，我有機會去試食的機會指日可待。又據聞合時因為木星街店及畢打行新會所的落成，西灣河老店將會結業。不知道這傳聞是真是假，適逢有朋友生日，反正也是時候去幫襯一下，最近又去了老店一次。杏汁豬肺湯、咕嚕肉和小炒依舊出色，蝦多士是用厚蝦膏炸成球狀，口感和味道獨特。茶皇雞都好，但說不上是出眾的味道。這裡最令我難忘的一定是蒸馬友和焗豬扒飯。我一向對馬友情有獨鍾，這裡的蒸煮發揮得淋漓盡致。焗豬扒飯沒有像坊間刻意去宣揚是用甚麼黑毛豬或甚麼豬，飯的味道就是濃厚得來不覺肥膩，一大罉焗飯一人一碗再加每人一隻荷包蛋，這就是我心目中極致的廣東老味道。
继续阅读
朋友兩個幾月前，已經book定，九月中我哋去食合時小廚，食8點鐘，餐廳比較細，所以都坐得幾逼，餐廳出名嘅係豬扒焗飯，我哋有叫，係好大一份，10人份每人也有1小碗，蕃茄醬味道甜甜的，不過未見特別驚喜，係豬扒食得出係高質啲嘅，夠鬆軟，冇豬肉so味，要510蚊1個飯。我哋仲叫咗茶皇雞，好大一隻，茶味啱啱好，百花炸釀蝦多士，新鮮炸起，好夠香脆，大件，不過唔平，杏汁白肺湯，杏汁味唔太濃，唔太啱我口味，薑蔥肉蟹煎腸粉好惹味，必食。咕嚕骨正常水平，酸酸甜甜，幾開胃。仲要咗燒乳鴿，多肉汁好好味。
继续阅读
聽講遲啲會搬去中環會員預約制，所以要喺佢搬之前即刻食多次餐廳服務態度一向正正常常，地道香港小菜館風格，今次我哋五個人，order咗六個菜今日叫咗：燒乳鴿兩隻 - 乳鴿炸得外脆內軟椒鹽鮮鮑魚 - 炸得好好食，口感一流花雕雞油蒸馬友 - 條馬友真係不得了，油脂極重，配合埋花雕，我哋好快就已經清晒條魚半隻茶王雞 - 唔記得影相，茶燻味同隻雞配合得天衣無縫，味道啱啱好薑蔥焗肉蟹配腸粉 - 又係唔記得影相，一個字形容： 正焗豬扒飯 - 雖然係餐廳嘅王牌，但係感覺就係一個好簡單嘅焗豬扒飯，略嫌茄汁比較多但係總括嚟講性價比極高，所以經常性爆滿
继续阅读
早排係白子當做嘅季節，大膽同廚房要求要自攜做一個麻婆豆腐嘅升級版，廚房竟然要求而且仲比我埋位添😂 咁順手來料加工日本鬼爪螺啦！點都好，呢一度嘅出品好穩定。餐牌可以選擇嘅菜式唔算好多，始終廚房唔夠大，未必應付到太多唔同花款嘅煮法，但係假如有特別要求都可以有輕微改動。好多時候觀眾都會問我有啲乜嘢值得食，其實最值得食嘅就係最基本一路以來嘅熱門菜式，包括雞油花雕蒸馬友，XO醬炒蟹腸粉底，蝦多士，牛尾煲，豉油王炒麵等等。今次食嘅其實同蝦多士差唔多，只不過轉咗做鍋貼小棠菜，上次食完花錦鱔，今次試吓蒸魚雲，點知出嚟嘅效果超乎想像，大大嚿好好食。👍👍其實食小炒小菜呢啲嘢，最緊要夠火候夠味道趁熱食已經加晒分，佢哋冇特別追求極致嘅擺盤，因為時間一來溫度就會減，上到嚟可能已經唔係應有嘅味道。呢度除咗食物出品味道好食之外，侍應嘅人情味都係好值得一提，雖然唔係星級水準，但係每一次嚟食都食得，非常之開心！唔知幾時開始訂枱，可以要半年以上，但係可以食嘅就趁機會係賣盤之前食，各位街坊唔知有冇食過呢？
继续阅读
🇭🇰合時小廚·呢間真係長期都好多人推介 所以前排我地就同朋友仔一齊book左呢間 因為我地13個人要坐大檯 所以我地3月中訂 訂到9月先有得食 超誇張😂😂不過佢野食都真係幾好味 而且佢仲有啲簡單啲既小炒 不過我地今次就主要嗌左最多人推介既菜式😎 ·百花蝦多士$63/件 l 韭菜花銀魚小炒王$180 l 金銀蛋浸勝瓜 l 菜膽杏汁燉豬肺湯$80/位佢個蝦多士真係超巨型 係好似手板咁大個 而且上面真係好多蝦🦐之後佢啲蝦都幾新鮮 好彈牙 不過我哋大家都覺得其實兩個人食一嚿已經好夠 因為佢實在太大件 自己食會有啲膩🤣🤣之後佢個小炒王都好有鑊氣 而且個銀魚味好香 好惹味 不過蔬菜嚟講我自己就鍾意老闆娘推介嘅金銀蛋浸勝瓜多啲 佢呢個勝瓜唔知點整 真係超甜 而且超多汁 好好食🥒🤤🤤最後佢個豬肺湯都係勁滋補 佢係勁濃杏汁味 係好似食緊杏仁露咁 如果大家鍾意杏汁一定好鍾意😂😂之後佢入邊嘅豬肺都處理得好乾淨 口感好好😎·雞油花雕火腿絲蒸馬友$490/條 l 極品茶王雞$630/隻 l 薑蔥焗肉蟹煎腸粉$600之後個蒸馬友係全餐我自己個人最鍾意既😍😍😋佢條魚蒸得勁靚 蒸到岩岩好 油分豐富滑得黎完全唔會油膩 而且超嫩 個雞油花雕汁都好正🤩🤩之後佢個茶王雞都好特別 佢個雞整到好嫩 而且係真係好重茶味 幾驚艷🍵佢個焗肉蟹煎腸粉都唔錯佢個肉蟹好大隻 啲肉勁結實 勁多肉 成疏蟹肉咁食好滿足🦀️·焗少爺豬扒飯$85/位 l 南瓜芋頭西米露最後我地13個人個日仲安排左8位焗豬扒飯 佢個焗豬扒飯都幾好食既 豬扒好厚肉 肉質好好 而且個汁都幾正 撈埋佢個煎雞蛋好正 不過我自己覺得呢個就無我想象中特別 雖然佢都好味 🍳🤣🤣而且佢真係太大份啦 我地最後都食淨左1/4 可能我地嗌6位就夠😂最後我地個嘅甜品就係南瓜芋頭西米露 但係我自己麻麻地芋頭 而且我覺得南瓜同芋頭唔係好夾 雖然其他人話呢個正常😂·#rbyeat#rby中菜#rby西灣河·📍西灣河筲箕灣道39號麗灣大廈地舖
继续阅读
您可能会有兴趣的...