195
15
10
港铁太古站 A2 出口
继续阅读
电话号码
34881302
开饭介绍
拉面店提供豚骨汤底及虾味噌汤底拉面,汤底浓郁,无添加味精。亦提供日式咖喱饭及日式班㦸。
继续阅读
营业时间
今日营业
11:30 - 22:30
星期一至日
11:30 - 22:30
以上资料只供参考,请与餐厅确认详情
食家推介
相关文章
一排冇嚟,今晚三个人约7:15pm入座,当时有七、八枱客。叫咗两个拉面一个咖喱猪扒饭,两个拉面等咗约廿分钟嚟,食咗10分钟食完,个咖喱饭都未到。催咗两次都话整紧,催到第三次竟然先同我讲漏单,终於等到成八点先有得食。其实成间餐厅啲运作,由出菜、上菜到埋单,都感觉相当混乱,啲伙记好似完全唔知自己做紧乜,见隔离几张枱都有出错情况。其实已经电子落单,唔明点解都仲可以有咁多甩漏情况,我系外国包括大陆,都未试过有漏单情况。所以香港做饮食业嘅唔好怨点解冇客,个个北上,麻烦认真检讨吓自己个行业先!
继续阅读
明明无乜客,眼见後面黎个客都上左面我去问职员,佢话我无落单我比佢睇话我QR code落左单 足足等左半个钟 佢话佢要煲汤 要再等最後我发现系佢地个QR code问题明明我一直坐紧07 枱07枱个QR code 落单话我坐C6 枱大家落单记得睇清楚 因为佢人手不足 等得耐我以为正常原来系一直落左枱号
继续阅读
每次行吉之岛/康怡呢边,经过呢间拉面铺,都会想试吓,门外仲有日式crepes,睇落几吸引。唔知道茶房别天神系咪同坊间连锁嘅一样味,我都系抱住好奇心态试试,但结果有啲失望😥店舖面积唔大,总算可以容纳到5-6张枱,叫做可以行紧商场时,搵个地方歇息下食碗面🍜店员态度麻麻,自助式落单同斟水,所以免加一。豚骨汤拉面 $80叫咗个最普通嘅拉面黎试吓佢嘅功架,汤底非常浓厚,亦都偏咸,唔太好食。面质较硬身,锺意淋身可以同厨房order。唯一值得称赞嘅系佢任加的辣芽菜,好开胃,够提味😌
继续阅读
主打龙虾汤底拉面,只有龙虾同猪骨可以拣,另外小食系有饺子 同龙虾沙律。铜锣湾分店就得依几样嘢可以食,太古分店会多左咖啡饭可以拣。整体份量都几足,吾会食完好似冇食感,正常男仔食量都可以8成饱。 面底系用博多拉面个只幼面,都可以同师傅讲反想要硬度。另外有辣芽菜,蒜蓉,红姜丝,拉面汁,芝麻 系枱头可以自己加,客制化自己口味,仲贴左张指引点加最好味。个人最爱辣芽菜,辣得黎吾咸 仲好脆,不过都中辣左右,吾食得辣就试一条就好。 龙虾汤:食落好浓龙虾味 但吾会过咸,第一啖食落去 超级幸福。配料都好大方 吾会得个小小,成个面面 都有料。叉烧系厚身,有咬口得黎吾会鞋 系弹牙嘅,不过就就细块左小小 龙虾沙律:食落超重龙虾味,仲有劲多龙虾肉,大推一定要试! 猪骨汤:比起龙虾汤 清淡好多 同埋较为普通,不过食得出猪骨个甜味,同埋主打冇味精 冇奶 全猪骨。不过都系食反龙虾汤会开心d 饺子:好普通合格嘅日式饺子,个片系软身 入面都有蔬菜甜,不过就吾特别
继续阅读
原本对别天神既观感都几好,汤底ok,面正常,又唔会话太细碗。加上系商场行完街,想食一碗拉面既时候系一个好选择。今日6点几入到别天神,嗌左一个套餐同一碗面,开头食都觉得侍应态度OK。我见到枱面既芽菜冇晒,念住叫侍应refill,点知听到就话差唔多沽清晒,咁佢哋都有去隔篱枱拎俾我哋,虽然都系得返小小。去到最後,咁见到佢menus 有pancake,心血来潮想一试,但手机冇得落单,咁就问下侍应啦,咁有个男士应就话今日嘅pancake卖晒啦,咁都谂住算啦,冇晒都冇办法。点知隔篱枱有一个女人新入嚟,又系睇紧啲pancake,佢都系见到menus 冇,就问个男侍应,点知个男侍应就话「咁啱仲有一个」,我个下都呆左,心念你头先又话冇既,呢家同第二个讲话仲有最後一个。我见到其他侍应望住我都有小小尴尬,就知咩料。後尾念念下,谂极都唔明,条气唔顺,决定上黎诉苦。
继续阅读