开饭介绍
牛大人台式火锅的副线，由台湾总厨监督，主打结合秘传做法及原住民风味的台湾烧肉，以及各种经典台湾夜市小食、饮品及特色酱汁。
继续阅读
营业时间
今日营业
12:00 - 15:30
16:30 - 23:00
星期一至四
12:00 - 15:30
16:30 - 23:00
星期五至日
12:00 - 15:30
16:30 - 00:00
公众假期
12:00 - 15:30
16:30 - 00:00
公众假期前夕
12:00 - 15:30
16:30 - 00:00
*星期一至四:
午市：最後落單時間 15:00
晚市：最後落單時間 22:30
星期五至日, 公眾假期及前夕:
午市：最後落單時間 15:00
晚市：最後落單時間 23:30
以上资料只供参考，请与餐厅确认详情
有关奖赏计划
食家推介
相关文章
好耐冇食過燒肉😍一食就要食最高級澳洲M5和牛套餐，牛肉嘅質素真係靚㗎。佢哋嘅裝修好新淨坐得闊落，更加重要嘅係佢哋嘅抽油煙機系統做得好好，食完都唔會覺得好大浸油煙味，實在太好啦!澳洲M5和牛脂肪同肉嘅比例呈雪花，未燒熟都知好食，肉味濃郁，不斷食呢個先至有回本嘅感覺😀烤帆立貝同樣都係重點推介，牛油好般配，粒粒都好大隻，鍾意加少少檸檬汁落去更加鮮味。牛舌芯超好食，記得唔好燒得太熟，如果唔係就會韌，仲有少少粉紅色就係最靚，入面咬落去香軟牛味重。安格斯牛小排同樣都係雪花級數，但係佢嘅肉味會比較香濃，油脂冇咁重，總之都係好食！海鮮方面仲有生蠔、大蝦，有豐富蛋白質點樣食都唔肥，雞爽肉好特別，咬落去爽口一啲都唔鞋，非常之推介！牛舌都好吸引，薄薄一片，燒一陣就食得，牛肉味香濃。自助區仲有台式蝦乾拌飯，首先加好多紫菜、蝦乾、蔥花，再加埋滷水汁真係超好食!!!餐廳仲提供唔同既蔬菜，記得一定要食燒菠蘿暖笠笠好甜好好味，仲有多款飲品任飲，電話落單仲有紅肉火龍果茶，底部有粒粒火龍果好好味😋飲咗佢哋新出嘅藍莓果茶冷泡茶，有少少甜味又有水果香解膩就最啱！最後有甜品或者係芋圓仙草，來食台灣嘢一定係揀仙草😀
继续阅读
📍安平燒肉 (旺角)📍旺角彌敦道601號創興廣場9樓🟡澳洲M5和牛吃到飽套餐🌈高度推薦：✨澳洲M5和牛肩胛肉✨安格斯牛小排✨台灣鯛魚下巴✨鹽選牛舌✨台灣小枕頭 （麻糬）✨老虎雞翼✨安平炸蚵卷成日聽朋友講話安平燒肉午餐去好抵食，環境好舒服又乾淨。難得平日放假，試咗澳洲M5和牛吃到飽套餐，真係超抵呀！2個人736元，我哋12點到，3:30前都可以任食，真係好爽！真心特別推薦幾款菜式：澳洲M5和牛肩胛肉，肉質鮮嫩多汁，超大陣牛肉香。安格斯牛小排牛肉質感更嫩，朋友都話真係要食多幾轉！鹽選牛舌係薄片，真心好食到可以瘋狂食好多片！口感彈牙，好好味！台灣鯛魚下巴係我最鍾意，一個人連續叫咗五次，好似三文魚鮫咁滑，勁好食！台灣小枕頭（麻糬）朋友自己一個食咗四碟，佢話冇食過咁好食嘅麻糬，薄薄地一層，用心烹調可以做到日式嗰種麻糬嘅感覺，脆脆哋嘅外層，入邊有麻糬的軟糯感，中火烹調啱啱好！最後，老虎雞翼同安平炸蚵卷亦都好好食，開始同最後都叫咗個安平炸蚵卷，真係有蚵仔嘅味道，做得好好！下次午餐都會再過嚟食，食放題仲食高質嘢真係好難得！
继续阅读
旺角人氣燒肉，book mark咗好耐，今日終於同朋友前往。餐廳有三種價錢選擇。第一次我們叫了澳洲M5和牛套餐。（$418）餐廳設有不同時段不同價格的優惠。大家可以留意以下嘅餐牌。套餐內包含100多種款式。由前菜到台灣小食到豬牛雞海鮮及飲品多款選擇。餐廳座位闊落，空間大，不怕沒有位置放食物。當中亦設有飲品區，沙律吧，及醬料區。最後我們一共叫了以下食品。➰台灣小食➰台灣餐廳當然不能錯過台灣小吃我們共叫了以下食物。當中最具推薦是涼拌小黃瓜及台灣小枕頭。1.士林小香腸2.涼拌小黃瓜3.梅山酥炸薯5.懷念鹽酥雞6.台灣小枕頭（麻糬）➰牛 ➰ 牛肉方面，我們叫了以下食物。當中最具推薦的是澳洲A5和牛肩胛骨，鹽燒牛舌，及安格斯牛小排油脂豐富，肉質嫩滑，牛味濃。1.澳洲M5和牛肩胛肉2.三角牛肩肉3.SRF極黑一口牛4.美國SRF極黑牛5. 安格斯牛小排6.鹽選牛舌7.嚴選牛仔骨8.秘制牛肋條➰海鮮&蔬菜➰1.爽彈虎蝦2.絲瓜煮蜆3.燒帆立貝4.起司鵪鶉蛋5.奶油金菇➰豬&雞➰1.九層塔三杯雞2.鹽蒜麻油雪花豬3.原住民鹽燒肉4.老虎雞翼➰飲品&甜品➰1.阿里山檸檬紅茶2.紅火冰茶3.海鹽奶蓋紅茶4.安平芋圓仙草總括而言，醃製品非常入味，惹味，材料選用新鮮，喜歡吃燒肉的人最佳之選。
继续阅读
當朋友推介這間燒肉餐廳時，聽到澳洲M5和牛無限添，仲有其他高質燒肉和食物，二話不說，一到星期日就搵朋友過嚟食放題☺️☺️餐廳環境舒適，好光猛，座位都好多，為咗避免太多人要等位，我哋6:00pm就到場，已經有幾台食客，到咗大約七點已經全場滿座，開始有人等位😆手機落單，非常方便，食物選擇不少，即刻叫咗不同的牛肉同海鮮😋✨嚴選牛舌芯✨厚切上選牛腹肉✨美國SRF極黑牛✨三角牛肩肉✨SRF極黑一口牛✨澳洲M5和牛肩胛肉✨安格斯牛小排✨安平私房牛腹肉推介嚴選牛舌芯，爽口彈牙，完全冇筋，每台送兩條，嘗嘗味道😋😋 M5和牛脂油香十足，入口即化，完全停唔到口💗牛肉選擇不少，每個部位都有不同的特色，不同的口感，樣樣都試咗，非常滿足🫶🏻✨墨魚香腸✨爽彈虎蝦✨燒帆立貝✨烤魚乾✨鹽蒜燒生蠔(必須煮熟)✨絲瓜煮蜆✨美乃滋章魚燒✨台灣鯛魚下巴估唔到海鮮的選擇都唔少，墨魚香腸非常彈牙，虎蝦大大隻，帆立貝牛油香十足，燒魚乾非常香口，絲瓜煮蜆清甜，鹽蒜燒生蠔香滑🫶🏻✨起司鵪鶉蛋✨台灣小枕頭（麻糬）✨奶油金菇✨即食滷水涼拌鴨舌 ✨梅山酥炸薯✨鳳梨，粟米叫咗一啲台式小食，很不錯，yummy💗自助區有不同的飲品和蔬菜，我就試咗燒菠蘿，味道很不錯👍🏻✨紅火冰茶✨百香果綠茶食燒肉點可以少得冰涼飲品，即刻叫咗兩杯特色飲品，冰冰涼涼，酸酸甜甜，非常解渴生津✨ Häagen-Dazs✨台式芋丸糖水食完燒肉仲有甜品，雪糕界王者Häagen-Dazs，仲有台式芋丸糖水，為今晚燒肉放題畫上完美的句號💗
继续阅读
《可能系安平燒肉最詳細食評😳》講咗咁耐 今次終於到史努比食燒肉啦🤪呢間安平燒肉好似系牛大人嘅姊妹店 不過價錢方面就牛大人平好多🫣今次試咗最貴嗰個set咁就可以試晒咁多款肉🤪-♡ 澳洲M5和牛套餐(120分鐘任飲任食)$418呢度放題有得食兩個鐘 就算慢慢燒 時間都非常充裕😚.先講下醬料 有辣醬 安平黃金醬 玫瑰岩鹽 特調醬油同埋檸檬汁史努比最推薦特調醬油+檸檬汁醬油味道唔會過鹹同燒肉好夾加少少檸檬汁帶啲酸味更開胃😝🐮牛肉Lv4 每人有一客牛舌芯送👍🏿嚴選牛舌芯 7.5/10好淋婇易咬開😳但依然富有彈性唔會冇晒口感咬落出油香即刻bit出嚟充滿成個口腔🤤史努比本身就唔太好牛舌 不過鐘意油脂重嘅肉嘅話你一定超like😛👍🏿澳洲M5和牛 8/10睇油花都知佢系靚嘢😎唔會切太薄 食落好淋唔會韌😚.👍🏿安格斯牛小排 9/10史努比反而覺得安格斯仲正🤪油脂分布平均 入口油香四溢肉質更軟嫩 而且牛味濃 咁多款肉史努比最recommend呢款😎Lv3 👍🏿美國SFR極黑牛 8/10牛味濃 唔會太肥 食落好淋唔韌🙌🏿.👍🏿三角牛肩肉 8.5/10雖然Lv3主打極黑牛 但史努比覺得呢隻仲好食😛油花分布好靚 食落真系好嫩唔使點咬🤣.👍🏿SFR極黑一口牛 7/10冇諗過連牛肉粒都唔韌 真系幾難得😎.👍🏿嚴選牛仔骨 8/10牛仔骨有返咁上下厚度 估唔到一樣都系咁淋😳牛味濃郁 略嫌偏肥 但系幾好食嘅😂.👍🏿秘制牛肋條 8/10冇骨啱晒史努比呢啲懶人🤣嫩滑唔韌 醃料唔會過鹹Lv2👍🏿安格斯牛板腱 9/10唔系講笑 食Lv2嘅話真系可以狂咪呢隻肉😂睇相都見到油花幾咁靚最正系食落唔會過肥但好嫩滑🤤.👍🏿厚切上選牛腹肉 7/10對比起其他 呢隻就冇咁淋咁嫩 可能因為佢切得厚🤣但都唔系韌同埋牛味幾濃 食得過～.👍🏿燒牛舌呢個系就薄片牛舌 史努比冇試媽媽話好食 佢encore咗幾轉😂Lv1系冇牛肉架🙌🏿🦞海鮮Lv4👌🏿烤帆立貝 6.5/10上面有一塊牛油 燒完帆立貝縮到好細😅不過食落鮮甜唔韌嘅.👍🏿爽彈虎蝦 8/10估唔到真系幾大隻😚肉質幾彈牙 食得出蝦嘅鮮甜 唔錯!.👍🏿屏東燒魚腹 8.5/10雖然賣相唔系太好 但估唔到有啲驚喜應該系鰻魚嚟架 魚肉肥美食落幾惹味😛.👍🏿鹽蒜燒生蠔 6.5/10新鮮冇臭味 不過同帆立貝一樣縮到好細但味道唔錯嘅Lv3👍🏿安平私房燒青口 7/10唔腥唔臭 帶少少甜味😆不過啲醬汁稍為蓋過咗青口本身嘅味道.👍🏿烤中卷 8/10本身仲諗緊佢系咩嚟🤣原來系魷魚爽口彈牙 唔錯喎😳.Lv2👌🏿絲瓜煮蜆 6/10味道正常嘅 間唔中有啲有沙同埋頗為細隻🙌🏿-🐷豬肉雞肉Lv3 👍🏿烤豬肉乾 8.5/10唔系誇張 燒完之後拍得住澳門啲豬肉乾但記得要燒一燒令佢變軟身又香又淋 鹹鹹甜甜幾好食架😛.👍🏿厚切雪花豬 7/10史努比同媽媽都一致認為佢系豬頸肉嚟厚切得嚟好夠淋滿滿嘅油脂香 鐘意豬頸肉就唔好錯過啦🤪.👍🏿醬燒雞爽肉 7/10而家先知原來雞爽肉系雞頸肉雞比較肥嘅部位不過燒完幾香 亦都好淋好嫩🙌🏿.Lv2👍🏿厚切杜洛克豚肉眼 8/10已經醃好咗 除咗原味之外可以揀薑汁冇豬頸肉咁肥但好淋好嫩😆食得過～.👌🏿西班牙豬五花 6.5/10呢款就相對普通 但唔韌 都唔伏嘅.Lv1👎🏿梅花豬 1/10應該系唯一一款伏嘅肉好鞋好韌 唔使試🤣.👍🏿雞腿肉 8/10有原味 薑汁同蒜鹽麻油雞髀肉好滑 有啲雞皮燒脆咗會好香但史努比唔食皮😂-🍗其他Lv4 烤魚干 7.5/10燒到軟身之後食落幾香 鹹鹹甜甜咁幾得意😎同mayonnaise 都幾夾～.Lv3👍🏿煙燻鴨肉片 9/10鴨胸好嫩滑 自帶鹹香🤤但層皮就肥咗啲 史努比冇食皮 encore咗幾次🤪.👎🏿香菜皮蛋炸魚柳 4/10因為我哋都唔鐘意香菜 加埋皮蛋陣味好怪唔推薦.👍🏿滷水涼拌鴨舌史努比冇食 媽媽話幾好食😆食得過.Lv2👌🏿花枝甜不辣 6/10食落幾彈牙 有啲似花枝丸 正正常常啦🙌🏿.Lv1👌🏿台灣小枕頭 6/10其實即系烤麻糬燒完之後會脹起架 都幾得意😂食落本身系冇味嘅 要點啲煉奶煙煙韌韌嘅口感 ok啦但冇話特別好食🤣.👌🏿起司鵪鶉蛋 奶油金菇 6/10兩樣都系正正常常啦🍖台式小吃Lv1就食得架啦除咗黃金泡菜史努比覺得幾特別可以一試唔同韓式泡菜 佢醃製方式用咗花生鹹蛋黃等等食落都幾香🤪其他都非常普通可以skip😂🥙自助區仲有啲蔬菜 飯同埋牡蠣湯史努比推薦燒菠蘿 鮮甜多汁 清爽解膩🤭.🥃飲品史努比最推薦佢哋嘅冷泡茶食咁多肉飲返啲無糖茶解膩一流🤭四季春烏龍 巨峰葡萄綠茶 桂花烏龍 藍莓果茶 蕎麥茶仲有幾款台式茶飲 但味道偏甜🙌🏿另外仲有汽水🥤🍨甜品 每人一份可以揀Haagen Dazs雪糕或者系芋圓仙草一份Haagen Dazs就淨系得朱古力 cookie&cream同埋期間限定嘅macaron口味*另設加一服務費*總結呢間嘅牛肉真系好有質素史努比覺得最抵食會系安格斯牛套餐19:30前離座嘅話 $258/人😆當然貴啲嘅牛更加靚 同埋其他嘢食都真系唔錯.店員服務態度唔錯 會主動幫我哋換網唔覺有漏單或者錯單嘅情況加上牛肉有牌顯示邊款打邊款👍🏿成餐飯我哋食得好開心 值得大家一試😚.整體評分：味道: 8/10環境: 8/10服務: 8/10衛生: 8/10性價比: 7/10
继续阅读
您可能会有兴趣的...