149
55
3
开饭介绍
主打素食的餐厅，未来汉堡以100％的植物制造，不含抗生素及胆固醇，配上新鲜蔬菜，十分滋味。
继续阅读
附加资料
素食
营业时间
*Last order: 20:30
星期一至日
12:00 - 21:00
以上资料只供参考，请与餐厅确认详情
相关文章
朋友素食在尖沙咀找了這間，平日星期四下午兩點半不用等直入。地方不大，座位不多，燈光通明，環境舒適。服務佳，價格尚可，食物味道就只覺一般，見告示此尖沙咀店將於八月初結束營業，結單時也送了coupon是贈送一客價值$18鍋貼，只適用於荃灣店。下午茶選擇少，但正價餐牌食品價格也不高，但選擇也不多。新肌肉能量碗，朋友覺得不錯，有不同蔬菜豆類，仲加了牛油果燕麥等，份量也大，配合芝麻沙律醬，十分開胃。對西多士較為失望，而新牛漢堡及黑松露意粉只一般。
继续阅读
係Green Common點咗個素食餐。素牛漢堡$68，素豬肉鍋貼$18，Ice Cappuccino$38。個素漢堡好似係真牛肉。食落好多肉汁。素豬肉鍋貼食到有真豬肉味。好美味。杯Ice Cappuccino好飲。$136令素食者重拾牛及豬肉味道。真係超值。
继续阅读
喺海港城趕住食飯，同朋友決定食green common，食吓素個人心情都好啲～一向鍾意green common算係平價素食，出面好多食素價錢都好貴，但green common嘅嘢食質素唔錯，又真係扮得幾似。焗芝士豬扒意粉芝士唔知用咩整，好漏好漏，啲芝士係用一舊舊嚟形容，唔係唔好食，只係好漏舊豬扒口感好似豬扒，唔細心都唔會食到豆味，唔錯！成碟野都幾重味，as comfort food嚟講都食得開心嘅，入面又有啲菜，食完自我感覺良好。意粉口感不錯，酸酸甜甜咁，都幾大碟，可能因為啲芝士太漏啦，最後都係食唔晒，不過都好過唔夠食嘅。炸餐肉條另一comfort food 食就食咗好多次，炸嘢，口感似餐肉，可以再咸啲。份量都唔少。見到夜晚都無乜人去，同埋佢地個門牌好低調，我地開頭都搵唔到。希望多啲人會去呢間高質素食店！
继续阅读
響附近shopping後黎醫肚，俾新肌肉能量碗既牛油果所吸引，見有好多蔬菜，於是就試下呢碗野食。先黎左個蘑菇湯，蘑菇打碎左，令口感更rich,超好味！跟住到新肌肉能量碗上檯時，我心諗：嘩，咁大碗既，真係好夠「能量」喎😜食第一啖既時候，真係好有驚喜，冇諗過呢個素食盤係咁好食，加加埋埋有十樣蔬菜響裡面，仲要加煎得香口既新餐肉同好有質感既豆腐，再配埋特式花生醬去食，真係好滿足到味蕾+健康需要😍Yummy Yummy😋😋最神奇既係，食下食下竟然可以成碗食哂，真係好滿足呀！☺️👍🏻👍🏻
继续阅读
還記得第一次食Green Common已經是幾年前，我對於她們仿效肉食菜式的素食意外又驚訝，想不到除了傳統的中式齋菜之外，西方素食會是這樣的味道，加上這個品牌所設計的菜單結合了亞洲元素，令人印象深刻。假期的下午來到尖沙嘴分店用餐，本以為如旺角分店那般需要先到櫃檯落單付款，但原來店員會過來落單，離開之前才付款，就如一般餐廳一樣。港式懷舊小食系列裡面我們選擇了咖哩三寶($39)。咖哩汁的味道非常濃郁，帶有一定的辣勁。三寶裡面包括了魚蛋、菇和白蘿蔔；先試了純素魚蛋，口感彈牙，食得出是由蒟蒻製成，沾上咖喱汁後味道跟非素食版的魚蛋真的頗為相似；菇的表現正常，都幾掛醬汁；白蘿蔔明顯是先用滾水焯淋，出餐前再放進醬汁內；要知道蘿蔔本身是一種幾吸收味道的食材，預先在滾水裡煮好的白蘿蔔一咬下去流出來的都是清水，丁點咖哩味也沒有走進去，再加上蘿蔔不甜，可以說是整件白蘿蔔都是沒有味道的。本以為乾炒牛肉意粉($78)會如港式乾炒牛河的似，可是無論賣相還是味道都如燒汁煮意粉。意粉份量偏少，沒有鑊氣，只有淡淡的燒汁味；裡面有一塊塊的植物牛肉，樣子跟牛肉都似，吃上去質地偏薄身，食到是用豆皮類製成的，素牛本身亦有一些醬汁調味，以非素食者的角度和口味來說我覺得都不差的。野菌黑松露意粉($89)上菜時聞到很香的松露味，眼見松露粒粒的比例也算多。醬汁來說，雖然松露味都是突出的，但是有一個問題就是餐廳應該使用了燕麥奶去烹調醬汁，因需增加稠度而加入了麵粉打嵌，加得太重手，以致整碟菜式變得糊糊的，加上意粉本身已經煮得偏淋，因此這碟意粉的口感和味道都很糊，很有進步空間。除了食物，我們本身想點純素的奶蓋茶消消暑，店員卻告知整個奶蓋茶系列也沒有供應，但餐牌上沒有寫上，讓我有點失望。推廣素食的想法都是好的，希望餐廳可以在烹調過程中加入多一點誠意，因為客人是食得出的。
继续阅读