开饭介绍
多款高质西餐，推荐即叫即做脆卜卜农夫包。荃湾分店设户外座位，可欣赏海景。
继续阅读
营业时间
今日营业
11:30 - 22:30
星期一至五
11:30 - 22:30
星期六至日
11:00 - 22:30
以上资料只供参考，请与餐厅确认详情
食家推介
相关文章
今晚我和朋友去了荃灣一間cafe吃好西.平日晚有不同的半價優惠, 都幾抵, 今日是星期三, 所以我們叫了星期三的半價優惠菜式:WM美式豬仔骨 (半份) 配田園沙律, 薯條 ($109):豬仔骨煮得夠淋夠軟熟, 很容易切開, 完全不會韌.同埋真係好入味, 好好食, 好香, 幾正.另外田園沙律都好fresh, 幾開胃, 不錯.薯條非常香脆, 幾香口.烤澳洲豬扒配時令蔬菜. 薯蓉 ($198):因為我和朋友都很喜歡吃豬, 所以我們兩個主菜都選了豬.豬扒煮得一點都不韌, 好軟熟.另外個汁幾香甜, 同豬扒好match, 我都幾鐘意食.另外薯蓉非常滑, 幾香口, 奶味香濃, 幼滑.食完2個主菜後, 當然是想吃甜品.見到店面有不少蛋糕, 幾吸引.最後我們點了WM自家製蛋糕--阿華田脆脆芝士餅 ($48):又幾特別, 阿華田幾香口, 又不會太甜, 甜度剛剛好, 幾好食.加左一之後, 埋單都不過$400, 算幾抵, CP值高.
继续阅读
🔸Set Dinner $288餐湯係忌廉龍蝦 蟹肉湯 Lobster Bisque 一上枱就聞到個龍蝦湯味十分香濃，而且份量都唔少，好滑好香好好飲，湯中央仲放咗蟹肉，有咸鮮味，跟餐湯仲配咗一個豬仔包，除咗可以搽牛油之外，仲可以用嚟蘸龍蝦湯一齊食，淨係個頭盤已經夠睇頭。主菜 烤美國安格斯肉眼扒配紅酒汁 Grilled US Angus Rib eye Steak with red wine sauce大大件高質肉眼扒 👍🏻，今次想食生啲，只要咗medium五成熟，牛扒放咗喺一堆薯蓉上面，肉眼扒烤得剛剛好🤪肉質嫩滑juicy，可能只係烤五成，無煎牛扒嗰啲美拉德反應，牛肉無焦香，但肉質嫩嫩哋，嗰牛扒汁係好重紅酒香味嘅，咸咸哋，用嚟蘸半熟嘅嫩牛扒就最啱。靚嘅牛扒鮮肉，其實簡單蘸點岩鹽食就最美味，餐廳跟碟都配有一份粉紅岩鹽。Dessert WM 自家精選蛋糕 係藍莓cheesecake，呢個甜品唔會太甜幾好味😚餐跟一杯飲品 凍百香果茶，清清甜甜用嚟跟個芝士蛋糕一齊食 就更加好味啦。味道：8/10性價比：7/10🔸窩夫配雪糕 $68 Waffle with ice cream窩夫係即叫即焗㗎（要等約十分鐘），熱辣辣脆卜卜嘅窩夫上面放咗一球朱古力雪糕，配咗啲藍莓同埋草莓，呢個甜品唔算好甜，冷熱混合一齊增加口感。味道：7/10性價比：7/10
继续阅读
養寵物嘅大家有時假日都會帶埋毛仔毛囡出街食下野 周圍去影下靚相今日黎到海之戀商場呢個商場係pet friendly嘅好多餐廳同店舖都俾毛孩一齊入而呢間西餐廳 毛孩都可以一齊入佢係有戶外位置 可以chill住咁食嘢室內又有靚靚特色牆可以打卡影靚相而家仲要好抵食 晚市會有特價餐 抵至半價我地叫左黑松露雜菌pizza轉套餐（+38）先上套餐 餐湯係龍蝦湯個湯好有驚喜 佢係有甘甘地果陣龍蝦味而且夠挺身 唔會好稀以呢個價錢嚟講性價比好高另外亦都包咗兩隻炸蠔 同埋沙律炸蠔咬落Creamy 唔會炸到乾爭爭沙律亦都夠新鮮 面頭有塊柚子食落好Fresh叫咗套餐嘅，亦都會包個餐包 係黑糖餐包上枱嗰一刻嗰包係熱辣辣 所以做到外脆內軟加埋牛油 可以媲美某餐廳嘅黑糖麵包Pizza有得揀厚/薄餅底而我係揀咗薄批佢批B濕濕嘅部份做到餅乾咁脆而成個Pizza有滿滿嘅菇同芝士配返薄批唔會肥膩黑松露醬亦都好夠 每塊都有一堆好香唔會好油另外叫咗半份美式豬仔骨 配沙律同薯條薯條係粗薯條，而且仲保留到脆口份量好多豬仔骨切落夠腍 肉質一絲絲嘅配埋美式醬 好惹味而且啖啖肉 唔會得骨位夾埋沙律 又可以清一清個口餐飲叫咗朱古力咖啡同百香果紅茶估唔到佢杯咖啡都幾大杯，而且唧埋cream不過就甜咗少少百香果紅茶就清清地 唔會太酸最後叫咗蛋糕巴斯克蛋糕同埋Tiramisu巴斯克蛋糕做到流心效果 係個好輕盈嘅芝士蛋糕Tiramisu 酒味唔算強烈 少少咖啡味 鬆軟 係一個適合大家一齊食嘢蛋糕呢間餐廳真係坐得舒服又抵食
继续阅读
Happy Friday 又去搵好西食🤣 今次揀左海之戀商場入面既WM Cafe & Bar，遲左收工差唔多8點去到已經坐滿哂人，室外好chill幾有氣氛 但今個星期太凍得幾度🥶 都係坐係入面算Menu 都非常多款式選擇，Pizza、Burger、Pasta、Risotto、Main Course 樣樣都齊，唔算太肚餓就揀左日本帶子明太子扁意粉同雙層安格斯芝士牛肉漢堡兩款only🤪✨日本帶子明太子扁意粉 $158有5粒帶子，帶子彈牙煎得幾香口，明太子醬汁濃郁得黎有少少辣香，意粉既軟硬煮得剛剛好，配搭帶子同明太子嘅組合，味道超級滿足，明太子嘅鹹香同帶子嘅鮮甜完美融合，另外仲有少少野菌點綴，整體幾好而且份量都足夠，好飽！✨雙層安格斯芝士牛肉漢堡 $128 配薯條(+$18)安格斯牛肉好鮮嫩多汁，勁厚身，漢堡內仲有兩層芝士，口感creamy，香味濃郁，啲肉汁同芝士嘅結合，真係一絕！加埋生菜、番茄、洋蔥、幾粒酸瓜同香脆嘅麵包，味道更加豐富，超大份好飽肚，薯條都完全唔慳皮，熱辣辣上碟，捧腹而回。✨+$38套餐(沙律, 吉列炸蠔, 是日餐湯/餐包, 凍西柚蜂蜜綠茶)套餐既沙律作為前菜份量會相對輕盈一點，另配兩粒吉列炸蠔，脆卜卜好食，餐湯則好普通蕃茄湯，無特別材料較為失望，餐包就比我想像中好食，配牛油有驚喜。凍西柚蜂蜜綠茶好開胃，有少少西柚嘅酸爽同蜂蜜嘅甘甜味，口感好涼爽，好解渴而且唔算好甜岩哂我，唔洗加錢飲都幾抵。整體食物都不錯，西鐵站商場黎講依個價錢真係算抵，又方便環境又唔錯有露天位置，會再黎食，我見晚市都坐滿哂人，不過侍應態度就幾差，無咩禮貌，無笑容都算，講野語氣都好惡，希望下次黎唔係咁。
继续阅读
放工成日搭西鐵都會經過海之戀商場 今日放工約左朋友決定順路想搵間西餐廳食下飯傾下計 而價錢又比較相宜 就決定黎WM 餐廳有室內和室外位置 因應個人喜好選擇✅基本上佢地Pizza 意粉🍝等等Main dish 都可以加$38 轉套餐 有齊餐湯 沙律 🥗 小食和飲品餐包 - 黑糖餐包 入口好鬆軟 單食或者配湯都好夾是日餐湯有蘑菇湯/ 龍蝦湯＋沙律+ 吉列炸蠔龍蝦湯相對味道較為濃郁 而炸蠔爽脆鮮甜 有驚喜😍我地另外加左一個小食 - WM炸雞翼 6件 （柚子醬）除左原味和香辣等相對傳統口味 我地試左柚子醬 入口較為清甜 肉質嫩滑 鎖到肉汁水份 WM手撕豬肉薄餅餅底相對薄脆 兩人分享都唔會太heavy 而選用的汁料頗惹味 包括小辣的墨西哥辣椒、juicy 的菠蘿、紫洋蔥、燈籠椒和芝士🧀等等 配上豬肉粒口感豐富WM焗安格斯牛肉醬芝士千層麵配薯蓉肉醬傳統系列的相信都會喜歡 飽肚感十足 配上軟滑的薯蓉 千層麵吸收左香濃的肉醬芝士🧀 非常邪惡飲品： 熱伯爵茶凍西柚蜂蜜綠茶兩杯飲品都唔駛額外加配 比起傳統Coffee or tea多左傳擇 而整個晚餐都係人均百幾 性價比高值得支持☺️
继续阅读