32
15
4
港铁上水站 A3 出口, 步行约7分钟
继续阅读
特色
饮o野倾计
营业时间
星期一至二
11:00 - 23:00
星期三
全日休息
星期四至日
11:00 - 23:00
以上资料只供参考，请与餐厅确认详情
相关文章
上水一帶，現在已成為水貨客、購物商場、連鎖集團、批發店舖所攻佔的地方，走到哪裡都是行李箱、紙箱，很多陪著大家成長的小店、老店都已經支持不住一直上漲的租金而結業，童年回憶一個一個的消失，非常可惜。在這個喧鬧的市區裡，仍然有這間咖啡店，讓人可以走進去，遠離外邊的世界，找到一個寧靜的空間，渡過清靜的下午，非常難得。店內充滿法國風格的佈置，還有書櫃放著很多書讓客人可以拿來看雪櫃上畫了咖啡店位處的那條街道的舊面貌，可惜除了這咖啡店，其他舊店舖都已消失了難得寧靜的空間，跟外面滿是水貨客與行李箱的水泄不通與雜亂形成強烈對比溫泉蛋卡邦尼意粉 $88, 磨菇、煙肉、醬汁都很足料，蛋一戳即流出蛋黃撈起來很美味熱龍眼桂花拿鐵 $45, 咖啡很香，淡淡的龍眼與花香，呷一口進肚子裡暖暖的很舒服青檸蛋糕$45, 老闆推薦試試這一款蛋糕，真的很美味！軟軟的配上濃濃青檸味，很清新，一點都不膩多年來看著上水的變遷，真的很惋惜，而這咖啡店是這裡難得的清泉，老闆也很友善，很多熟客。在租金不斷上漲的情況下，真心希望這咖啡店可以好好經營下去，加油～！
继续阅读
近日幾乎每天都要到石湖墟一趟，回到兒時長大的地方。以前未到7pm鋪頭已全關，靜到對面樓鬧仔都聽得一清二楚。現在變了水貨街，夜晚8點還車水馬龍⋯ Cafe Je T’aime開張時，我已搬走了。當時只是外賣蛋糕，今天才第一次坐下來幫襯。 高樓底加上枱不多，讓人覺得寧靜、舒服，與出面水洩不通的水貨街頭甚大對比。 見到這個凍櫃不禁有點唏噓。 除了cafe外，畫中的店鋪全都變成水貨店了 永和野生蜂蜜抹茶蛋糕 $45 香港製造的永和蜂蜜來自沙田，除了野生蜂蜜，還有百花蜜、冬蜜，甚至蜂巢片。而Cafe Je T'aime就選了最高品質的野生蜂蜜來做蛋糕。 蜜糖味清甜，配上淡淡的抹茶蛋糕，味道完美。喜歡抹茶蛋糕夠濕潤，質素可媲美台灣的蜂蜜蛋糕。 Mon Cheri $47 來到cafe，當然要試試咖啡。見到有幾款咖啡特飲幾有趣，選了其中一款Mon Cheri（我所深愛的）。 喝咖啡來說，我只是BB班程度。這杯以白朱古力為主調的咖啡，甜甜的，非常合我口味。喜歡它加了鮮士多啤梨，為咖啡更添清新味道。 老實說，價錢有點貴。但要在這水貨街生存，我明有多艱難。最近街頭的中輝書局踏上加租結業之路，希望下次再回來，還見到這家cafe吧！
继续阅读
系上水食完lunch,就想去新功街既Cafe Je T'aime嘆杯咖啡,樓底有兩層高,空間感大坐得舒適,感覺客人都系熟客,很熟悉店內既一切,有兩個小書櫃,有多種類型既書適合唔同人觀賞,書櫃旁有個紅酒木盒內有玻璃杯同水客人可自由裝水飲用。今日坐梳化位,檯下櫃位都有書架～可以放低電話一陣,搵自己想睇既書飲杯咖啡/茶,食件蛋糕真系好享受檯上放左咖啡店既小禮儀Cappuccino $38,泡沫綿密咖啡香濃Caramel Mocha $43,甜度剛好,咖啡同朱古力比例平均。
继续阅读
今日喺上水做完嘢想揾一間靜啲既cafe 嘆咖啡，點知誤入了間「謀人寺」，個疑似老闆嘅男人好熱情咁介紹食物同飲品比我哋，佢話今日係節日，所以沒有餐牌入面的意粉供應，只有兩款為節日而特別設計意粉：「苦瓜咸蛋意粉」和「貓意粉-其實只係三色椒炒蝴蝶粉」，聴見都唔想食，唯有問可否幫我們做溫泉蛋卡邦尼意粉，佢話可以，结果點了兩份，還叫了煙三文魚炒旦三文治和蘋果批，疑似老闆嘅男人之後再問我們飮什麼，我們説齋啡，佢就推介一杯叫「藝技」嘅手冲咖啡，結果叫了兩杯試吓。埋單嘅時候我以為自己聴錯，佢話$664，一睇張單原來嗰杯一啲咖啡味都冇嘅「藝技」要成$128/杯，我就問個男人攞個餐牌睇，結果係冇呢杯咖啡嘅價錢，我就同佢講如果杯咖啡係$128一杯，係咪都要同我哋講聲呢？跟住佢就話下次會講聲先，我就答佢唔會再有下次。我明白，其實自己冇問價錢都有責任，但係上水一間咁嘅Cafe，一杯冇「咖啡味」嘅咖啡收$128呢個價錢就真係太狼死囉⋯⋯五星級酒店都冇收呢個價啦！奉勸各位，如不幸誤入這cafe，記得記得記得逐樣問清楚價錢先好落單！
继续阅读
喺北區醫院飽受挫折，心情極度不佳，又肚餓嘅情況下，實在冇力再坐返車出去食嘢。話說呢間cafe之前喺個list入面，但心諗上水實在太遠，唔會專登走嚟試，於是delete咗，但今日於是行吓行吓，嚟呢度試吓囉。第一次喺上水街頭行，原來真係有咁多藥房及食物化妝品店㗎喎！實在好難想像，喺呢堆鋪頭之間，竟然會有一間個名咁浪漫嘅cafe。推門入嚟之後，四圍嘅牆都畫滿法國嘅嘢，法文啦、情侶啦、鐵塔、凱旋門啦...... 不過牆身有啲舊，開始剝落，檯面都有啲甩油，本身想話幾OK吖相識營造巴黎嘅氣氛，但見到呢啲即刻扣晒分.... 又話說電話無電，問店員借個叉電，佢仲好體貼咁話我知邊度有得叉，心諗真係幾好喎！溫泉蛋Carbonara ($88)嚇一跳，咁細碟嘅？意粉兩旁係一塊烘咗嘅麵包，即係多士，及沙律菜；個人覺得塊多士好冇誠意，其實可以俾啲牛油，或者搽啲蒜蓉牛油落塊麵包上面，其實已經會好睇好多！意粉軟硬度適中，煙肉及蘑菇都偏多；切開隻蛋之後，好有趣嘅質感，一半係流心，一半係實心，都會慢慢流落意粉度，撈埋一齊食口感都幾好，我唔鍾意外面食嗰啲carbonara咁膩，所以呢個我OK。但如果鍾意食傳統carbonara嘅朋友，呢個唔會係你嘅選擇番石榴汁套餐包一杯果汁，唔飲嘅話可以扣返$7，但套餐唔可以轉其他飲品。咁樣似乎靈活度低啲，呢度一杯mocha都40幾蚊，拍得住中環cafe嘅價錢喎，唔係好化算咁噃！於是飲果汁算，一放低已經聞到好香番石榴味，仲有好多果肉喺個杯入面浮吓浮吓，我坐喺近門口位，陽光喺玻璃窗投射入嚟，又幾靚喎！原來係梳打汁嚟嘅，番石榴味唔算假，甜度亦都適中，幾好飲！綠茶芝士蛋糕落單前已經問咗會唔會係好膩嗰啲，店員話係，於是就試吓。厚度甜度都適中，仲好濃綠茶味道添，吓吓都回甘，而且蛋糕本身夠晒實，好正！到俾錢時先發覺，原來要收$10叉電器嘅錢？！唔係呀嘛？？？？？？你要收，我唔介意，但其實都好小家啫，你喺每樣食物飲品加返落去咪得囉。問題係我問你借嗰陣你唔話我知，到俾錢嗰陣先打落張單度，唔係好啱啫？舊cheesecake幾好食都冇用，心情又差過😖
继续阅读