158
62
25
电话号码
28130507
开饭介绍
主要以奶茶、咖啡、通粉为主,最出名的是西多士。由於经济实惠,吸引了不少人慕名前往。
继续阅读
附加资料
逢星期二休息
营业时间
今日营业
06:00 - 12:30
13:30 - 16:00
星期一
06:00 - 12:30
星期二
全日休息
星期三至四
06:00 - 12:30
星期五至日
06:00 - 12:30
13:30 - 16:00
以上资料只供参考,请与餐厅确认详情
招牌菜
食家推介
相关文章
食记 (275)
下午3点前到着都好惊无得食本来谂住试埋菠萝包 (及所有包类) 都全部卖晒所以只叫了招牌咖央西多士($𝟑𝟎)搭多两杯热奶茶!其实去到见到台台都系一个人叹紧奶茶西多士识食既紧系跟啦果然与别不同! 完全唔需要任何额外糖浆面包外皮煎到脆卜卜炸到起丝入面咖央酱甜度适中刚刚好『我从来未食过咁好味既西多士架架架架!』热奶茶够热幼滑正宗有茶香饮到尾都系热辣辣特登入赤柱好彩仲有西多士食咋!⭐⭐⭐⭐⭐⭐⭐⭐⭐⭐小编十星推介‼️
继续阅读
好耐冇嚟过赤柱,唔知有咩好嘢食,上OpenRice见到呢一间好出名食西多士嘅茶记,当然要嚟试吓啦~.嚟到梗系要叫佢嘅招牌咖央西多士,一上枱就闻到超级香浓嘅蛋香味,仲有啱啱炸起嘅滋滋声。好彩佢系最後一个到嘅菜式,所以影完张相就可以即刻食😋 因为好热牛油溶得好快,渗晒落去西多士入边,夹心嘅咖央唔会好甜,配埋蛋香味浓嘅面包,质地外脆内软,好耐冇食过咁高质嘅西多士!.仲有叫咗个鲜油火腿菠萝包,从来冇食过呢个组合,非常震撼!菠萝油就食得多,加埋火腿有少少咸,跟住冻冰冰嘅牛油同微暖嘅菠萝包,一试难忘嘅味道!同埋好好彩我哋啱啱好叫到最後一个菠萝包,小确幸🥰.饮品方面,叫咗杯热奶茶,奶味香浓,茶底唔会好涩,系一杯好饮嘅港式奶茶,值得一试。
继续阅读
咖央西多士系即叫即制,老师傅涂满牛油再放入热滚的油里煎炸,上枱热辣辣,金黄多士面的鲜牛油是神来一笔!黎食要做功课,千其唔好问店家拎糖浆,问了只会比佢串:我地西多系特制唔洗落糖浆的!面包质感超松软,的确西多士里面既咖央馅已经有甜味,真系唔洗糖浆都好好味!配返杯酸酸的冻柠茶,冻柠茶茶底同出面茶餐厅不同 ,比$20都比得顺气少少! 咖西多士 $30冻柠茶$20 泗益 (赤柱)赤柱赤柱市场道2号地舖
继续阅读
这是一个暖心的故事🙂,此餐厅永不光顾,皆因食物质素参差,且服务态度恶劣,待客不一。 个日坐低冇几耐,冇有位年纪大啲既员工就话,想食就讲啦,如是者,我地叫左一份西多士,两碗面(猪扒面、五香肉丁面),加一杯冻奶茶少甜,明白旧式茶餐厅未必锺意用纸写低落单,但转个头覆单并即场收钱个阵,已经错漏百出,我地纠正返佢,仲要比佢话。我地同枱另外坐左一对夫妇,一睇就知系熟客,食完先施施然去比钱买单。首先,第一杯冻奶茶率先嚟左,甜到蛀牙;然後碗五香肉丁面亦随即送上,呢个时候同枱已经坐左另外两位新既客人,又系一睇就知熟客,叫晒佢地个名,态度客气,好快呢一对既客人所叫既食物就随即送上,而我呢,碗猪扒面未到,西多士都未到,同行既朋友连碗面都食埋,而同枱既第二位客人都食埋走埋,先开始上碗猪扒面比我。 落单系统可谓毫无秩序,连迟嚟外卖既客人叫既西多士,都比我呢个堂食既快。等到同枱既客人都转左第三转,都仲系未等到份西多士,真系比钱买难受,等候呢份西多士既期间都好有礼貌咁问啲员工,想问有冇漏单呢? 前後都问左2次,只系话要啲时间,大佬,同枱都转左3次客人啦,有咩理由熟客就快上咁多,新客唔系客? 等到磨灭耐心之际,份西多士嚟左,蛋味普通,口感仲要麻麻,嗱嗱声食完走。 系到食既惟一好处我谂系你可以坐好耐。
继续阅读
一踏入呢间朴实无华嘅小店,就即刻俾嗰种家常嘅气氛围住。冇乜花巧摆设,坐低就即刻点咗份牛腩捞粗面同埋碗砵仔糕。嗰碗面,真系咩叫做一绝!牛腩炆得够晒化开,每啖嚼落去,甘香四溢,完全唔系冻肉嚟嘅廉价味。面条爽滑得嚟,煮得啱啱好,真系咁滑咁Q,捞埋嗰汁汁,微微嗰点甜,够晒香,劲正!而啲砵仔糕就真系有惊喜嘅感觉,外层香脆,入口後芝麻嘅香味浑然天成。食物之余,仲有老板嗰份心机同热忱,亲切得好似对待自己屋企人咁。实在系种温馨嘅享受,俾人一种时光倒流返去旧香港嘅感觉。啱晒想寻味旧香港街头饮食嘅你我佢。结实、香滑、窝心,三个字已经可以形容成个食嘅体验🥢🥣👌。
继续阅读
您可能会有兴趣的...