10
4
6
港铁油麻地站 A2 出口, 步行约4分钟
继续阅读
附加资料
無肉餐單詳情: 每天供應少量素食菜式
营业时间
星期一至日
11:00 - 23:00
以上资料只供参考，请与餐厅确认详情
相关文章
好像每年初秋都會病，人人叫感冒，我久病成醫，跟感冒有分別，這叫上呼吸道感染，沒有發燒，只是鼻塞流鼻水，然後咳，不走運最後可能會導至輕微腸胃炎。每年都逃不過病魔折磨，漸漸，與其埋怨，不如適應。今年我更感恩，由十月初飛澳洲，到十月中法英之旅，到十一月短飛上海，三趟旅程完結之後才病倒，我心中暗許：「總算病得合時。」不料，一病就個許星期。病，最惱人就吃東西沒味道，打亂我造訪這家韓國菜的大計。一病好，就殺去旺角，順道「鳩嗚」。知道旺角路不好走，這次從油麻地出發，經過家樂坊，鑽入女人街，尋幽探秘。好像有十幾年沒走進女人街找吃，有點時不與我了。走不了半條街，便找到小小的招牌，以為過江龍總有點來頭，也有個體面的店面，但現在看來看去都只像家無名小店。一排單人座，另一邊則置了四方桌，完全是小店格局。七時多，沒半個客人。打開餐牌，價格十分親民，三十四元便有一道菜，旺角，果然是另一個世界。不理了，狂風掃落葉點了四五款心水菜，然後便慢慢等吃。最先上來是最想吃的一味，魚板魚糕串。魚板，於韓國小吃中，有如香港的魚蛋一樣舉足輕重。這次不用湯煮，換個口味，以魚板作包裹，捲起年糕條，炸香上桌。一口吃盡兩種口味，魚板香脆，年糕軟糯，更喜歡中間捲入一片大蔥，幽香撲鼻。瞬間便吃完一串，一碟兩串，好像有點不夠。轉眼便送上招牌，這碗是招牌辛辣麵。沒查過甚麼來頭，原本也只為年糕串而來。一挾，才發覺這麵有點像油麵，又有些像烏冬，入口順滑又煙韌，不錯。海鮮也於眼中只是配襯，辣湯才是主角。暗紅而濃稠，未喝就覺有夠刺激。入口果真夠辣又夠香，跟辛辣風味迴異，更辣更過癮。只點了最溫和的一級辣，嗜辣的朋友，不妨要些更厲害的挑戰自己。最愛賭氣，韓式炸雞未成潮流之時，不時介紹香港哪裏可吃到韓式炸雞；反之，大氣吹來炸雞風，又偏偏半次都沒吃過，看到人龍都敬而遠之。到今天，炸雞熱潮稍退，又萌起我的炸雞癮。＄68吃到半隻炸春雞，不妨點來一試。香噴噴送到眼前，燙手又燙嘴，金黃脆板夠香夠脆，雞肉更不住滴出肉汁，美味得吃剩也要帶回家，第二天放到光波爐翻，滿室炸雞香。記得於首爾旅行之時，簡單一個紫菜飯團，就覺美味無比。是夜再來一客，當成是回味吧。飯煮得香糯有咬口，飯團也搓得夠鬆軟，中間摻出絲絲酸菜的獨有清香，一顆下肚，又伸手再來一顆，美味，從不覺飽。又年糕，又辣麵，又飯糰，澱粉多得連炸雞也吃不完。抱着兩塊炸雞離開，鑽出西洋菜南街，看到一街警察像十二碼的人牆。心想：「真夠官迫民反。」不鳩嗚怎生對得住自己，吃不完炸雞，也要去買繼光香香雞。聽特首的話，要刺激消費嘛！
继续阅读
原本是無意寫下這食評，可是看到餐廳的喊臉頗多，但我到訪後卻覺得質素不錯啊，所以決定幫它平反一下喇。是次到訪是為了慶祝生日，友人吃過推薦這家韓食便宜又不錯，所以就選了這間。紫菜麻香飯團我是很喜歡吃米飯的，這個也頗符合我的口味，但味道就比較淡了一點。年糕魚蛋串這個有點驚喜，微脆的魚片、軟糯的年糕和甜甜的醬汁，沒想過這樣的配搭原來也好吃。四級辣度的海鮮辣麵一場來到，當然要嘗嘗店中的招牌菜，但我們確實低估了它的辣度，選了最辣的四級，看它鮮紅色的辣湯，連平常能吃譚仔特辣的友人也直呼很辣但味道是不錯的，湯底也有鮮味，麵條有點像幼身的烏冬。水冷麵麵條淋身了一點，但吃了辣麵解辣一流！炸雞一般，肉質較乾，沒肉汁。芝士年糕pizza有趣但味道一般，雖然舖上芝士來焗，但年糕本身沒味道。總括而言，整體食物也令我們滿意，值得一試，四個女生吃得飽飽的也只是三百元，比其他韓國菜餐廳便宜，而且我們當日在店內切生日蛋糕也沒收取切餅費。
继续阅读
幾乎個個星期五都出旺角食飯，其實都已經食到好悶，諗唔到食咩好，咁就好奇睇下女人街入面有咩食，差唔多行到街尾都搵唔到岩食嘅嘢，點知就係我地想放棄之時，見到新開韓式小店，又唔駛等位，二話不說，梗係即入去試喇傳統辛辣麵，一個人食啱啱好，SHARE就千祈唔好喇，不過嫌佢唔係好夠辣，辣多少少會正好多惹味年糕魚串，呢個好特別，本身我就好鍾意食年糕，不倫係上海、韓式、日式，總之係年糕我都啱，加埋個韓式魚旦口感好得意，平時食韓式魚旦都係烚嘅多，好少食係烤嘅新吉洞炸雞，我就覺得唔錯，男友話覺得無特別，最多係叫夠滑韓式燒烤醬炒豚肉，呢個個汁撈飯好得，好正光州銅盆雞，呢個個汁又係一絕，好可惜，佢晚市時段係冇餐，所以只可以齋食，D汁浪費晒，如果大家想試下用黎撈飯，建議會Lunch時段，佢有D午市套餐，我覺得以喺旺角地段嚟講，價錢可以叫合理辣味炸醬麵，本身對韓式呢D炸醬麵一D好感都冇，但係男友話食韓式嘢點可以唔食炸醬麵架﹖佢就膽粗粗點嚟食，嗯…總括嚟講，你唔好甜麵嘅就千祈唔好浪費個胃嘅位置紫菜麻香飯糰，因為本身我坐喺對住廚房嘅位，所以見到佢地整覺得好好味，叫嚟食吓，嗯…麻香唔夠呢間嘢整體唔錯，亦都去過食兩、三次，都會繼續去~
继续阅读
朋友話我知呢間野之前被雜誌訪問過，電視又介紹過，所以叫我同佢一齊去試下，我最鍾意就係試新野架喇！間野其實係女人街尾尾，但都揾到我同朋友身水身汗！間野唔大，一眼睇哂，我諗坐到20人到！有一個細細既玻璃KITCHEN望到師傅係度煮野食！入面得一個女待應，但都夠了！朋友之前已望過其他食評，所以一眼鎖定一定要叫辣海鮮湯麵同炸辣魚串年糕，但當然我呢D大哂鬼一定要叫多幾樣，我叫左炸泡菜餃子同蜜桃鮮奶！D食物好快就上台，但係新鮮熱辣的，個炸辣魚串年糕同炸泡菜餃子一D都唔乾，唔似翻炸，或者就算佢真係翻炸，呢個都係炸得好好食..前者個魚串配年糕比想像中更夾，一啖咬落去煙煙軔軔，佢面仲淋左D甜甜既自家製醬汁；仲灑上D辣粉同蔥粒，好野味！而個炸泡菜餃子本身辣辣地，佢入面好多泡菜同粉絲，附上既醬汁應該同年糕面上既是一樣的！同樣好吃，其實呢個唔太食得辣既應該都食到的！我同朋友唔算食得超辣，所以叫左2級辣既海鮮湯麵，佢最大係4級好似...不過都好辣！但無損佢好食程度..佢D麵中粗度，又係煙煙軔軔...入哂味既麵真係好好食，飲埋佢D湯真係夠唒刺激！但佢配既海鮮就唔多吸引，我唔食青口的，魷魚亦不是我喜好，但佢料真係俾得好足，好多隻囉！最後講埋杯野飲，我估呢度咁特別有得叫鮮奶，係因為想俾客人可以解辣....雖然個蜜桃鮮好奶好淡蜜桃味，同埋唔係好好飲，但係如果要鮮辣，這是一個不錯既選擇！下次要試埋佢其他野....佢揀既野唔多..試兩三次應該試哂，呵呵！
继续阅读
睇完飲食男女介紹過此間韓國餐廳之後, 無論如何都要食番一次韓國辛拉麵。點了一份午餐: 2級辛辣面和一杯凍柚子梳打。等送餐期間聽到待應用韓文對答, 雖然未知道拉麵是否的味美?? 但能感受到店主有別一般細心,餐廳的每一處也花過小心思去設計, 去鑽研顧客的初感受。食過拉麵又飲完柚子梳打的評論: 小青口無腥味算ok啦!~ 麵質好爽滑又有咬口, 鮮辣湯頭鮮味美, 飲左第一啖的確feel到係即食韓國辛辣麵味湯,吞落喉龍唔係一般味精湯, 係韓國辛辣粉加鮮骨湯頭。 柚子梳打就中規中舉的一般解辣飲品。非常值得再來!!!!!
继续阅读