102
2
0
开饭介绍
以创新而不失风味为宗旨，选用新鲜食材炮制四川菜、鸡煲及串烧等惹味菜式。餐厅设计简约，设有多个座位，而且定价相宜，是和朋友聚餐之选。
继续阅读
营业时间
今日营业
17:00 - 00:00
星期一至日
17:00 - 00:00
以上资料只供参考，请与餐厅确认详情
招牌菜
食家推介
相关文章
今次踩入咗一間唔錯嘅餐廳，先講講佢個藥膳醉雞，真係叫我驚喜連連👀！啲雞肉嫩滑得嚟，啖啖肉，湯底濃香帶點酒香，真係溫暖晒心窩。轉頭試下避風塘脆骨腩，吓，辣椒蒜蓉點綴下，加上嗰個脆度，正！🍻 要小心啲碎骨但總體嚟聽得過。一口豆腐就真係得意得滯，外皮炸得脆卜卜，入面又滑溜溜，一啖一個剛剛好。牛脷串同肥腸串嘅口感又係另一番享受，牛脷腍到融化，肥腸則脆嘅恰到好處。坦白講，呢啲係我對串燒嘅美好憧憬😋。另外，燒菠蘿串成功攞到我幾分鍾嘅心，嗰個果香與炭香交織，讚到爆炸！至於韭菜串，聞到香味就令人食指大動，食落更加係惹味十足。整體嚟講，今次食評嘅體驗算係相當正！我會推薦俾啲鍾意大排檔feel嘅朋友嚟試試出奇制勝嘅菜式。雖然個環境唔算豪華，但味道真材實料，夾雜幾句港式粵語嘅狡猾，搞到成個餐體驗更加貼地、更加有味。👍💯
继续阅读
本身人畜無害的小犬一轉身變成狂犬，大量食店也關門閉戶，但「4號烤吧」卻大大隻字寫住8號風球照常營業係門口，當然要支持一下🥴講真一個午市米線餐有個爐煲住，6x蚊真係係邊搵？仲要打緊風都冇加價😂個卜卜蜆係另加既，都只係5x蚊，味道非常鮮甜同肉質肥厚，相信係新鮮蜆黎既，仲有d蜆殼的鬚留係殼度😂至於個主葉雲吞雞就反而差d，雲吞有點實身，d雞就骨比較多，但雞肉就幾滑，但由於肉少，實在唔太夠喉，個米線就本身有湯底，真心認為個湯底好鬼好飲，就算冇餸就咁食都可以食晒成碗不過可惜既係客人唔多，食物同店員態度都好好，最近兩次打風都救左我一命，不過我認為人少可能係放商場門口既banner係燒烤餐既menu ，下下2百幾3百先會令人卻步，路人都以為得燒烤，要入商場再走到店門口先有午餐banner，如果反轉黎放一定大把客
继续阅读
三個大男人，不知不覺地食左三個鐘快樂仲要不知時日過。就係呢一煲開始。【麻辣肥腸雞煲】其實呢一窩只係小辣但係雞肉足料，唔會有薄薄嘅雞殼雞背，仲有肥美嘅豬大腸雞油，加上豬油嘅混合，夠哂麻甩，恨不得嗒一口冰凍啤酒。豆腐火腩飯，係一個男人嘅浪漫。肥腸辣雞煲，係一班男人嘅浪漫。【烤串】我地揀左牛肉同埋豬腩肉串，牛肉有點乾，預左，不過加上孜然粉火烤，神級。豬腩肉串，更加是大滿足，肥瘦適中，有口感，值得一挑。啤酒，又來一口。【火鍋】食完雞煲都摷到個底乾哂咁滯，再黎個簡單嘅火鍋，清清地，加點大蜆，加點桶蠔，仲有白鱔片。蜆肉大隻又新鮮，桶蠔隻隻都係肥美嘅白鱔薄切，灼幾下就熟透，入口彈牙有鮮味。咦，啤酒唔夠飲添～
继续阅读
今晚同事們farewell晚餐，同餐廳order左間房，有K唱有飛標玩（有min charge），邊玩邊食前菜，前菜真心好食，最好食係個蛋黃炸魚皮！仲有烤豬腳，大家都讚好食！之後齊晒人就出返去食正餐啦！椰子雞，椰子味好濃！我地仲飲埋d湯，清甜可口！不過D雞肉就冇乜味。海鮮雜燴，乜都有D，味道都唔錯，少少辣。老闆仲幫我地安排左其他海鮮，有大大隻龍蝦、扇貝等等，仲有牛肉打埋邊爐。Overall黎講大家都玩得開心、食得盡興。
继续阅读
聞到一陣陣烤魚嘅香味，肚餓指數一秒飆升！啲環境都幾舒服，店舖衛生情況都冇問題，員工態度都好親切，令我感覺好似嚟咗好朋友屋企咁。坐定之後，我同我啲朋友就開始傾計，等我哋嘅烤魚上嚟。而家講番啲重點啦，我哋叫嘅係「重慶豆花烤魚」，一聽名就覺得特別。食物上嚟之後，真係唔係一般嘅烤魚啊！佢哋係用特製嘅豆花醬汁，加上啲重慶辣椒同埋各種香料去烤魚，啲魚新鮮肉嫩，入口即化。啲豆花醬汁又微微甜，又帶啲微辣，真係啱晒我個胃口。佢哋用嘅醬汁同埋烤魚嘅配搭實在太讚啦！當日我哋食得嘅魚，啲肉嫩滑又有彈性，烤得啱啱好，啲魚鱗都烤得脆脆，啲魚肉係咁咸咸甜甜，真係一絕啊！跟住我又叫咗啲別嘅小食，例如佢哋嘅涼拌木耳同埋麻辣乾豆腐，都好好味嘅。
继续阅读