28
9
1
电话号码
24931133
营业时间
今日营业
18:00 - 23:00
星期一至日
18:00 - 23:00
以上资料只供参考，请与餐厅确认详情
食家推介
🤗 同事 “巫師” 推介 “天一閣”, 聽講主事人嘅老豆係 “大班樓” 創辦人之一, 餐廳頗具名氣, 曾經屬 預約困難店.🥰 今日相約老友 “甘仔”, “約兒”, 同埋 “格魯特” 江湖飯局, 交換情報. 電話訂位, 幾日後訊息溝通選菜. 兩款晚餐, 高級版 每位 $1,180+10%, 唔駛再揀來揀去, 我哋試咗 初級版 $850+10%, A. 頭盤十選二, B. 燉湯, C. 花雕蒸蟹, D. 主菜八選一, E. 時蔬三選一, F. 主食二選一, G. 甜品.茶燻雛鴿蜀香墨魚仔花膠螺頭燉雞湯廿五年陳花雕蒸花蟹配陳村粉隋王斬肉魚湯浸時蔬蝦子蝦油蔥油撈麵椰汁棗茸糕花雕紅棗飲 🕊️ 茶燻雛鴿. 用蒸籠上菜, 雛鴿細細隻, 冇 “啖啖肉” 嘅口感, 但肉質嫩滑. 煙燻味道柔和撲鼻, 入哂骨頭, 一路食, 煙燻味一路攻入口腔, 餘韻悠長, 十分精彩.🦑 蜀香墨魚仔. 每人一碗, 墨魚仔爽口彈牙, 椒味刺激味蕾, 十分過癮. 我諗起 1881 “后園” 嘅藤椒象拔蚌, 異曲同工. 🤗 花膠螺頭燉雞湯. 清甜, 非常清甜, 而且熱到燙口, 驚喜喎! 燉湯比煲湯更能保留鮮味, 又有保溫功效. 材料方面, 一片花膠, 一粒螺頭, 大量雞肉瘦肉.🦀 廿五年陳花雕蒸花蟹配陳村粉, 餐廳另取名 “香醉紅蟳”. 今晚主角出塲, 酒味香醇撲鼻, 蟹肉新鮮結實, 完全吸晒花雕酒味, 十個讚. 陳村粉少少煙靭, 唔會太腍太粉, 一片片撕開, 浸浴花雕蟹汁, 一滴不留. 廿五年陳花雕果然名不虛傳, 聞落夢幻, 入口震撼, 再三回味.📖 翻查資料: “香醉紅蟳” 嘅 “蟳” 屬於蟹嘅一種, 紅蟳 即係交配過嘅 雌青蟹. 今晚食嘅係花蟹.🍖 隋王斬肉. 肉球彈牙, 肥瘦均勻, 入口滑溜, 唔會散開, 湯汁熱辣辣, 出色! 比坊間食開嘅 “獅子頭” 高幾班.📖 相傳隋煬帝沿大運河南下出巡, 嚟到揚州, 對景點 萬松山, 金錢墩, 象牙林, 葵花崗 十分留戀, 命御㕑以四景為題作菜, 分別做成了松鼠鱖魚, 金錢蝦餅, 象牙雞條, 葵花斬肉四道菜. 隋煬帝對呢粒肉丸讚口不絕, 後揚名全國, 因而得名 “隋王斬肉” 或 “葵花斬肉”. 📖 信不信由你, 豬肉取自丁字骨下嘅精華部份, 聽講一隻豬只能夠做出一粒肉丸.📖 “獅子頭” 嘅前身就係 “隋王斬肉”, 相傳唐朝郇國公 “韋陟” 宴客, 府中名㕑 “韋巨元” 做了隋王斬肉, 由肉丸做成嘅 葵花心 貌似 雄獅之頭, 賓客們趁機勸酒, 說: 郇國公半生戎馬, 戰功彪炳, 應佩雄獅帥印. “韋陟” 高興回應: “隋王斬肉” 不如改名為 “獅子頭”.🥬 魚湯浸時蔬. 魚湯底鮮甜, 豆苗嫩綠, 腐皮滑溜, 誠意之作.🍥 蝦子蝦油蔥油撈麵. 睇落簡簡單單, 麵質爽口彈牙, 蔥味全面滲透, 征服味蕾, 又唔會太重口味, 正呀!🍮 椰汁棗茸糕. 煙煙靱靭, 甜味啱啱好!🥂 花雕紅棗飲. 酒精已經完全揮發, 剩底輕柔嘅花雕味, 再配合紅棗味道, 入口舒服.🏘️ 最後講講環境, 餐廳位於跑馬地舊商業大廈閣樓, 電梯按M字, 電梯同走廊有怪味, 扣分. 出𨋢 即刻見到 “天一閣”. 一開門, 嘩! 四張枱, 冇人嘅? 心都離一離. 兩秒後, 服務員出現, 禮貌咁問: 係咪甘先生, 然後引路沿樓梯落一層, 三張枱, 連埋我哋, 三枱客. 佈置簡陋, 零裝修.🤗 總結: 環境扣晒分, 零裝修, 燈光又差, 不宜拍照. 服務殷勤, 密密換碟, 開瓶費只收現金, 一百蚊一支, 哈. 論食物, 賣相麻麻哋, 但味道水準真係一流, 充滿驚喜.🤗 攻略: 頭盤十選二, 茶燻雛鴿 屬鎮店菜式, 必點, 蜀香墨魚仔 又係震撼, 曾經諗過揀叉燒, 但評論左右兩極, 下次再試. 花膠螺頭燉雞湯 交到功課. 主角 花雕蒸蟹 十分精彩, 有比較有傷害, 相對近日食過 “潮州軒” 嘅醉蟹, “天一閣” 嘅花雕酒味完勝. 主菜八選一, 揀咗 隋王斬肉, 絕對值得一試. 蝦子蝦油蔥油撈麵 又係鎮店菜式. 事隔數月, 仍然回味.
继续阅读
感謝我的朋友今天請我食生日飯，上個月食完大班樓，今日特登訂了天一閣，這兩間餐廳經常被人對比，所以今日就當試一試並知龍與鳳。香醉紅尋 - 其實就係花雕醉蟹陳村粉，味道出色，有層次，陳村粉有口感，我想像中的一樣，絕對係招牌菜。斬肉 - 就是圖中見到啲肉球，切開後的肉質非常幼嫩，入口可以話係即溶，個湯都好好飲。西班牙黑毛豬叉燒 - 這道菜亦都是招牌，但是上有啲失望，沒有入口即溶的感覺，反而覺得有啲硬硬地，連一般叉燒都比不上。值得一提，雖然我知道是私房菜，但係裝修配套真係都幾差，啲茶都好低質。
继续阅读
二人Menu:—🐚 涼拌蟶子🐚 蜀香焗鮑魚拌東風螺🍲 花膠螺頭燉雞湯🦀 香醉紅蟳🦐 椒香焗大虎蝦🥒 鮮魚湯浸勝瓜🍚 薑米瑤柱櫻花蝦蛋白炒飯🍰 椰汁棗茸糕🧉 花雕紅棗飲—天一閣必吃它的廿五年陳花雕蒸花蟹配陳村粉❤️是我個人的香港一! 甚至覺得當晚更好吃了🫶花雕汁香濃 拌上滑嫩的陳村粉吃一流 原來2個人都可以食咁多野 之前仲擔心食吾哂🥲兩個人每人半隻蟹超級滿足!😋😋😋其他菜式都好好吃 今餐食得好開心☺️
继续阅读
聽聞左依間私房菜好耐，又講到同大班樓睇齊好厲害咁，啲菜式又好類似，滿心歡喜去試吓。地點真係十分唔起眼，唔講真係唔知有間餐廳🔸涼拌蟶子初初以為涼拌係四川口味，點知原來係wasabi🤢勁嗆鼻乜味都食唔到，蟶子口感唔錯既但真係太辣啦🔸沙薑焗鮑魚拌東風螺螺肉同鮑魚好彈牙，又有淡淡沙薑味幾好食。鮑魚切好片加埋東風螺，再撈埋啲蔥好香🔸金銀菜杏汁白肺湯個人本身對杏汁無好感，但依個燉湯杏汁味唔重又好鮮甜，又清又香🔸西班牙黑毛豬叉燒依個真心失望，佢係無蜜燒味又無燒烤味口感又軟滑完全唔似食叉燒，坦白講我唔知自己食緊咩，一嚿豬肉囉🤷♀️🔸香醉紅蟳今次真係期望越大失望越大，個花雕蟹汁過咸酒味又過濃蓋過蟹既鮮味，陳村粉又蒸得過籠一啲都唔滑唔煙韌🔸薑米瑤柱櫻花蝦蛋白炒飯反而炒飯又幾出色，炒得好乾身又唔油膩，粒粒分明坦白講依餐飯收我$1080/head其實真係有啲overpriced，又唔係好食態度又唔係好，環境又唔係特別好仲要好熱，最後仲趕我地走，真係唔會有下次
继续阅读
初嘗私房菜 來到跑馬地一個隱世地方 大廈充滿住昔日的陳年氣味 餐廳佈置簡單 環境尚算乾淨人齊後便開始上菜 一共有11款菜式先是「涼拌蟶子」以芥末口味作配搭 個人覺得芥末味道較重，有點兒嗆鼻然後是「沙薑焗鮑魚拌東風螺」鮑魚以切片形式呈現拌上入味東風螺整個菜式鋪滿香蔥 可是沙薑味道較淡鹹蛋黃至愛「芥末金脆魚皮」香脆可口 芥末味不算太重再到「金銀菜杏汁白肺湯」湯水十分足料 材料非常豐富個人對杏汁不太討好 但整個湯水味道拿捏得剛好 杏汁味道不重然後到最期待菜式之一「香醉紅蟳」以香濃的酒香為主調 慢慢滲入陳村粉中層層口感再配上香濃醬汁十分滋味紅蟳肉質鮮嫩 淡淡蟹肉 鮮味十足另一款經典菜式「豉油王大虎蝦」整個蟹殼沾上醬汁 味道香濃虎蝦尚算大份 可以沒有太鮮味「狀元鴿」卻帶有驚喜以濃郁的藥材湯熬製而成 入口香甜同時保留着鴿原有的香味 肉質滑嫩其後分別是「魚湯浸蘆筍」及「蝦子蝦油蔥油撈麵」兩道菜都沒有太大驚喜 相對比較普通最後甜品分別有「椰汁棗茸糕」及「花雕紅棗飲」特別喜歡椰汁棗茸糕的煙靭口感椰汁及紅棗味道融合一起 不算太甜 花雕紅棗飲入口香甜 再搭上濃烈的花雕酒香當日朋友生日亦送上壽包總體而言 整餐飯不過也不差略為價錢較高 食物普遍沒有太大驚喜
继续阅读