186
8
2
营业时间
今日营业
12:00 - 15:00
18:00 - 22:30
星期一至日
12:00 - 15:00
18:00 - 22:30
以上资料只供参考,请与餐厅确认详情
食家推介
相关文章
佢哋最近有个感谢祭嘅活动,只需要$398就可以食到!我之前就试过佢哋湾仔分店嘅感谢祭,觉得性价比超高,所以今次又再嚟试下。真系太值啦!💰💯上次去嘅时候冇坐到铁板前,但今次系观塘分店就坐喺铁板前边,有一种另外一番风味嘅感觉。😎食物方面同上次一样,依然系一级棒!味道真系好到爆灯!👌我特别推荐大家嚟试下佢哋嘅感谢祭套餐,绝对唔会令你失望!每样菜都好出色,啲肉好嫩,海鲜新鲜靓味,炒饭香口,真系令人回味无穷。😋总括嚟讲,板神嘅感谢祭真系值得一试!唔止系食物好好味,仲有个超抵嘅价钱!
继续阅读
第一次系嚟庆生,依家又嚟庆祝纪念日,已经落入咗本编嘅铁板烧口袋名单😂。一到大时大节就拎出嚟,包稳阵😌。今次初嚐二人餐,感觉上几抵,因为最多人食嘅感谢祭要加成三百几蚊先食到龙虾,而二人餐就已经包埋,除开嚟计平啲 (前提当然系对龙虾有兴趣啦~🦞)。不过就冇得一人嗌一样share食试多啲品项,呢点要自己衡量下🤌🏻▪️大丰·铁板烧二人前 $1680▪️/前菜、沙律、刺身、鲍鱼、*龙虾、带子、野菜、*澳洲和牛、炒饭、渍物、面豉汤、*抹茶奶冻/*当日嘅本日海鲜系龙虾同带子,主菜拣咗澳洲和牛,是日甜品系抹茶奶冻🌟重点提要:➪ 澳洲和牛食两次,两次都觉得厚烧正过薄烧。会问你要几多成熟,小编例牌答5成,厚厚六件骰仔牛,烧得软嫩多汁。下次可以挑战3成,见隔离枱件粉红色好靓。有别於日本/韩国和牛,澳牛肉感同脂香都兼顾得到,冇入口即融嘅感觉,但就有牛肉嘅𡁻劲,咬下咬下肉味齿颊留香。佢下面垫底块包都几有诚意,奶香奶香的,唔怕饱嘅话可以留返一两旧夹住嚟食➪ 龙虾、鲍鱼用只龙虾本身嘅虾膏,加埋袐制酱汁炒制而成,虾味浓郁但调味偏咸。算多肉食,有几何啖啖龙虾肉接连摆入口,可惜肉质唔够结实爽弹。反而鲍鱼就真系做到嫩、弹、脆,一啲都唔擦纸胶,不过对小编嚟讲一样咸咗少少。其实原味已经好够做,但仍然建议点埋海鲜酱食用,别有一番风味➪ 砂糖吐司公开嘅隐藏菜单,每枱例牌送一份。望住佢落海量牛油嚟煎,将砂糖堆成小山丘,健康关注组人士个心都离一离。唔好睇佢邪恶度max咁,实际上完全唔油腻感,煎得薄脆可口,牛油香气四溢,仲甜度适中。真·系·好·出·色!成餐饭完美收结📒後记:今次观塘店冇咗心型炒饭😢,师傅同我哋亦冇太多互动。仲记得尖沙咀嗰间个师傅好可爱,会帮客人set好个靓位影相,又会不厌其烦咁介绍每道菜式🥹。而且观塘店内笼较细,冇乜私人空间,变相环境都会比较嘈吵🗣️,小编就建议book返其他区喇~
继续阅读
之前都听过好多人提过板神见佢做感谢祭 最平$398就可以食到即刻book左黎试 (我食嘅时间个优惠的确出左冇耐)不过我太懒 又系latergram 而家先post番好彩佢个感谢祭优惠extend再extend而家都仲有食 不过大家都知有几爆 尽早book定位首先讲下套餐有啲咩先【铁板烧十四品」感谢祭套餐】前菜 沙律 刺身三款 南非鲍鱼 缅甸大虾带子 白鳕鱼 法国鹅肝 季节野菜套餐附炒饭 渍物 面豉汤 甜品 / 热咖啡日本豚肉 薄烧$398美国牛肉 薄烧$398 厚烧$448澳洲和牛 薄烧$498 厚烧$548和牛A5 薄烧$598 厚烧$648一行三人 铁板烧都会想食牛嘅关系我地就美国牛肉 澳洲和牛 和牛A5三种牛都试哂 都系拣厚切呢个套餐真心抵 以为佢做优惠啲食材会冇咁靓但系都仍然好高质 南非鲍鱼非常大只 又香又弹牙大虾好肥美啖啖肉 带子又系好大只 好新鲜香煎白鳕鱼 肉质鲜嫩师傅用细细嘅汉堡包包住厚厚嘅鹅肝 咁就唔会好漏牛方面真系有好明显嘅分别 唔洗讲都知和牛A5入口即溶最好食当日其实系母亲节 师傅仲好好咁 炒饭时炒左个心形送俾在座嘅妈妈 又可以俾大家打卡影相甜品有抹茶奶冻 唔好睇佢细细杯 但苦涩抹茶味浓 好高质最後师傅送多个甜品用糖煎多士 成餐都非常完美
继续阅读
今日嚟同朋友庆祝生日,试下佢个anniversary set menu, 有sushi set 或者铁板烧set拣。$398 per pax我哋一行四人,大家都食铁板烧set大致上感恩材料系因货就价,牛同海鲜都唔太新鲜,师父全程都好赶急,大慨40分钟已经上甜品,对於庆祝来说实在唔够。不过当系一次体验都唔错,因为平时食铁板烧一个人起码都$600-$700, 如果从来未试过食铁板烧嘅人可以一试我建议一个周年庆set到今个月都仲有, 食之前最好book定位因为都几full
继续阅读
今日同男朋友黎到观塘呢间铁板烧食饭庆祝下,知道佢地依家有个优惠套餐都几抵食🫣不过我地之後加钱转左好多野🤣我地叫左398套餐,当中包含14品铁板烧,之後再可以加钱upgrade 转其他野食1️⃣前菜芦荟沙律🥗,酸甜开胃2️⃣刺身三款套餐个个系带子、鲷鱼、赤身,虽然好细块,但系鲜甜,好新鲜❤️❤️,另外男友锺意食生蚝,所以upgrade 左一份刺身,男朋友话全部都好食😽😽3️⃣鲍鱼鲍鱼用南非鲍鱼,简单用黑椒、牛油🧈、盐调味已经好好食🤤,鲍鱼弹牙嫩滑,厨师功力好😽4️⃣大虾🦐每只大虾都好大只,大过一只手,厨师会将虾头同虾身分开处理,再用虾膏汁炒,先食虾肉,再食虾头,虾膏完全唔浪费,好鲜美🤤5️⃣鹅肝汉堡、白鳕鱼、蚝本身系三拣一,但系职员话可以➕180要晒3样,我地紧系要晒,好抵🫣鹅肝好肥美,烧完摆落迷你汉堡度,好香😽白鳕鱼我估唔到煎完咁好食,好滑嫩。蚝都好好食😋6️⃣日本A5和牛厚烧、薄烧牛肉部分,我地upgrade 左做日本和牛,一份要厚烧,一份要薄烧。薄烧会卷葱粒同蒜片、厚烧就会切成一粒粒比我地食,两个都非常好味,牛肉味浓,肉质软焾,无筋,🥰🥰🥰7️⃣炒饭本身谂住会唔会唔好食,但系炒饭加左蛋、葱、蒜、樱花虾等材料後,厨师不断翻炒,米饭粒粒分明,唔油腻,好食,但系太饱,只系食左一半😂8️⃣面鼓汤正常面鼓汤9️⃣绿茶红豆奶冻奶冻好香浓牛奶味,配埋微甘绿茶汁加清甜红豆🫘,好满足😌🔟焦糖脆多士睇住厨师整就知道有几邪恶,好多糖同牛油🧈整嘅甜品,香甜脆口,食一块好啦🤣消费价钱:2人💰1960,人均💰980结论:(10分为满分)味道:9/10性价比:7/10回头指数:9/10餐厅名称:板神鉄板烧日本料理(骏业街)餐厅地址:观塘骏业街43号地下
继续阅读