影片
港铁将军澳站 A2 出口, 步行约3分钟
继续阅读
付款方式
其他资料
外卖服务
以上资料只供参考，请与餐厅确认详情
相关文章
386 浏览
以前漁民稱為蜑家，蜑家菜本是他們的家常菜，因為賣相一般，一向少登大堂而且收不起價，因此我們出外吃飯很少吃到蜑家菜，就是有酒樓以蜑家菜為叫口，亦只為賣多幾款海鮮菜，隨便加添一些鹹鮮或蝦乾、魷魚乾等菜式便算交代，反而到近海的小餐館，方才有機會吃到蜑家的小菜，例如筲箕灣東大街的金東大，午市是一間茶餐廳，晚上竟然有貴價蜑家菜，優質海鮮材料配合正宗或稍為改良了的蜑家做法，令食客大開眼界，亦早已打響名堂，吸引了一班專貴食客，有興趣知多啲，可以參考我兩年前金東大私房菜的食評。 近日知道金東大老闆輝哥，在將軍澳開了分店，而且親身來打骰，於是我們一夥人浩浩蕩蕩走來支持，輝哥知道我們已經吃過晒他的招牌蜑家菜，於是創意地做了一頓邪惡之最、蜑家人做的另類家常菜，選材令我們大吃一驚，雞子、脂肪滿瀉的牛腸、新鮮黃花魚等等，絕對是在別處找不到的材料！ 風格相同，惠食派中午是一間茶餐廳，但環境比金東大企理，街坊酒樓之格局，只有大廳、沒有私人房間，但備以設置屏風，有需要可用間房增私穩。 特別之處是在大廳一旁，放了兩個名火爐頭，堂前烹調，偶爾見到烈火熊熊，甚有觀賞價值。同時展示了是日海鮮及一些炆煮推介，令人垂涎！ 幫襯輝哥，從來不為環境，只為美食，紅酒照飲，暢談冇阻！ 蜆肉韭菜春卷 真心推介，這個春卷超好吃！特色之處絕對是在餡料，新鮮蜆肉配韭菜豬肉，香口中鮮甜味爆出，非常滋味！ 其實無需多講，見到相片看得出春卷皮薄酥脆，配上酸甜醬汁，蘸或不蘸都要試，層次不同。 海參雞子雞煲 第一道已經是重頭戲，大熱天時大家都要補一補，醇厚雞湯混合了融化的海參，濃郁富骨膠原的湯頭，每喝一口都覺暖在心頭，回甘香濃悠久。 海參炆至完全腍嫩，飽滿多汁，冬菇吸盡精華，雞件肉滑不肥。 貌如板栗的雞子，但想起它是雞之睪丸，心理上始終有些抗拒，話說以形補形，既然是男人之寶我亦無謂爭，縱使煲內有很多粒，我只願吃一粒，爆漿口感，吸收了湯水，充滿雞香。 辣酒花螺 今晚的花螺是靚貨，見到外表花花綠綠真開心，口感結實，咬落有肉汁，蘸海鮮醬，甜甜的味道非常夾。煎新鮮黃花魚 從來沒有吃過新鮮黃花魚，據說黃花魚離水就拜拜、沒有可能養，同行朋友告之，國內一條斤幾重的大黃花賣萬幾蚊，聽完之後，大家開心的同時亦在擔心今晚找數要多少！ 面前三條小黃花，幸好沒有這麼大，估計12/13兩左右一條，煎得十分香口，魚皮酥脆如炸魚片，吃一口肉，驚為天人！魚肉非常甜美，原來黃花魚可以好吃到如此的境界，今晚真的見識了！新鮮黃花魚真是有錢都買唔到，我們今晚真有口福！ 鹹鮮大眼雞及鹽焗大眼雞 接下來又是魚，喜歡吃魚的，知道大眼雞魚味足其實幾好食，輝哥今晚拿了兩條，一條昨晚用鹽醃做一夜鮮，剛才即煎即吃，無需添加任何調味料，另一條用鹽焗，比拼一下。 鹹鮮大眼雞 原來焦點在魚皮，尤其近鰭位，魚油緊貼魚皮，酥脆中吃到肥美，口感正到暈！ 當然附近的魚肉亦特別嫩滑，其實頭尾魚骨亦不要放過，等於吃炸魚皮般香脆好嚼。 鹽焗大眼雞 吃法不一樣，先要起魚皮，因為魚皮太鹹不能吃。 經過高溫鹽焗，鹽香透進魚肉內，魚之水份被鎖着，魚味濃郁，魚痴定必滿足。但吃的時候難免會沾了一些鹽，有點麻煩，我的一票非常明顯，會給鹹鮮。 這個自家製辣椒豉油非常美味，味道平衡，記得要試。 白烚魚腸 甘香爽脆，新鮮修長，少吃到的好貨色，當然處理得亦好，並無任何異味。 邪惡之最牛腸煲 牛腸比較少吃到，而且一般吃到的都會把腸內脂肪取走，這一煲牛腸真的嚇人，見到脂肪爆瀉，絕對是無添加的牛油，你敢唔敢食！ 吸一口氣，我勇敢地一粒入口，想不到，一口咬破剎那間爆漿感，竟然如此美妙！脂肪入口即化，如吃和牛般，竟然沒有什麼膩感，餘下來煙韌的牛腸口感，牛味濃郁，真是唔食唔知道。 雖然如此，食多幾件難免有點膩，尤其是已經吃至半飽，這一道適宜餓著吃。 煲內有牛紅，脆滑可口。 煲內的魚今回只是點綴，並非重點，其實不是不好吃，只不過不及剛才的精彩。 海鮮炒福建麵 最後以海鮮大雜燴炒麵，因為材料多元化，蝦、蜆、魷魚、加上雞蛋、辣椒、芫荽等炒出精華，味道鮮甜豐富，特選福建麵餅，粗身軟滑，掛汁力強，滋味無窮！ 反沙芋 輝哥話這裏因為工具有限，暫時做不到他的招牌創意甜品，今晚只有這個反沙芋，我沒有吃，但看來對板。 有錢未必買得到，有材料亦未必做得好，果然精彩的一夜，最後一點更重要，是我們還能吃得到，將來若然冇牙或有三高，只好望而卻步！ 趁仲食得，就要盡情享受！
继续阅读
今晚收工和同事食完飯先回家，去返幾年前食過OK既餐廳尋食入到去唔太多食客，但聞到雞煲味道好正但今晚唔想食雞煲，所以叫左幾個小菜和白飯，睇餐牌價錢都飛昇左唔少貴唔緊要最重要好食，點知今晚俾我既感覺唔會再有下一次，永遠black list，未試過噤差我哋叫左啫啫滑雞煲、脆皮炸大腸和蒜蓉粉絲蒸茄子首先講個啫啫滑雞煲，係最冇事嗰個，熱辣辣送上，雞肉都嫩滑唔梅，有八至十件雞，味道可以但未去到好嘢味脆皮炸大腸，薄身既大腸，皮脆容易咬開，但厚身既就好靭點咬都咬唔開，至於個菠蘿，試左一片之後冇再食蒜蓉粉絲蒸茄子，粉絲硬唔腍，蒜蓉冇味，整碟餸係好油而冇味最差係白飯，送上來已經凍，d飯還要係鞋囗真係同最初開店既時候差好遠，以後可以唔去
继续阅读
人生第一次食評。話説家住將軍澳，朋友話想食下呢間，咁就入左去。食食下，附近食客尖叫，我望過去，其中一部冷氣空位唔係貼住天花，竟然吊住隻好大隻既老鼠係到，半天吊。我地全部人都好驚，老闆拎起其中一張枱既餐牌，跳高向門口拍隻老鼠出去。只聽到老鼠慘叫，咩胃口都無晒。老闆當完全無事，唔抹個餐牌放返低走左去。事後，將呢件事同住係將軍澳既家人朋友講，點知佢地話原來之前都見過有老鼠係店內周圍走，但職員老闆都當無事，所以以後無去食。我覺得呢間店衛生好有問題，鼠患嚴重。當晚我坐角落頭卡位，附近冷氣漏水(不是滴水)，成個地下同長櫈濕晒。淨係有一塊紙皮墊住地下就算。地下有好多垃圾，牙簽同雲呑，同樣無人清理。永久Black List!!
继续阅读
真心推薦👅假日中無意間上網周圍搵好西食.天氣凍就自然想食暖粒粒既野～竟然發現到有好野當然就立即去馬去試下先啦新鮮！足料！抵食！ 👍👍👍👍👍「手切肥牛海鮮鍋」一盆上 湯底自選 有花蟹花蛤班片班骨腩帶子海蝦同成堆生菜 新鮮札札跳🙊$448 包兩支大支裝啤酒可以轉其他野飲！安格斯肥牛肥大肉厚🌚牛魔皇必食😋好味到成盆清哂連湯底都飲埋🌝最衰上傳唔到影片 睇得見既新鮮～最好竟然係唔洗等位 一定會再幫襯😁
继续阅读
心血來潮打比朋友話食飯去左將軍澳 朋友帶我食呢間小炒餐廳3個人叫左一條蒸魚，蒜蓉蒸蝦，啫啫芥蘭煲，蜜餞骨推介：蜜餞骨 ，咸咸甜甜 好入味！大至上食品質素ok!不妨試試！
继续阅读