4
0
1
港铁天后站 B 出口, 步行约11分钟
继续阅读
电话号码
64379739
营业时间
星期一至日
18:30 - 22:00
以上资料只供参考，请与餐厅确认详情
相关文章
This is the first restaurant I highly recommended after I relocated to HK a few months ago. They prepare the foods with hearts and serve everyone with sincerity. Really value for money. More important , you could see the hope and light in HK over there. Honkongers 努力加油！
继续阅读
日式料理嘅Omakase 🍣好多人都食過，西式扒房無餐牌、好似牛扒Omakase🐮咁，阿叔都係第一次聽，喺食家朋友👩🏻介紹之下，先知道呢間位於大坑嘅餐廳要預約兩個月先食得到😱，店內專門提供唔同國家🇦🇺🇺🇸🇳🇿、唔同部位嘅牛，當日有咩靚貨返就食嗰樣，全由廚師👨🏼🍳發辦，啱晒一眾牛魔王。.呢間餐廳坐位唔多，最多可以容納十幾個人，加上唔收加一服務費同開瓶費🍾，大家可以帶埋私伙紅酒🍷嚟配靚紅肉，兼一大班朋友包場開party都得！今次阿叔同朋友一共4個人👫🏻👫🏻嚟幫襯，每人$520，價錢除咗包括三款是日推介牛扒(總重量大概10-12安士)外，仲有頭盤、餐湯、配菜，除咗牛扒，其他全部任添😙。.先嚟頭盤沙律，沙律菜🥗好新鮮，配上意大利陳醋汁，酸酸地幾開胃，跟住就係是日餐湯🥣，餐湯定期轉口味，今次係意大利番茄🍅濃湯，辣辣地嘅味道沾著脆樂樂嘅蒜蓉包🍞好好食。當日3款牛扒分別有澳洲穀飼肉眼、美國牛肩胛同新西蘭Picanha，全部5成熟，阿叔個人最鍾意新西蘭牛臀，除咗因為出面餐廳較難食到之外，肉味係三款扒之中最濃嘅一款，而且呢個部位運動較多，脂肪較少，所以肉質亦最軟腍。最失望☹️反而係肉眼，可能有其他肉嘅比較，呢款肉眼比起出面食到嘅少咗份肥油，同時肉質亦無咁幼嫩。.配菜有牛油蒜蓉野菌同埋粗薯條🍟，後者新鮮即叫即炸，又香又脆，沾著唔同醬汁，一定會令你食唔停口。最後仲有紐約芝士蛋糕🍰，芝士軟滑，又唔會太甜，中和番牛扒同薯條嘅油膩。呢度間唔時都會有額外驚喜，今次有自家製抺茶蕨餅，又係唔太甜嘅甜品，煙煙韌韌，啱晒阿叔口味。
继续阅读
呢間餐廳真係要預早3/4個月book架~ 記得係上年4月book先有幸係7月尾食到. 第一次認識呢間餐係因為媒體介紹, 一睇完報導就打去book啦. 好彩book得切當生日飯. 🥳 餐廳又係唔使睇menu既, 只要話比店主聽你想食幾成熟既牛就得架啦.去到當日已經即刻有得入座. 餐廳唔大, 坐到20人左右. 每晚做得一轉生意. 相信店住都唔係至在賺錢. 坐左一陣店主就上菜啦, 有沙律，湯，薯條🍟. 呢幾樣野都係all you can eat. 包括甜品都係. 當中不得不讚係佢既薯條醬 有3款比我地揀 分別係茄汁同兩款diy醬 口味係橋底辣蟹醬同蜆介鯪魚球醬 兩隻味都好得意 但餐廳會不定期轉口味 所以好大機會下次去已經唔係呢兩隻味啦. 另外湯都好特別. 係大地魚味架~ 佢同薯條既醬一樣, 又係間唔中轉口味架.輪到主角- 牛! 當晚食左牛肩同埋 一個近patpat既位置 (另外一款唔記得左). 3款牛口味同口感都好唔同 一次過滿足晒個胃 好好食呀 有機會絕對會encore呀 😋另外, 餐廳劃一價錢 $450冇加一. 自己都可以帶酒去架. 呢個價錢有呢個質素真心👍🏻✨
继续阅读
之前食過2次,環境唔錯.食物質素係幾好,有好多唔同嘅部位比你揀,又有任食薯條,沙律,湯同甜品.仲會解釋同分析特別嘅地方.算係物有所值. 但係就不得不提佢地預訂嘅安排. 前言不對後語,記得唔好相信佢地嘅承諾,因為佢地會講放你係waiting list,但係過一排我再聯絡跟進又會忘記左.記得不停check同confirm.我認同係幾好食,不過唔會再幫襯. 情願比多少少錢再搵其他地方. 你經歷千辛萬苦去預約之後,未必係你預期中咁好!
继续阅读
酒肉朋友係 group 吹雞話 book 呢間 steak house，一 book 要 book 幾個月後，我當時心諗有無咁巴閉呀？原來真係幾特別，平時壽司 omakase 聽得多，牛扒既 omakase 真係第一次試。今次我地有8個人，雖然舖頭唔大，佢安排左我地係窗邊位，有 feel 得尼又適合傾成晚計~餐廳會因應你既人數預備份量，介紹當日既特別部位比你。另外湯，沙律，薯條，甜品都係任食。佢會不停過尼問你fill唔fill薯條好似唔洗錢咁，不過要留肚比靚牛，我地都無添太多薯條食。當日我地就有 Rib eye, Augus 牛肩夾，牛背肌，股肉，橫隔膜。佢會係未煮之前比你睇一次先，煮完/切開都會分別比你影相，好細心。個擺盤都好靚，非常 IG-able我地開左幾支酒，其實飲左少少酒之後我已經唔太記得上枱邊隻牛打邊隻牛，但每一隻都有唔同既肉味同質地，而且個熟度都好好係 medium rare，又鎖得住肉汁。一次過食5款，總有幾款係岩你口味，甚至要同朋友爭住食哈哈，絕對係味蕾既享受~湯，沙律，薯條，甜品其實都好出色，尤其個薯條醬特別難忘，個個都爭住點。希望下次再尼食啦！
继续阅读