122
77
28
| 餐厅: | HABITŪ table (美麗華廣場1期) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
特色
饮o野倾计
附加资料
無肉餐單詳情: 逢星期一提供多款素食菜式，另每天供應少量素食菜式。
营业时间
今日营业
11:30 - 22:00
星期一至日
11:30 - 22:00
公众假期
11:30 - 18:00
公众假期前夕
11:30 - 18:00
以上资料只供参考，请与餐厅确认详情
相关文章
一路都幾鍾意呢間café, 但見佢執下又一間執下又一間，今日諗起去食下先，原來佢都有tea 食✍🏼 英式鬆餅配玫瑰草莓果醬 $88本身係鐘意食scone, 因為鍾意食所以跟過幾個食譜去整，但始終整唔到外面scone嘅鬆軟度🤔其實就算出面食都唔係間間好食。呢間個scone 一上枱就聞到好香牛油味，就係呢隻牛油味！係傳統scone 用嘅牛油😊食落去熱辣辣～ 加埋玫瑰草莓醬～又幾好味喎😁白咖啡係跟餐嘅，我下次會加錢要返rose latte 🤣
继续阅读
行過去就被啲咖啡香味吸引住，咁就決定喺呢間咖啡店歎個悠閒午餐。環境寧靜得黎，坐位之間嘅空間都夠曬，唔會夾到唔舒服。食物方面，勁撐呢个All Day Breakfast，超級滿足！啖啖麵包配滑蛋，味道夠晒香口，真係幸福感爆棚😍。煙肉忌廉蛋汁意粉嗰陣，我班友一臉幸福咁話「真係又creamy又惹味！」我試咗啲，蛋味同忌廉芝士好夾，勁好食得滯👍。至於咖啡呢邊，薄脆焦糖咖啡正！鬆脆焦糖層好夠哂趣味，飲落去又香又甜，絕對係呢度嘅必試之選！話說返嗰個Artichoke Pizza，表面香脆，啖啖都食到啲雅枝竹嘅香味，好開胃！整體嚟講，今次嘅食物同咖啡都冇令我失望，真係想喺度浪費時間啲😌。員工嘅服務都算係貼心，就算人手不足都做得幾勁。總括嚟講，呢間咖啡店嘅正餐同甜點都值得一試！🍰🍴
继续阅读
某週末的輕食 女生的分量 𝓃𝒾𝒸𝑒☺️惹味得嚟又好滿足 2杯飲品的拉花都好好睇💗🤎 · ┈┈┈┈┈┈ · ꕥ · ┈┈┈┈┈┈ · ✿ 𝐁𝐞𝐞𝐟 𝐒𝐭𝐞𝐚𝐤 𝐅𝐚𝐣𝐢𝐭𝐚𝐬 墨西哥牛扒薄餅$𝟏𝟐𝟖 ✿ 𝐁𝐞𝐞𝐭𝐫𝐨𝐨𝐭 𝐒𝐨𝐲 𝐋𝐚𝐭𝐭𝐞 紅菜頭泡沫豆奶 $𝟓𝟒 ✿ 𝐎𝐫𝐢𝐠𝐢𝐧𝐚𝐥 𝐂𝐡𝐨𝐜𝐨𝐥𝐚𝐭𝐞 朱古力 $𝟓𝟐 · ┈┈┈┈┈┈ · ꕥ · ┈┈┈┈┈┈ · 合共💲𝟐𝟓𝟕 餐廳選擇多樣化煩惱緊唔知食乜好 推薦一試
继续阅读
今次朋友介紹去尖沙咀美麗華商場Habitu食Dinner，門面好有少女風，花花招牌好靚可以打咭影相大家想搵個地方坐坐慢慢傾偈，尼間環境幾舒服 🥙 辣肉腸薄餅滿滿嘅餡料配上薄身餅皮，少少辣加埋芝士香，外皮脆蔔蔔好味又唔會太膩🍝 煙肉忌廉蛋汁意粉忌廉醬汁好香濃，上邊有一片片芝士，每一條意粉都有醬汁配埋煙肉，我同朋友都超鍾意🍵 抹茶泡沫豆奶抹茶味香濃加埋豆奶嫩滑，唔甜好啱我口味整體都好好 Carbonara真係好值得再食 必食之選 💕
继续阅读
今日想同大家分享三個劣食奇蹟🌚✨其實都經常幫襯，因為好近工作地方，雖然唔算超級滿意，但一路都算係正常標準，因為自己都唔算特別挑剔。但今日真係忍唔住開咗個Account喺度寫食評，亦都係最後一次幫襯。1️⃣首先今日好明顯係我自己柒咗，平時食蕃茄蝦意粉就實無死，因為蕃茄味既野比較易煮。今日屎窟痕叫嗰個香蒜青口炒意粉，即刻出事，首先啲意粉每條都係碎既，要用匙羹不黎食🤣食落係死鹹+唔知邊度黎既少少酸味（但都可能係心理作用），中肯講句青口數量係夠既，但咁簡單既香蒜炒意粉居然可以難食到咁都係奇蹟，如果要比較嘅話大家樂應該好食20倍。2️⃣另外平時飲開既Flat whit都算係標準，但今日都好似奶水咁，咖啡拉花當然都係冇啦，忍唔住望一望似係一個兼職嘅妹豬，想試吓玩咖啡機拉出來嘅作品，完全冇咖啡味，但當熱鮮奶咁飲都OK嘅，呢個係第二個奇蹟。3️⃣由於趕時間我都係當填飽個肚就走左，買單之前都忍唔住同個侍應講句今日啲意粉真係好難食，然之後第三個奇蹟黎啦，佢都幾大聲咁「哼」咁樣冷笑左一聲，眼尾都冇望過我。呢個故事教訓我哋，呢間嘢係睇彩數，你想劣食嘅話可以試吓好唔好彩遇到今日嘅廚師咖啡師侍應組合，或者係我唔好彩今日舖頭嘅人都跌watt，有啲嘢大家自己評論啦。
继续阅读